गलातियों 4:5 - चम्बयाली नौआ नियम

⁵ ताकि जे मणू मूसा रे कानून रे वस बिच रैह्णे वाले लोक्कां जो अजादी देई दे ते तिन्हा ने असा जो अपणे बच्चेयां सांई गोद लेई लित्ता।

गलातियों 4:5 ပူးပေါင်းရင်းမြစ်များ

मत्ती 20:28

जिय्यां मणू रा पुत्तर, जे मैं ही है से इस तांइ नी आया कि उसेरी सेवा-टहल कित्ती जाए, पर इस तांइ आया कि अप्पु सेवा टहल करे ते मते जणेया रे छुटकारे तांइ अपणी जान देई दे।

लूका 1:68

कि इस्राएल रे प्रभु परमेश्वर री जै हो! किजोकी तिन्हा ने अपणे मणूआं जो बचाणे तांइ इक्क मददगार भेज्जेया, अते अपणे मणूआं जो पाप का छुड़ाया,

यूहन्ना 1:12

पर जितणेया ने तिसजो अपणाया, तिसने तिन्हा जो परमेश्वर रे पुत्तर होणे रा हक्क दिता, तिन्हा लोक्कां जो जे तिस पर विश्वास रखदे।

प्रेरितां रे कम्म 20:28

इधेरे तांइ अपणी ते अपणे सारे झुण्ड री चुकन्ने रेह्ई करी देख-रेख करो जिन्हा परमेश्वर रे लोक्कां बिच पवित्रात्मा ने तुसा जो कलीसिया रे मुखिया बणाए रा है कि तुसा परमेश्वर री कलीसिया री रखवाली करो जिस जो तिसने अपणे खून कने खरीदी लित्ते रा है।

रोमियों 10:4

मसीह यीशु ने मूसा रे कानूनां जो पूरा कित्तेया जिस मकसद तांइ से दित्ते गेया थिया, ताकि हर इक्क मणू जे मसीह यीशु बिच विश्वास करे, से परमेश्वर री नजर बिच धार्मिक ठैहरे।

रोमियों 8:14

इधेरे तांइ जे मणू पवित्रात्मा रे हिसाब कने चलदे हिन, से ही परमेश्वर रे औलाद्दां हिन।

रोमियों 8:15

किजोकी तुसा जो गुलामी री आत्‍मा नी मिल्ले री है कि तुसा जो डर बिच जिन्दगी बिताओ, पर जां परमेश्वर ने तुसा जो अपणी औलाद्दां बणाई करी गोद लेई लित्ता, तां तुसा जो पवित्रात्मा मिल्लेया। अवे असी परमेश्वर जो पिता बोलदे।

रोमियों 8:19

किजोकी परमेश्वर री सारी रचना बड़ी उम्मीद तिस दिन जो भालेया करदे हिन जां परमेश्वर ने ज़ाहिर करणा कि कुण तिन्हेरे असली औलाद्दां हिन।

रोमियों 8:23

सिर्फ परमेश्वर री रचना ही नी तड़पेया करदे हिन, पर असी भी, जिन्हा जो परमेश्वर रा पैल्ला दान, पवित्रात्मा, जे परमेश्वर रे वादे री निशानी है, मिलणे रे बावजूद भी तिस दिन री भाल बिच अंदर ही अंदर तड़पेया करदे हिन जां असा जो हर बुराई का छुटकारा मिली जाणा।

रोमियों 9:4

से मणू मेरे सांई इस्राएल देस रे मणू हिन, से परमेश्वर रे गोद लित्ते री औलाद्दां बणने तांइ चुणे गे थिये, परमेश्वर ने तिन्हा पर अपणी महिमा ज़ाहिर कित्ती। तिन्हा ने तिन्हा लोक्कां कने वाचा बन्नी। तिन्हा जो परमेश्वर रा कानून, ते तिन्हेरी अराधना करणे रा सौभाग्य मिल्लेया।

गलातियों 3:13

मसीह यीशु ने असा जो मूसा रे कानून रे श्राप का छुटकारा दैणे तांइ तिस श्राप जो अपणे उप्पर लेई करी सुली पर अपणी जान देई दित्ती, किजोकी पवित्रशास्त्र बिच लिख्खे रा है, “शापित है से मणू जे सुली पर मरदा।”

गलातियों 3:26

जां तुसा सारेयां ने मसीह यीशु रा बपतिस्मा लित्तेया, तां तुसा मसीह का मिले री नौई जिन्दगी जो इय्यां पाई लित्ता जिय्यां कोई नौए कपड़े पांदा, इधेरे तांइ जां तुसा ने मसीह यीशु बिच विश्वास कित्तेया तां तुसा सारे परमेश्वर री औलाद्दां बणी गे।

गलातियों 4:21

तुसा जे मूसा रे कानून रे हिसाब कने जीणा चाह्‍ंदे, मेरी इक्क गल्ल सुणो, मैं तुसा जो दसदा कि मूसा रे कानून बिच कै लिख्खे रा है।

गलातियों 4:7

इधेरे तांइ तुसा अवे गुलाम नी बल्कि परमेश्वर री औलाद है, ते जां तुसा परमेश्वर री औलाद्दां ठैहरे तां तुसा से सारी चीजां हासिल करणी जे परमेश्वर ने अपणी औलाद्दां जो दैणे रा वादा कित्ते रा है।

