इब्रानियों 2:4 - चम्बयाली नौआ नियम

⁴ ते परमेश्वर ने मते चिन्ह-चमत्कार, आश्चर्यकर्म, ते पवित्रात्मा रे दान देई करी इस बसेख जो लोक्कां सामणे पक्का कित्ता।

इब्रानियों 2:4 ပူးပေါင်းရင်းမြစ်များ

मरकुस 16:20

ते तिन्हा चेल्‍लेयां ने निकली करी हर जगाह् प्रचार कित्तेया, ते प्रभु रे चेल्‍लेयां रे जरिए कम्म करदे रेय, अते तिन्हा नेक-बनेक्के कम्मां रे जरिए जे कन्ने-कन्ने हुंदे थिये, वचनां जो पक्का करदे रेय।

मरकुस 6:14

हेरोदेस राज्जे ने भी यीशु री गल्लां सूणी, किजोकी यीशु रा नां फैल्ली गे रा थिया, ते हेरोदेस राज्जे ने बोल्लेया, “ए यूहन्ना बपतिस्मा दैणा वाला मरेयां बिच का जिन्दा होई गे रा है, इस तांइ से इदेय चिन्ह-चमत्कार करदे।”

यूहन्ना 15:26

जां तिस मददगार ने आणा, जिस जो मैं पिता रे पास्से का तुसा का भेजणा, बल्कि सच्चाई री आत्‍मा, जे पिता रे पास्से का आंदी, तिसने मेरी गवाई दैणी।

यूहन्ना 4:48

यीशु ने तिसजो बोल्लेया, जिस बेल्ले तक तुसा चमत्कार नी दिख्खी लैणे तिस बेल्ला तक तुसा कदी विश्वास नी करणा कि मैं मसीह है।

प्रेरितां रे कम्म 14:3

ते से बड़े रोज्जां तांइ तित्ते रे, ते प्रभु रे भरोसे पर हिम्मत कने गल्लां कने करदे थिये ते प्रभु तिन्हेरे जरिए का चिन्ह-चमत्कारी कम्म करवाई करी अपणे अनुग्रह रे वचनां पर गवाई दुआंदे थिये।

प्रेरितां रे कम्म 4:10

तां तुसा सारे इस्राएली लोक्कां ने जाणी लैणा कि जिस नासरत कस्बे रे मसीह यीशु जो, तुसा ने सुली पर चढ़ाया थिया, ते जिस जो परमेश्वर ने मरे रे लोक्कां बिच का जिन्दा कित्ता, तिन्हेरे जरिए ए मणू तुसा रे सामणे ठीक-ठाक खड़ित्ते रा है।

प्रेरितां रे कम्म 5:32

असी इन्हा गल्लां रे गवाह हिन ते तिय्यां ही पवित्रात्मा भी, जिस जो परमेश्वर ने तिन्हा जो दित्ते रा है जे तिन्हेरा हुकम मनदे

इफिसियों 1:5

किजोकी परमेश्वर ने असा जो प्यार कित्तेया ते तिन्हा ने फैसला कित्तेया कि तिन्हा ने असा जो मसीह यीशु रे जरिये गोद लेई लैणा।

इफिसियों 1:9

परमेश्वर ने अपणी इच्छा रा राज़ ठीक इराद्दे कने असा पर जाहिर कित्तेया, जे तिन्हा ने अप्पु मसीह यीशु रे जरिये स्थापित कित्तेया थिया।

इफिसियों 4:7

पर मसीह यीशु ने असा सारेयां जो अपणे अनुग्रह रे हिसाब कने बखरे-बखरे दान दित्ते रे हिन।

इब्रानियों 6:4

जे मणू परमेश्वर बिच विश्वास करणा छड्डी दिंदे, तिन्हा लोक्कां जो फिरी दुबारा कदी तौबा करणे री नौबत तिकर नी लाया जाई सकदा। तिन्हा ने इक्क समय पर परमेश्वर का मिलणे वाली सच्चाई जो पैछाणे रा है, ते परमेश्वर का आशीषां भी पाए री हिन, ते दूए विश्वासियां कने पवित्रात्मा भी हासिल कित्तेया।