इब्रानियों 13:2 - चम्बयाली नौआ नियम

² जिन्हा भी विश्वासियां कने तुसा पैल्ले ना मिल्ले रे होण, तिन्हा जो अपणे घर मेहमान बणाई करी तिन्हेरी सेवा पाणी करणा मत भूलदे। किजोकी इय्यां ही जाणे-अजनाणे बिच लोक्कां ने स्वर्गदूतां री भी मेहमान-नवाज़ी कित्ते री है।

इब्रानियों 13:2 ပူးပေါင်းရင်းမြစ်များ

मत्ती 25:35

किजोकी मैं भूख्खा थिया ते तुसा मेरे जो खाणे तांइ दित्तेया, मैं प्यासा थिया ते तुसा मेरे जो पाणी पीणे जो दित्तेया, मैं परदेसी थिया, तुसा मेरे जो अपणे घरे रुकाया।

मत्ती 25:40

फिरी मैं उन्हा जो जवाब दैणा, मैं तुसा रे कने सच बोलदा जां भी तुसा ने मेरे भोले-भाले चेल्‍लेयां बिच का कुसकी इक्क तांइ भी किच्‍छ कित्तेया, तां से तुसा मेरे तांइ कित्तेया।

मत्ती 25:43

मैं अजनबी थिया, पर तुसा मेरे जो अपणे घरे नी रुकाया, मैं नगां थिया, ते तुसा मेरे जो कपड़े नी पुआए, मैं बुमार ते जेल बिच थिया पर तुसा ना मेरा ध्यान रख्खेया ते ना ही मेरे कने मिलणा आए।

प्रेरितां रे कम्म 16:15

अपणे सारे टब्बर समेत बपतिस्मा लैणे का बाद तिसने असा रे छन्दे कित्ते कि जे तुसा मेरे जो परमेश्वर री सच्ची भक्तण मनदे तां चलो मेरे घरे रुको ते से असा जो मनाई करी अपणे घरे लेई गई।

रोमियों 12:13

पवित्र मणूआं तांइ जे किच्‍छ भी जरुरी हो, तिस अन्दर तिन्हेरी मदद करो। अजनबी लोक्कां रीखातिर दारी करणे बिच लग्गी रेयो।

रोमियों 16:23

गयुस रे पास्से का भी तुसा जो नमस्कार। अब्बे मैं तिसेरे घरे ही रेया करदा है, जित्ते कलीसिया संगती करणे तांइ कठिंदी। इरास्तुस रे पास्से का भी तुसा जो नमस्कार, जे सहर रा भण्डारी है, ते भ्याल क्वारतुस रे पास्से का भी तुसा जो नमस्कार।

1 तीमुथियुस 3:2

इधेरे तांइ ए जरुरी है कि कलीसिया रा मुखिया बेकसूर, तिसेरी सिर्फ इक्क ही लाड़ी हो, हर कम्म बिच अप्पु जो काबू बिच रखणे वाला, सूझ-बूझ कने बर्ताव करणे वाला, इज्जतदार, मेहमान्नां री खैर ख्वाह करणे वाला, ते जिस जो लोक्कां जो परमेश्वर रा बसेख शिक्षां दैणा आंदा हो।

1 तीमुथियुस 5:10

से विधवा जनानी अपणे भलाई रे कम्मां तांइ जाणी जांदी हो जिय्यां कि बच्चेयां रा पालण-पोषण करणा, मेहमान-नवाजी करणा, प्रभु रे लोक्कां री सेवा करणा, मुसीबत बिच पेय रे लोक्कां री मदद करणा ते हर तरिक्के रे भलाई रे कम्मां बिच मन लाणा।

तीतुस 1:8

पर परौणे रा सत्कार करणे वाला हो, सारेयां री भलाई चाह्‍णे वाला, अप्पु पर काबू रखणे वाला, जे सही ते गलत रा फैसला करणे रे जोग्गे हो, ते अनुशासन बिच रैह्णे वाला हो।

1 पतरस 4:9

बगैर बुड़बुड़ाए मेहमान्नां जो अपणे घरे रुकाओ ते तिन्हेरी खात्तरदारी करेया करो।

3 यूहन्ना 1:5

ओ मेरे प्यारे भाई, तैं संगी विश्वासियां री मदद तांइ बड़ा किच्‍छ कित्ते रा है, ते तैं तिन्हा लोक्कां री भी मदद कित्ती जिन्हा जो तू जाणदा नी।