गलातियों 5:4 - चम्बयाली नौआ नियम

⁴ तुसा मणू जे मूसा रे कानून जो मन्नी करी धार्मिक ठैहराणा चाह्‍ंदे, ते तुसा अप्पु जो मसीह यीशु का बखरा करी लित्तेया ते तुसा बिच परमेश्वर रा अनुग्रह नी रेया।

गलातियों 5:4 ပူးပေါင်းရင်းမြစ်များ

रोमियों 11:6

जे अगर परमेश्वर ने तिन्हा जो अपणे अनुग्रह कने चुणे रा है, तां फिरी जे अगर ए ठीक कम्मां जो करणे कने होया हुंदा, तां अनुग्रह ने अनुग्रह नी रैह्णा थिया।

रोमियों 3:20

किजोकी मूसा रे कानून जो मनणे कने कुसकी भी मणू ने परमेश्वर रे सामणे धार्मिक नी ठैहरणा, किजोकी मूसा रे कानून री वजह कने ए पता चलदा हुंदा कि असा ने पाप कित्ते रा है।

गलातियों 2:21

मैं परमेश्वर रे अनुग्रह जो नक्कारी नी सकदा, किजोकी जे अगर मूसा रे कानूनां रे जरिए धार्मिकता मिल्ली सकदी तां मसीह यीशु री कुर्बानी री कोई जरुरत नी हुंदी।

गलातियों 5:2

मैं पौलुस, तुसा लोक्कां जो बोलदा कि जे अगर तुसा परमेश्वर रे सामणे धार्मिक ठैहरणे तांइ खतना करांगे, तां मसीह यीशु ने जे किच्‍छ कित्ते रा ओ, तिसेरा तुसा जो कोई फाएदा नी होणा।

इब्रानियों 12:15

ते चुकन्ने रेयो, कुते इय्यां ना हो कि कोई परमेश्वर रे अनुग्रह का अछुता रेई जाओ, ते तुसा तांइ इक्क मुसीबत री वजह बणी जाए। इदेया कोई भी मणू अप्पु ता परमेश्वर रे सच्चे रस्ते का दुर चली जांदा ते मते जणेया तांइ परमेश्वर री सच्चाई का भटकणे री वजह बणी सकदा।

इब्रानियों 4:1

परमेश्वर ने असा जो तिस अराम री जगाह् पर लेई जाणे रा वादा कित्ते रा है, इधेरे तांइ असा जो सावधान रैह्णा चाएदा, इय्यां ना हो कि तुसा बिच का कुसकी जो भी तिस जगाह् बिच जाणे रा मोक्कां नी गुआणा चाएदा।

प्रकाशित वाक्य 2:5

तू अवे तिस हिसाब कने जिन्दगी नी जिंदा, जिय्यां तू सुरुआत बिच जिंदा हुंदा थिया, तिस बारे बिच सोच। तेरे जो अवे अपणे पाप्पां का मुड़णा ते तिन्हा चीजां जो करणा जरुरी जे तू सुरुआत बिच करदा हुंदा थिया, जे अगर तू तौबा नी कित्ती, तां मैं तेरे का आई करी तेरे धूपदान जो तिसेरी जगाह् का हटाई करी तेरे जो सजा दैणी।