इब्रानियों 10:4 - चम्बयाली नौआ नियम

⁴ किजोकी ए बड़ी अनहोन्नी गल्ल है कि बैल्लां ते बकरेयां रा खून, मणूआं रे पाप्पां जो दुर करे।

इब्रानियों 10:4 ပူးပေါင်းရင်းမြစ်များ

मरकुस 12:33

ते तिन्हा कने पूरे मन, पूरी समझ, पूरी जान, अते सारी ताकत कने प्यार करणा चाएदा अते गुआडियां कने अप्पु रे बराबर प्यार करणा, सारी दान ते कुर्बानी का भी बधी करी।”

यूहन्ना 1:29

दूए दिन तिसने यीशु जो अपणे पास्से आंदे दिख्खी करी बोल्लेया, “दिख्खो! ए परमेश्वर रा मेमना है, जे दुनिया रे पाप्पां जो मिटाणे तांइ आए रा है।”

रोमियों 11:27

जां मैं तिन्हेरे पाप्पां जो माफ करी दैणा, तां मैं तिन्हा कने मेरी वाचा बनणी।”

इब्रानियों 10:1

मूसा रा कानून, जे आणे वाली ठीक चीजां री परछाई है, पर से अप्पु ओ ठीक चीजां नी हिन, तिन्हा रीति रिवाज्‍जां रे हिसाब कने, से कुर्बानियां घड़ी-घड़ी मते साल्लां तिकर चढाई गयी, पर से अराधना करणे वाले लोक्कां जो तिन्हेरे पाप्पां का पूरे तरिक्के कने सुच्चा नी करी सकेया।

इब्रानियों 10:11

पुराणी वाचा रे मुताबिक पुरोत्त हर रोज ही अपणे सेवा रा कम्म करदे, ते इक्क ही तरिक्के रे कुर्बानी जो बार-बार चढांदे, जे मणूआं रे पाप्पां जो कदी भी दुर नी करी सकदा।

इब्रानियों 10:8

जिय्यां मसीह ने पैल्ले बोल्लेया, तुसा री पाप्पां तांइ चढ़ाए जाणे वाली भेंट ते जानवरां री बलियां कने खुस नी हुंदे। बल्कि ए बलियां मूसा रे कानून रे हिसाब कने चढ़ाई जांदी हिन।

इब्रानियों 9:9

ए सारी चीजां अज्ज रे समय री निशानियां हिन। जे भेंट ते कुर्बानी परमेश्वर जो चढ़ाए जांदे थिये, से तिन्हा लोक्कां रे विवेक जो साफ नी करी पांदे थिये, जे मणू तिन्हा भेंट ते बलिदान्नां जो लेई करी आंदे थिये।

1 यूहन्ना 3:5

तुसा जो तां पता ही है कि मसीह यीशु मणूआं रे पाप्पां जो दुर करणे तांइ ही दुनिया रे लोक्कां बिच आया अते ए भी कि मसीह बिच कोई भी पाप्पी नी है।