गलातियों 5:3 - चम्बयाली नौआ नियम

³ पर मैं हर इक्क खतना कराणे वाले जो बोल्ली दिन्दा कि तिस मणू जो मूसा रा कानून पूरे तरिक्के कने मनणा पैणा।

गलातियों 5:3 ပူးပေါင်းရင်းမြစ်များ

मत्ती 23:16

ओ अन्ने अगुवों, तुसा पर लाणत है! जे बोलदे कि मन्दिर री कसम खाणा कोई बड्डी गल्ल नी पर जे कोई मन्दिर रे सुन्ने री कसम खांदा तां तिसजो कसम जो मनणा जरुरी है।

मत्ती 23:18

तुसा ए भी बोलदे जे कोई वेदी री कसम खांदा तां किच्‍छ नी, पर जे कोई वेदी पर रखे रे चढ़ावे री कसम खांदा तां से अपणी कसम बिच बह्नितेरा है?

लूका 16:28

किजोकी, दुनिया पर मेरे पंज भ्याल होर भी हिन, ए तिन्हा का जाई करी जे किच्‍छ भी मेरे कन्ने होया करदा है, तिन्हा जो दस्सी सको ताकि जिस बेल्ले से मरण तां तिन्हा जो नरक अन्दर नी आणा पेयो

प्रेरितां रे कम्म 15:1

फिरी किच्‍छ मणू यहूदियां प्रदेश का आई करी संगी विश्वासियां जो सखाणे लग्गे कि मूसा रे कानून रे हिसाब कने तुसा रा खतना नी हो तां तुसा छुटकारा नी पाई सकदे।

प्रेरितां रे कम्म 2:40

ते पतरस होर मती गल्लां कने भी गवाई देई-करी घड़ी-घड़ी समजाया कि अपणे आप जो इस टेड़ी जाति का बचाओ।

प्रेरितां रे कम्म 20:21

पर यहूदियां ते यूनानियां रे सामणे गवाई दिन्दा रेया कि परमेश्वर रे पास्से मन फेरणा अते असा रे प्रभु मसीह यीशु जी पर विश्वास करणा चाएदा।

रोमियों 2:25

जे अगर तू मूसा रे कानून पर चले, तां ता खतने रा फायदा है, पर जे अगर तू कानून जो नी मन्ने, तां तुसा खतना वाले यहूदी लोक, बगैर खतने वाले गैर यहूदियां रे ही बराबर हिन।

गलातियों 3:10

इधेरे तांइ तिन्हा लोक्कां पर लाणत है जे मणू मूसा रे कानून जो मनणे पर भरोसा रखदे, किजोकी पवित्रशास्त्र बिच ए लिख्खे रा है, “लाणत है तिन्हा लोक्कां पर जे मणू मूसा रे कानून रे इक्क-इक्क नियम जो नी निभांदे।”

गलातियों 5:2

मैं पौलुस, तुसा लोक्कां जो बोलदा कि जे अगर तुसा परमेश्वर रे सामणे धार्मिक ठैहरणे तांइ खतना करांगे, तां मसीह यीशु ने जे किच्‍छ कित्ते रा ओ, तिसेरा तुसा जो कोई फाएदा नी होणा।

गलातियों 5:6

जां असी मसीह यीशु बिच विश्वास करणा सुरु करी दिंदे तां यहूदी या गैर यहूदी होणे रा कोई फरक नी रैहन्दा। पर जरुरी गल्ल ए है कि असी मसीह बिच विश्वास करदे ते तिस वजह कने परमेश्वर ते बाकि मणू प्यार रखदे।

इफिसियों 4:17

इधेरे तांइ मैं परमेश्वर का मिल्ले रे अधिकार कने ए बोलदा कि जिय्यां परमेश्वर बिच विश्वास ना करणे वाले मणू बेकार गल्लां बिच जिन्दगी जिन्दे, तुसा अज्ज का बाद तिय्यां मत जिन्दे।

1 थिस्सलुनीकियों 4:6

कि तुसा अपणे विश्वासी भाई रे खिलाफ पाप मत करदे, ते ना जो बुरी चाल चले किजोकी प्रभु यीशु ने इदेय कम्म करणे वालेयां जो सजा दैणी, जिन्हा रे बारे बिच असा तुसा जो पहले ही खबरदार कित्तेया है।

1 यूहन्ना 4:14

ते असा ने पुत्तर जो अपणी हाख्खियां कने दिख्खी भी लित्ता ते गवाई दिन्दे कि पिता परमेश्वर ने पुत्तर जो दुनिया रे लोक्कां रा छुटकारा दैणे वाला बणाई करी के भेज्जे रा है।