इब्रानियों 1:2 - चम्बयाली नौआ नियम

² पर आखरी रोज्जां रे बारे बिच परमेश्वर ने अपणे पुत्र रे जरिये असा कने गल्लां कित्ते री हिन, जिन्हेरे जरिए तिन्हा ने सारे ब्रम्हांड जो भी रचेया, ते जिन्हा जो परमेश्वर ने अपणी रचे री हर चीज रा वारिस भी बणाया।

इब्रानियों 1:2 ပူးပေါင်းရင်းမြစ်များ

मत्ती 13:39

अते जिस दुश्मण ने तिन्हा जो बाया थिया से शैतान है, कणक री बाड्डी दुनिया रे अंत जो दर्शांदी, कणक बडणे वाले स्वर्गदूत हिन।

मत्ती 17:5

से बोल्लेया ही करदा थिया कि दिख्खो, इक्क चमकदे बदल ने तिन्हा जो ढक्की लेया, अते तिस बदल बिच का इक्क अवाज निकली, ए मेरा प्यारा पुत्तर है, जिस का मैं बड़ा खुस है: इसेरी सुणो।

मत्ती 21:38

पर किसानां ने तिस मुडें जो दिख्खी करी अप्पु बिच बोल्लेया, ए तां वारिस है, आओ, इसजो मारी रखदे ते इसेरी मिरास लेई लिदें।

मत्ती 26:63

पर यीशु चुप रेय, तां प्रधान पुरोत्त ने तिन्हेरे जो बोल्लेया, मैं तेरे जो जिन्दे परमेश्वर री कसम दिंदा की जे तू परमेश्वर रा पुत्तर मसीह यीशु है तां असा कने बोल्ली दे।

मत्ती 28:18

फिरी यीशु ने उन्हेरे का जाई करी बोल्लेया, स्वर्ग ते जमीन बिच सब हक मेरे जो दित्ते गे हिन।

मत्ती 3:17

अते दिख्खो, स्वर्ग बिच का ए अवाज आई कि ए मेरा प्यारा पुत्तर है, “जिस का मैं बड़ा-वरी खुस है।”

मरकुस 1:1

ए कताब मसीह यीशु रे सुब बसेख रे बारे बिच है, से परमेश्वर रे पुत्तर हिन।

मरकुस 12:6

आखर बिच तिस मालक का सिर्फ तेरा मुंडा ही बचेया जिस जो से बड़ा जादा प्यार करदा थिया। तिस मालक ने अपणे मुंडे जो ए सोच्ची करी भेज्जेया कि इसेरी तां तिन्हा लोक्कां ने इज्जत जरुर करणी।

मरकुस 12:7

पर तिन्हा किसाना ने अप्पु-मिते बोल्लेया कि, ए ही तां वारिस है। आओ, असी इसजो ही मारी रखदे, ते ए बगीच्चा असा रा होई जाणा।

यूहन्ना 1:10

से दुनिया बिच आया, कने दुनिया तिसेरी वजह कने बणेया थिया, ते दुनिया रे लोक्कां ने तिसजो नी पछाणेया।

यूहन्ना 1:14

वचन मणू रे रुप बिच आया, ते से अनुग्रह ते सच्चाई कने भरी कने तिसने हमारे बिच डेरा कित्ता कने असी तिसेरी इदेइ बड़ाई दिख्खी जिय्यां पिता रे इकलौत्ते पुत्तर री महिमा दिख्खी हो।

यूहन्ना 1:3

परमेश्वर ने सब किच्‍छ वचन रे जरिए बणाया ते हर इक्क चीज जे इस दुनिया बिच बणाई गयी से तिन्हेरे ही जरिए बणाई गयी।

यूहन्ना 13:3

यीशु ने ए जाणी करी कि पिता ने सब किच्‍छ मेरे हक बिच देई दित्ते रा है, ते से परमेश्वर रे पास्से का आया ते परमेश्वर का हटेया करदा है,

यूहन्ना 13:32

ते जिय्यां परमेश्वर जो अपणे पुत्तर री वजह कने महिमा मिल्ले री है तिय्यां ही पिता-परमेश्वर ने भी अपणे पुत्तर जो जल्द ही महिमा दैणी।

यूहन्ना 15:15

अवे मैं तुसा जो नौक्कर नी बोलणा किजोकी कोई नौक्कर नी जाणदा कि उसेरा मालक कै करदा, पर मैं तुसा जो दोस्त बोल्लेया, किजोकी से सब गल्लां जे मैं अपणे पिता का सुणी तुसा जो दस्सी दित्ती री हिन।

यूहन्ना 16:15

जे किच्‍छ पिता का है से सब मेरा है, इधेरे तांइ मैं बोल्लेया कि जे किच्‍छ मेरा है, तिन्हा गल्लां जो सुणी करी पवित्रात्मा ने तुसा जो दस्सी दैणा।

