गलातियों 6:3 - चम्बयाली नौआ नियम

³ किजोकी जे अगर कोई सोचदा कि से कोई खास मणू है पर हकीकत बिच से नी है, तां से अप्पु जो धोख्खा देया करदा है।

गलातियों 6:3 ပူးပေါင်းရင်းမြစ်များ

लूका 18:11

से फरीसी कल्ला खड़ी करी प्रार्थना करणे लगया, ओ परमेश्वर, मैं तेरा शुकर करदा, कि मैं दूज्याँ सांई ना ही मणूआं जो ठगदा, ना ही मैं गलत करदा, अते ना ही व्यभिचारी है, अते ना चुंगी लैणे वाले सांई है

प्रेरितां रे कम्म 5:36

किजोकी इन्हा दिनां का पैल्ले थियुदास ए बोलदा होया उठेया थिया, कि मैं भी किच्‍छ है ते कोई चार सौ मणू तिसेरे कने होई गे, पर से मारेया गेया ते जिनिये मणू तिसजो मनदे थिये, सारे तित्तर-बित्तर होई गे ते मिटी गे।

रोमियों 12:16

हर इक्क मणू कने इक्क जदेया ही बर्ताव करो, ते घमंड मत करो, पर आम लोक्कां कने संगत रख्खो, अप्पु जो जादा ही समजदार मत समझो।

रोमियों 12:3

किजोकी जे अनुग्रह मेरे जो मिल्ले रे तिस अनुग्रह री वजह कने मैं तुसा बिच का हर इक्क जो बोलदा कि जिन्ना अप्पु जो समझणा चाएदा, अप्पु जो कोई तिसका जादा ना समजे पर जिय्यां परमेश्वर ने हर इक्क जणे जो दित्ते रा तिस विश्वास रे नाप रे हिसाब कने, ठीक समझ कने अप्पु जो तिन्ना ही समजे।

1 कुरुन्थियों 13:2

जे अगर मैं भविष्यवाणी करां ते सारे राज़ ते हर तरिक्के री गल्ल जो समजी सकां, ते मेरे जो परमेश्वर बिच इत्ते तिकर विश्वास हो की मैं पहाड़ां जो हटाई सकदा पर कुसकी कने प्यार ना करां, तां मैं कुसकी कम्मे रा नी है।

1 कुरुन्थियों 3:18

जे अगर तुसा बिच कोई अप्पु जो इस जुग रे लोक्कां री नजर बिच अप्पु जो समजदार समजे तां अप्पु जो इस जमाने रे लोक्कां री नजर बिच बेवकूफ भी समजे ताकि तुसा परमेश्वर री नजर बिच भी समजदार बणो।

1 कुरुन्थियों 8:2

तुसा इय्यां समजदे कि तुसा किच्‍छ जाणदे, पर हल्ले तांइ तुसा इस तरिक्के कने नी जाणदे जिस तरिक्के तुसा जो जाणदा चाएदा।

2 कुरुन्थियों 12:11

मैं इक्क बेवकूफ मणू सांई ता बणेया, पर तुसा ने ही मेरे जो ए करणे पर मजबूर कित्तेया, तुसा जो तां मेरी तारिफ करणी चाएदी थी, हालांकि मैं किच्‍छ भी नी है, तां भी तिन्हा प्रेरितां का जादा बदिया ही है जे अप्पु जो बड़ा बड्डा समजदे।

2 कुरुन्थियों 3:5

असी नी बोलदे कि असा बिच अप्पु किच्‍छ करणे री काबलियत है, पर परमेश्वर असा जो ए सब करणे री काबलियत दिंदे।

गलातियों 2:6

पर यरुशलेम कलीसिया रे प्रधान मणूआं ने मेरे पर तिस बसेख जो बदलणे रा मेरे पर कोई दवाब नी पाया जे मैं सुणांदा। मेरे जो इस गल्ल रा कोई फरक नी पैंदा कि से प्रधान मणू कै हिन, किजोकी परमेश्वर कोई भेदभाव नी करदे। मेरे जो तिन्हा प्रधान मणूआं का कोई फायदा नी होया।

गलातियों 2:9

याकूब, कैफा ते यूहन्ना जिन्हा जो कलीसिया रे खम्भे सांई समजेया जांदा, जां तिन्हा ने मेरे पर होए रे परमेश्वर रे अनुग्रह जो समजी लेया, तां तिन्हा ने मेरे जो ते बरनबास जो अपणी मण्डली रा सहयोगी मन्नी लेया ते से इस गल्ल पर सहमत होई गे कि से यहूदी मणूआं बिच ते असी गैर यहूदी मणूआं जो बसेख सूणाणा जारी रखण।

2 तीमुथियुस 3:13

पर दुष्ट ते धोख्खेबाज लोक्कां ने होर भी जादा बुरे कम्म करणे। तिन्हा ने लोक्कां जो धोख्खा दैणा ते तिन्हा ने अप्पु भी लोक्कां धोख्खा खाणा।

याकूब 1:22

ते सिर्फ परमेश्वर रे वचन जो सुनणे वाले मत बणो जे अप्पु जो ही धोखा दिदें, पर तिसजो मनणे वाले भी बणो।

याकूब 1:26

जे अगर कोई अप्पु जो परमेश्वर रे भक्त समजे, ते अपणी जिब्ब पर लगाम ना लाए, अपणे दिल जो धोखा दे, तां तिसेरी भक्ति फिजुल है।

1 यूहन्ना 1:8

जे असी बोलण कि असा बिच कोई पाप नी है तां असी खुद जो धोखा देया करदे हिन अते असा बिच सच्चाई नी है।