इफिसियों 1:5

किजोकी परमेश्वर ने असा जो प्यार कित्तेया ते तिन्हा ने फैसला कित्तेया कि तिन्हा ने असा जो मसीह यीशु रे जरिये गोद लेई लैणा।

इफिसियों 1:7

परमेश्वर ने असा जो मसीह रे खून बहाई करी कुर्बानी दैणे रे जरिये छुटकारा दित्ते रा है, जिसेरा मतलब ए है कि असा रे पाप माफ होई गेरे हिन किजोकी परमेश्वर रा अनुग्रह इन्ना महान है जे तिन्हा ने असा पर बड़ा जादा कित्ते रा है।

इफिसियों 5:2

जिय्यां मसीह यीशु ने तुसा कने प्यार कित्तेया, तिय्यां ही तुसा भी सारेयां कने प्यार करो। मसीह ने अप्पु जो तुसा रे पाप मिटाणे तांइ कुर्बान करी दित्ता ते से कुर्बानी परमेश्वर रे सामणे इक्क खुशबूदार भेंट सांई थिया।

तीतुस 2:14

जिन्हा ने असा जो पाप री ताकत का छुटकारा दैणे तांइ अप्पु जो कुर्बान करी दित्ता ते असा जो धार्मिक ठैहराया ताकि असी तिन्हेरे अपणे खास मणू बणी जाण जिन्हा बिच ठीक कम्म करणे री बड़ी वरी इच्छा है।

इब्रानियों 1:3

पुत्र ही परमेश्वर री महिमा री रौसनी है, ते पुत्र रे जरिये ही असी दिखदे कि परमेश्वर कदेय हिन। अते से अपणी ताकत रे वचनां कने से ब्रम्हांड जो चलाया करदे हिन। तिन्हा ने लोक्कां रे पाप्पां जो माफ कित्ता, ते परमेश्वर री महिमामय बिच स्वर्ग अंदर तिन्हेरे सज्जे पास्से बेई गे।

इब्रानियों 9:12

ते फिरी मसीह इक्क ही वरी बिच हमेसा तांइ तिस सबका जादा पवित्र जगाह् बिच गे, ते असा जो असा रे पाप्पां का हमेसा तांइ छुटकारा देई दित्तेया। तिन्हा ने ए बकरे ते बछुआं रा खून बहाई करी तिन्हेरा कुर्बानी देई नी कित्तेया, बल्कि अपणा खून बहाई करी ते अपणी जान देई करी कित्तेया।

इब्रानियों 9:15

मसीह ने अपणी जान देई करी तिन्हा लोक्कां जो तिन्हेरे पाप्पां का छुटकारा दित्तेया जिन्हा ने पाप कित्तेया थिया, ते तिन्हा जो भी बचाई लित्तेया जिन्हा ने पैल्ली वाचा रे कानूनां जो तोडे़या थिया। किजोकी कोई भी मणू पुराणी वाचा रे कानूनां जो मन्नी करी सिद्व नी बणी सकदा थिया। पर अवे मसीह असा रे ते परमेश्वर रे बिच नौई वाचा रे स्थापित करी दित्ती। ए तिन्हा ने इधेरे तांइ कित्तेया ताकि जिन्हा लोक्कां जो परमेश्वर ने चुणे रा है, से मणू हमेसा-हमेसा तिकर तिन्हेरे वारिस बणी जाण, जिय्यां कि परमेश्वर ने तिन्हा कने वादा कित्तेया थिया।

1 पतरस 3:18

मैं ए इधेरे तांइ बोल्लेया करदा है किजोकी मसीह ने असा रे पाप्पां रे बदले जुल्म सैह्‍ण कित्तेया ते मारे गे। से इक्क ही वरी मरे ते तिय्यां दुबारा करणे री जरुरत नी है। से अप्पु धार्मिक थिये जिन्हा असा जो परमेश्वर रे नेड़े अणने तांइ असी पाप्पी लोक्कां तांइ अपणी जान देई दित्ती। लोक्कां ने तिन्हेरे सरीर जो मारी छड्डेया पर तिन्हेरी आत्‍मा हल्ले भी जिया करदी है।

प्रकाशित वाक्य 14:3

से सिंहासन रे सामणे अते चारो प्राणी अते बुजुर्ग मणू रे सामणे मन्नो इक्क नौआ गाणा गाया करदे थिये, ते उन्हा इक्क लाख चुरताली हजार जणेया जो छड्डी करी जिन्हा जो परमेश्वर ने धरती पर रैह्णे वाले लोक्कां बिच का छुड़ाई लित्तेया थिया कोई से गाणा नी सीखी सकदा थिया।

प्रकाशित वाक्य 5:9

से इक्क नौआ गाणा गाणे लगे, “तू इस कताब री मौहरे खोलणे रे तिस बिच लिख्खे री गल्लां जो पढ़ने रे लायक है, किजोकी तू मारेया गेया थिया ते तैं अपणे खून कने हर इक्क कुल, देस, भाषा, ते लोक्कां जो परमेश्वर तांइ खरीदी लित्तेया।”