इब्रानियों 11:3 - चम्बयाली नौआ नियम

³ विश्वास कने ही असी जाणदे कि ब्रम्हांड परमेश्वर रे हुकम कने बणेया थिया। असी ए भी जाणदे कि जे चीजां असी दिख्खी सकदे, से अणदिख्खी चीजां बिच का बणी।

इब्रानियों 11:3 ပူးပေါင်းရင်းမြစ်များ

यूहन्ना 1:3

परमेश्वर ने सब किच्‍छ वचन रे जरिए बणाया ते हर इक्क चीज जे इस दुनिया बिच बणाई गयी से तिन्हेरे ही जरिए बणाई गयी।

प्रेरितां रे कम्म 14:15

असा भी तां तुसा सांई दुख-सुख भोगणे वाले आम मणू हिन, ते तुसा जो सुब बसेख सुणादे, कि तुसा इन्हा बेकार री चीजां का बखरे होई करी जिंदे परमेश्वर जो जाणो, जिन्हा ने आसमान ते जमीन ते समुन्द्र ते जे किच्‍छ तिस बिच है तिन्हा जो बणाया।

प्रेरितां रे कम्म 17:24

जिस परमेश्वर ने दुनिया ते तिस बिच सब चीजां जो बणाए रा है, से आसमान ते दुनिया रा मालक होई करी भी हत्थां रे बणाये र मन्दिर बिच नी रैहन्दा।

रोमियों 4:17

जिय्यां कि पवित्रशास्त्र बिच लिख्खे रा है, “मैं तेरे जो मती जातियां रा पुरखे ठैहराए रा है।” परमेश्वर री नजर बिच अब्राहम असा रे पुरखे हिन। तिन्हा ने तिस परमेश्वर पर विश्वास कित्तेया, जे मुर्देयां जो जिन्दा करदे, ते तिन्हा जो अस्तित्व बिच लांदे, जिन्हेरा कोई अस्तित्व नी है।

1 कुरुन्थियों 2:7

जिस ज्ञान रे बारे बिच असी दसदे से परमेश्वर रा ओ ज्ञान है जिस जो तिन्हा ने लुकाई करी रख्खेया। कोई भी तिसेरे बारे बिच नी जाणदा थिया। दुनिया बणाणे का पैल्ले का ही परमेश्वर ने ए फैसला कित्तेया कि तिन्हेरे ज्ञान असा रे आदरमान तांइ है।

1 तीमुथियुस 4:5

किजोकी से परमेश्वर रे वचन ते प्रार्थना करणे री वजह कने तिन्हेरे तांइ ग्रहण करणे जोग्गे बणी जांदे।

इब्रानियों 1:2

पर आखरी रोज्जां रे बारे बिच परमेश्वर ने अपणे पुत्र रे जरिये असा कने गल्लां कित्ते री हिन, जिन्हेरे जरिए तिन्हा ने सारे ब्रम्हांड जो भी रचेया, ते जिन्हा जो परमेश्वर ने अपणी रचे री हर चीज रा वारिस भी बणाया।

इब्रानियों 6:5

तिन्हा जो परमेश्वर रे बसेख रा अच्छा अनुभव मिल्ले रा है, ते तिन्हा ने तिस समय री ताकत रा भी अनुभव कित्ते रा है, जां परमेश्वर ने राज करणा।

2 पतरस 3:5

तिन्हा ने जाणी-बुझी करी इस गल्ल जो नजरंदाज कित्तेया कि दुनिया जो बणाणे री सुरुआत बिच परमेश्वर रे सिर्फ बोलणे भर कने ही आसमान बणी गेया थिया। तिन्हेरे सिर्फ शब्द कने ही सुकी जमीन, पाणी का अलग होई गई ते तिन्हा ने जमीन जो पाणी का कड्डी करी अणेया।

प्रकाशित वाक्य 4:11

ओ असा रे परमेश्वर, “तुसी अराधना रे काबिल हिन। तुसा आदरमान रे काबिल हिन। तुसा ताकतवर हिन किजोकी तुसा ने सब किच्‍छ बणाया। ए तुसा री मर्जी थी इधेरे तांइ तुसा ने से सब किच्‍छ बणाया ते तिन्हेरे अवे वजूद है।”