गलातियों 4:4 - चम्बयाली नौआ नियम

⁴ पर जां परमेश्वर रा ठैहराए रा समय आई गेया तां परमेश्वर ने अपणे पुत्तर जो इस दुनिया बिच भेज्जेया जे इक्क जनानी का पैदा होए। से इक्क यहूदी मणू रे रुप बिच पैदा होए ते तिन्हा ने मूसा रे कानून जो मन्नेया।

गलातियों 4:4 ပူးပေါင်းရင်းမြစ်များ

मत्ती 1:23

“दिख्खो, इक्क कुंवारी ने दुपराणी होणा ते तिसने इक्क निक्के जो जमणा, ते तिसेरा नां इम्मानुएल रख्खेया जाणा, जिसेरा मतलब हुन्दा, ‘परमेश्वर असा रे कन्ने हिन।’”

मत्ती 3:15

पर यीशु ने तिसजो ए जवाब दित्तेया, “इस बेल्ले इय्यां ही होणा दे, किजोकी असा तांइ सही ए है कि इय्यां ही सारी धार्मिकता जो पूरा करण तां यूहन्ना ने तिन्हेरी गल्ल मन्नी लेई।”

मत्ती 5:17

“इय्यां मत समजदे, कि मैं परमेश्वर रे कानून या भविष्यद्वक्ता री कताबां जो खत्म करणे तांइ आये रा है, मैं उन्हा जो खत्म करणे तांइ नी, पर पूरा करणे तांइ आये रा है।

मरकुस 1:15

ते बोल्लेया, “वक्त पूरा होई गेया, ते परमेश्वर रा राज नेड़े आई गे रा है तौबा करो ते सुब बसेख पर विश्वास करो।”

लूका 1:31

अवे तैं दुपराणी होणा ते इक्क निक्के जो जमणा, जिसेरा नां तू यीशु रख्खेयां,

लूका 1:35

तां जिब्राईल स्वर्गदूत ने मरियम जो बोल्लेया, पवित्रात्मा ने तेरे पर उतरणा अते परमप्रधान परमेश्वर री ताकत ने तेरे पर छां करणी, अते से बच्चा जे तेरे का पैदा होणा, से पवित्र होणा, तिसजो परमेश्वर रा पुत्तर बोल्लेया जाणा,

लूका 2:7

ते तिनिये अपणे पैल्ले मुंडे, यीशु जो जम्मेया, अते तिसजो फालड़ी अन्दर लपेटी करी चरिह् अन्दर रखेया, किजोकी तिन्हेरे जो सराये बिच रैह्णे तांइ जगाह् नी मिल्ली थी।

लूका 20:44

अवे जां दाऊद अप्पु ही मसीह यीशु जो प्रभु जी बोलदा है, तां मसीह यीशु दाऊद री औलाद किय्यां होई सकदा?

यूहन्ना 1:14

वचन मणू रे रुप बिच आया, ते से अनुग्रह ते सच्चाई कने भरी कने तिसने हमारे बिच डेरा कित्ता कने असी तिसेरी इदेइ बड़ाई दिख्खी जिय्यां पिता रे इकलौत्ते पुत्तर री महिमा दिख्खी हो।

यूहन्ना 10:36

तुसा किजो बोलदे कि ए परमेश्वर री बेजती है जां मैं बोलदा, “मैं परमेश्वर रा पुत्तर है?” आखरकार, मैं से ही है जिस जो पिता-परमेश्वर ने मेरे जो अलग करी के इस दुनिया बिच भेज्जे रा है।

यूहन्ना 3:16

किजोकी परमेश्वर ने दुनिया रे लोक्कां कने इन्ना प्यार कित्ती कि तिन्हा ने अपणा इकलौता पुत्तर देई दिता कि जेड़ा तिस पर विश्वास करे से नास न हो पर हमेसा री जिन्दगी पाओ।

यूहन्ना 6:38

किजोकी मैं अपणी मर्जी कने नी, पर अपणे “पिता” री मर्जी पूरी करणे तांइ स्वर्ग का उतरेया।

यूहन्ना 8:42

यीशु ने तिन्हा जो बोल्लेय, जे परमेश्वर तुसा रा प्यो हुदां, तां तुसा मेरे कने प्यार करदे, किजोकी मैं परमेश्वर रे पास्से का आए रा है, मैं अप्पु नी आया, पर तिनहा ने ही मेरे जो भेज्जेया।

प्रेरितां रे कम्म 1:7

यीशु ने तिन्हा जो जवाब दित्तेया, “से कुस बेल्ले या कुस युग बिच होणी, से सिर्फ परमेश्वर रे हक बिच हिन ते से तुसा रे जानणे तांइ नी हिन।

रोमियों 1:3

ए सुब बसेख असा रे प्रभु, मसीह यीशु रे बारे बिच है। से शारीरिक तौर पर राजा दाऊद रे ‍खानदान बिच पैदा होए थिये।