यूहन्ना 17:2

किजोकी तुसा ने अपणे पुत्तर जो पूरी मणू जाति पर हक दित्ते रा है कि से, हर इक्क जो, जिन्हा जो तुसा ने तिसजो दित्ते रा है, हमेसा री जिन्दगी देयो।

यूहन्ना 3:16

किजोकी परमेश्वर ने दुनिया रे लोक्कां कने इन्ना प्यार कित्ती कि तिन्हा ने अपणा इकलौता पुत्तर देई दिता कि जेड़ा तिस पर विश्वास करे से नास न हो पर हमेसा री जिन्दगी पाओ।

यूहन्ना 3:25

तित्ते यूहन्ना रे चेल्‍लेयां रा कुसी यहूदी कने शुद्वीकरण रे बारे बिच बहस होई गयी।

यूहन्ना 5:26

किजोकी जिस तरिक्के बाबा अप्पु अन्दर जिन्दगी रखदा तिसी तरिक्के तिसने पुत्तर जो भी ए हक्क दितेरा है कि अप्पु बिच जिन्दगी रखे

यूहन्ना 5:27

ते परमेश्वर ने मेरे जो हर इन्सान पर, तिन्हेरा हिसाब-किताब करणे रा भी हक्क दित्ते रा है, किजोकी मैं मणू रा पुत्तर है।

यूहन्ना 9:29

असी जाणदे कि परमेश्वर ने मूसा कने गल्लां कित्ती पर इस मणू जो नी जाणदे कि ए कुते रा हैं?

प्रेरितां रे कम्म 10:36

जे बसेख तिन्हा ने इस्राएल बिच भेज्जेया, हालाकिं तिन्हा ने मसीह यीशु, जे सबणी रे प्रभु हिन रे जरिए सांती रा सुब बसेख सुणाया।

प्रेरितां रे कम्म 2:17

परमेश्वर बोलदे, “आखरी दिनां बिच इय्यां होणा कि मैं अपणा आत्‍मा सारे लोक्कां जो दैणा, ते तुसा रे मुडें ते तुसा री कुड़ियां ने भविष्यवाणी करणी, ते तुसा रे जवान्नां ने दर्शन दिखणे, ते तुसा रे बुजुर्ग मणू ने सुपने दिखणे

रोमियों 1:4

ते जां से पवित्रात्मा री ताकत कने मरे रे लोक्कां बिच का फिरी जिन्दे कित्ते गे, तां से परमेश्वर रे पुत्तर ठैहरे।

रोमियों 8:17

ते जे अगर असी परमेश्वर री औलाद्दां हिन तां असी तिन्हेरे वारिस भी हिन। बल्कि असी मसीह यीशु कने परमेश्वर री महिमा रे वारिस हिन। जे अगर असी मसीह यीशु सांई जुल्म सैह्‍ंदे, जे असी अब्बे सहन करेया भी करदे हिन, तां असा ने भी तिन्हेरी महिमा बिच हिस्सा पाणा।

1 कुरुन्थियों 2:7

जिस ज्ञान रे बारे बिच असी दसदे से परमेश्वर रा ओ ज्ञान है जिस जो तिन्हा ने लुकाई करी रख्खेया। कोई भी तिसेरे बारे बिच नी जाणदा थिया। दुनिया बणाणे का पैल्ले का ही परमेश्वर ने ए फैसला कित्तेया कि तिन्हेरे ज्ञान असा रे आदरमान तांइ है।

गलातियों 4:4

पर जां परमेश्वर रा ठैहराए रा समय आई गेया तां परमेश्वर ने अपणे पुत्तर जो इस दुनिया बिच भेज्जेया जे इक्क जनानी का पैदा होए। से इक्क यहूदी मणू रे रुप बिच पैदा होए ते तिन्हा ने मूसा रे कानून जो मन्नेया।

इफिसियों 1:10

परमेश्वर री ए योजना है कि तिन्हेरे ठैहराए रे समय पर आसमान ते जमीन री सब चीजां जो मसीह यीशु रे हक बिच लेई आए।

इफिसियों 3:9

ते सारे लोक्कां जो परमेश्वर री ए राज़ री योजना समझाणे तांइ, जिस जो परमेश्वर, जे सारी दुनिया रे बणाणे वाले हिन, तिन्हा ने दुनिया री सुरुआत का लुकाई करी रख्खे रा थिया।

