गलातियों 5:9 - चम्बयाली नौआ नियम

⁹ झूठ्ठी शिक्षा थोड़े जदेय त्रके रे आट्टे सांई है जे गुन्ने रे आट्टे जो तरकाई दिंदा।

गलातियों 5:9 ပူးပေါင်းရင်းမြစ်များ

मत्ती 13:33

यीशु ने तिन्हा लोक्कां जो समझाणे तांइ इक्क होर उदारण दित्तेया, “स्वर्ग रा राज आट्टे री तराक्क सांई है, ते जिय्यां थोड़ी जदेई तराक्क पूरी प्रात रे आट्टे जो भी त्राक्की दिंदी तिय्यां ही स्वर्ग रा राज भी थोड़े लोक्कां रे जरिए सारी लोक्कां बिच फैलदा जाणा।”

मत्ती 23:33

तुसा जहरिल्ले कीड़े ते जहरिल्ले किड़ेयां रे बच्चेयां सांई खतरनाक हिन, तुसा किय्यां सोचदे कि तुसा नरक री आग्ग बिच सजा भोगणे का बची जाणा।

मरकुस 8:15

यीशु ने अपणे चेल्‍लेयां जो तिन्हा लोक्कां री गलत शिक्षा का बची रैह्णे तांइ इय्यां समजाया, “दिख्खो, फरीसी ते हेरोदेस रे समुह रे लोक्कां री तराक्क का सावधान रेयो।”

लूका 12:1

जां हजारां रे साह्बे मणू कठ्ठी गे ते सब इक्क दूज्जे पराल्ले चढ़या करदे थिये, तां यीशु ने पैल्ले अपणे चेल्‍लेयां जो बोल्लेया, कि फरीसी मणूआं रे खमीर का जे कि इन्हेरा कपट है, बची करी रेयो

लूका 13:21

से उस त्राक सांई है, जिस जो कुसकी जनानी ने बबरु बणाणे तांइ आट्टे अन्दर मलाई दित्तेया बसक्क, त्राक तिस आट्टे का बड़ी घट् थी, तां भी तिस त्राक ने पूरे आट्टे जो त्राक बणाई करी फुलाई दित्तेया।

1 कुरुन्थियों 15:33

तिन्हेरी इदेइ गल्लां कने धोखा मत खांदे, “बुरी सगंत ठीक चरित्र जो खराब करी दिंदी।”

2 तीमुथियुस 2:17

तिन्हेरे बसेख ने फैलदे जाणा ते लोक्कां रे विश्वास जो नुक्सान पूजाणा, जिय्यां इक्क खुले रा जख्म फैलदा ते कुसकी मणू जो संक्रमित करदा। हुमिनयुस ते फिलेतुस इदेय लोक्कां बिच का ही हिन।