रोमियों 15:8

मैं तुसा जो बोलदा, कि मसीह यीशु यहूदी लोक्कां रे दास रे रुप बिच आए, ताकि से ए ज़ाहिर करी सके कि परमेश्वर विश्वासयोग्य हिन, ते तिन्हा वादेयां जो पूरा कित्तेया, जे परमेश्वर ने तिन्हेरे पूरखां कने कित्ते थिये।

रोमियों 5:6

किजोकी जां असी कमजोर ही थिये, तां मसीह यीशु, परमेश्वर रे ठैहराए रे समय पर दुष्ट लोक्कां तांइ मरे।

रोमियों 8:3

असा रे पापी स्वभाव री वजह कने मूसा रा कानून कमजोर होई करी जे नी करी सकेया, से परमेश्वर ने कित्ता। तिन्हा ने अपणे इकलौत्ते पुत्तर जो असा पाप्पी लोक्कां का इक्क इन्सान रे रुप बिच भेज्जेया। ते परमेश्वर ने अपणे पुत्तर जो असा रे पाप्पां तांइ कुर्बानी रे रुप बिच देई करी, असा रे पाप्पां री सजा तिन्हेरे सरीर पर पाई दित्ती ते असा पर पाप री ताकत जो मुकाई दित्ता।

रोमियों 9:5

अब्राहम, इसहाक ते याकूब तिन्हेरे पुरखे हिन। ते मसीह यीशु भी इन्सानी तौर पर इक्क इस्राएली मणू थिये। परमेश्वर जो महिमा मिलदी रे जे सारेयां पर राज करदे। आमीन!

इफिसियों 1:10

परमेश्वर री ए योजना है कि तिन्हेरे ठैहराए रे समय पर आसमान ते जमीन री सब चीजां जो मसीह यीशु रे हक बिच लेई आए।

कुलुस्सियों 2:14

तिन्हा ने असा रे पाप्पां रे लेखे-जोखे जो रद्द करी दित्ता, ते तिसजो सुली पर मेखां कने जड़ी करी दुर करी दित्ता।

1 तीमुथियुस 2:6

सारे लोक्कां शैतान ते पाप रे काबू का छुड़ाणे तांइ मसीह ने अप्पु जो कुर्बान कित्तेया ते तिन्हेरी कुर्बानी सही समय इस गल्ल रा सबूत थी कि परमेश्वर सारे लोक्कां जो छुटकारा दैणा चाह्‍ंदे थिये।

1 तीमुथियुस 3:16

असी इस गल्ल जो पक्के तौर पर दसदे कि परमेश्वर री जाहिर कित्ते री शिक्षां पूरे तरिक्के कने सच्ची हिन, इसेरा मतलब ए है कि मसीह यीशु मणू रे रुप बिच पैदा होए, से पवित्रात्मा रे जरिये परमेश्वर रे पुत्तर साबित कित्ते गे, स्वर्गदूतां ने तिन्हा जो दिख्खेया, परमेश्वर ने तिन्हा जो स्वर्ग जो चुक्की लित्तेया, देस-देस अंदर तिन्हेरे बारे बिच प्रचार कित्तेया जांदा, ते मते लोक्कां ने तिन्हेरा विश्वास कित्तेया।

इब्रानियों 2:14

किजोकी परमेश्वर रे बच्चे इन्सान हिन, जे मांस ते खून कने बणे रे हिन, ते पुत्र भी इन्सान बणेया। किजोकी इक्क इन्सान रे रुप बिच ही से मरी सकदा थिया, ते सिर्फ मरणे रे जरिये ही से शैतान री ताकत जो तोड़ी सकदे थिये, जिस का मौत री ताकत थी।

इब्रानियों 9:10

किजोकी से रीति-रीवाज सिर्फ खाणे-पीणे ते शुद्वीकरण रे बारे बिच ही थिये, जे सारे नियम-कायदे बाहरी थिये। से कानून अवे फायदेमंद नी हिन किजोकी परमेश्वर ने अवे असा कने नौई वाचा बन्ने री है। ए नौई वाचा पैल्ले री रीति का जादा बदिया है।

1 यूहन्ना 4:14

ते असा ने पुत्तर जो अपणी हाख्खियां कने दिख्खी भी लित्ता ते गवाई दिन्दे कि पिता परमेश्वर ने पुत्तर जो दुनिया रे लोक्कां रा छुटकारा दैणे वाला बणाई करी के भेज्जे रा है।

1 यूहन्ना 4:2

पवित्रात्मा जो तुसा इस तरिक्के कने पैछाणी सकदे, कि जे कोई आत्‍मा मन्नी लिन्दी, कि मसीह यीशु मणू रे रुप अंदर दुनिया बिच आए, तां से परमेश्वर रे पास्से का है।