इब्रानियों 1:5

किजोकी पवित्रशास्त्र बिच परमेश्वर ने यीशु मसीह रे अलावा कदी अपणे स्वर्गदूतां बिच का कुसकी जो ए नी बोल्लेया, “तू मेरा पुत्तर है! अज्ज मैं सारेयां जो ए एलान करदा कि तेरा पिता मैं है!” ते फिरी पवित्रशास्त्र बिच कुसकी होरसी जगाह् पर यीशु मसीह रे अलावा कदी कुसकी स्वर्गदूत जो ए भी नी बोल्लेया, “मैं तिसेरा पिता बणना, ते तिनिये मेरा पुत्तर बणना।”

इब्रानियों 1:8

पर परमेश्वर रे पुत्तर रे बारे बिच ए लिख्खे रा गेया है, “ओ परमेश्वर, तेरा राज हमेसा-हमेसा तांइ रैह्णा, अते तुसा ने धार्मिकता कने राज करणा,

इब्रानियों 11:3

विश्वास कने ही असी जाणदे कि ब्रम्हांड परमेश्वर रे हुकम कने बणेया थिया। असी ए भी जाणदे कि जे चीजां असी दिख्खी सकदे, से अणदिख्खी चीजां बिच का बणी।

इब्रानियों 2:3

तां फिरी असी ए किय्यां सोच्ची सकदे कि जे अगर असी इस छुटकारे रे बसेख री ना-फरमानी करी के बची सकदे, जे मसीह ने अप्पु दित्तेया। असा जो ए बसेख तिन्हा लोक्कां ने दित्तया, जिन्हा ने तिन्हा जो ए सब दसदे सूणेया थिया।

इब्रानियों 3:6

पर मसीह यीशु, परमेश्वर रे पुत्र होणे रे तौर पर, तिन्हेरे पूरे टब्बर बिच विश्वासयोग्य हिन, जे अगर असी हिम्मत ते आस कने विश्वास बिच बणी रैह्ण तां असी ही तिन्हेरा टब्बर हिन।

इब्रानियों 4:14

यीशु जे स्वर्ग बिच गे थिये, से परमेश्वर रे पुत्तर ते असा रे प्रधान पुरोत्त हिन। से असा सारेयां रे बड्डे पुरोत्त हिन। इधेरे तांइ, असा जो तिस विश्वास जो छड्डे बगैर तिन्हा बिच मजबूती कने बणी रैह्णा चाएदा, जिस जो असी सबका पैल्ले अपणाए रा है।

इब्रानियों 5:8

ते परमेश्वर रा पुत्र होणे पर भी, तिन्हा ने से जुल्म सैह्‍ण करी-करी के परमेश्वर रे हुकमां जो मनणा सिख्खेया।

इब्रानियों 7:28

किजोकी मूसा रा कानून कमजोर लोक्कां जो बड्डा पुरोत्त बणने तांइ चुणदा; पर जे वाचा परमेश्वर ने मूसा रे कानून रे बाद बन्नी थी, तिसने परमेश्वर रे पुत्तर जो प्रधान पुरोत्त ठैहराया, जे असा तांइ हमेसा-हमेसा तांइ सिद्व बड्डे पुरोत्त बणी गेरे हिन।

इब्रानियों 9:26

जे अगर तिन्हा जो अप्पु जो हर साल कुर्बानी होणे तांइ दैणा पैंदा, तां तिन्हा जो दुनिया रे बणाए जाणे रे समय ला लेई करी अब्बे तिकर, घड़ी-घड़ी कुर्बानी दैणे पैंदे। पर इसेरे बजाए, तिन्हा ने इक्क ही वरी, हमेसा तांइ सारे लोक्कां तांइ अपणा कुर्बानी देई करी असा सारेयां रे पाप्पां जो मिटाई दित्तेया।

1 पतरस 1:20

परमेश्वर ने इस दुनिया जो बणाणे का पैल्ले ही इस गल्ल रा फैसला करी लित्तेया थिया कि मसीह यीशु ने छुटकारा दुआणा। पर से तुसा रे फायदे तांइ ही दुनिया रे इन्हा आखरी दिनां बिच धरती पर आए।

2 पतरस 3:3

खासतौर पर तुसा इस गल्ल जो याद रख्खो कि आखरी दिनां बिच जां मसीह यीशु ने हटणा, किच्‍छ इदेय मणू होणे जिन्हा ने तुसा रा मजाक उडाणा किजोकी तुसा ए विश्वास करदे कि मसीह ने वापिस हटणा। तिन्हा ने अपणी आदतां रे हिसाब कने ही जीणा जिस कने से खुस हुंदे।

यहूदा 1:18

से तुसा जो ए बोलदे हुंदे थिये, “मसीह यीशु रे हटणे का पैल्ले किच्‍छ इदेय मणू उठणे जिन्हा ने परमेश्वर ते तिन्हेरे लोक्कां रा मजाक उडाणा। ए से मणू हिन जिन्हेरी जिन्दगी तिन्हेरे अपणे दिल री बुरी इच्छा रे वस बिच है।”