इब्रानियों 13:3 - चम्बयाली नौआ नियम

³ कैदी कने ऐसे पेश आओ कि तिन्हा जो लगे कि जिय्यां तुसा भी तिन्हा कने कैद हिन, ते जिन्हा कने बुरा बर्ताव कित्तेया जांदा, तिन्हा री इदेयी सुधी लेया करो कि जिय्यां तुसा अपणे सरीर बिच तिन्हेरा दर्द महसूस करदे।

इब्रानियों 13:3 ပူးပေါင်းရင်းမြစ်များ

मत्ती 25:36

मैं नगां थिया, ते तुसा मेरे जो कपड़े पुआये, मैं बुमार थिया ते तुसा मेरी सेवा कित्ती मैं जेल बिच थिया ते तुसा मेरे जो मिलणे तांइ आए।

मत्ती 25:43

मैं अजनबी थिया, पर तुसा मेरे जो अपणे घरे नी रुकाया, मैं नगां थिया, ते तुसा मेरे जो कपड़े नी पुआए, मैं बुमार ते जेल बिच थिया पर तुसा ना मेरा ध्यान रख्खेया ते ना ही मेरे कने मिलणा आए।

प्रेरितां रे कम्म 24:23

ते हाकिम जो हुकम दित्तेया कि पौलुस जो अपणी गिरफ्त बिच रख्खे पर तिसजो थोड़ी अजादी देई रख्खे ते तिसेरे मित्रां बिच का कुसकी जो भी तिसेरी सेवा करणे का मत रोकदा।

प्रेरितां रे कम्म 27:3

दूए रोज्जे असा सैदा कस्बे बिच पूजी करी तित्ते रुके, ते यूलियुस ने पौलुस पर रहम करी के तिसजो मित्रां का जाणा दित्तेया कि तिसेरी आदर-खातर होई सको।

रोमियों 12:15

खुसियां मनाणे वालेयां कने खुसी मनाओ, ते रोणे वालेयां कने रोओ।

1 कुरुन्थियों 12:26

इस तांइ जे अगर इक्क अंग बिच कमजोरी हुंदी तां सारा सरीर तकलीफ बिच हुंदा। ते तिय्यां ही जां असा रे सरीर रे इक्क अंग री बड़ी बदिया दिख्ख-रिख्ख हुंदी

इफिसियों 4:1

इधेरे तांइ मैं जे प्रभु री सेवा करणे री वजह कने कैद बिच है, तुसा रे छन्दे करदा कि जिस बुलाह्ट कने तुसा सद्दे गे थिये, तिस जोग्गी चालचलन बणाई रख्खो,

कुलुस्सियों 4:18

मैं पौलुस, चीठ्ठी रे इस हिस्से जो अपणे हत्थ कने लिख्खी करी तुसा जो नमस्ते भेज्जेया करदा है। याद रख्खेयो कि मैं कैद बिच है, ते मेरे तांइ प्रार्थना करदे रेयो। तुसा पर परमेश्वर रा अनुग्रह बणे रे। आमीन।

इब्रानियों 10:34

किजोकी तुसा मणू ना सिर्फ कैदियां रे दुख बिच दुखी होए, पर तुसा ए जाणदे होए अपणी जायदाद भी खुसी कने लुटणा दित्ती कि तुसा तांइ स्वर्ग बिच इसका भी बदिया ते हमेसा रैह्णे वाली जायदाद है।

इब्रानियों 11:37

तिन्हा बिच किच्‍छ विश्वास करणे वाले लोक्कां जो बट्टे मारी करी मुकाई दित्ता, मते जणेया दो हिस्सेयां बिच कट्टी दित्ता। किच्‍छ जणेया जो तलवारां कने मारी छड्डेया। विश्वास करणे वाले किच्‍छ मणू बकरे रे चमड़े रे कपड़े पाई करी इत्ते उत्ते भटकदे रे। तिन्हा का पैसे नी थिये। तिन्हा पर लगातार जुल्म कित्ते गे।

1 पतरस 3:8

आखिरकार मैं तुसा सारेयां जो ए बोलणा चाह्‍ंदा कि तुसा सारे जणे इक्क-मन होई करी रेयो। इक्क दूए कने हमदर्दी रख्खो। इक्क-दूए जो अपणे परिवार रे मणूआं सांई प्यार करो, इक्क-दूए तांइ दयालू बणो ते सारेयां कने नरम बणो।