गलातियों 4:2 - चम्बयाली नौआ नियम

² जां तांइ से बच्चा मालिक बणने री उमर तिकर नी पूज्जी जांदा, तां तिकर से अपणे प्यो रे ठैहराए रे बेल्ले तिकर अपणे संभालणे वालेया ते ख्याल रखणे वालेयां रे वस बिच रैहन्दा।

गलातियों 4:2 ပူးပေါင်းရင်းမြစ်များ

यूहन्ना 15:7

जे तुसा मेरे बिच बणी रैहन्गे, अते मेरी सिखाए री शिक्षा तुसा रे बिच बणी रैहन्गी, तां तुसा किच्‍छ भी मंगो, मेरे पिता ने तुसा री हर जरुरत जो पूरा करणा।

1 कुरुन्थियों 4:15

मसीह यीशु रे पीच्छे चलणे तांइ तुसा जो सिखाणे वाले शायद दस हजार मणू भी होई सकदे, पर सिर्फ मैं ही तुसा तांइ इक्क प्यो सांई है, किजोकी मैं ही सबका पैल्ले तुसा जो सुब बसेख सुणाया, जिसेरा अंजाम ए होया कि अवे तुसा मसीह यीशु बिच विश्वास करदे।

गलातियों 3:24

मूसा रा कानून असा जो इधेरे तांइ दित्तेया गेया ताकि मसीह रे आणे तिकर से असा जो रस्ता दस्से ते असा रा ख्याल रख्खे। ताकि असी परमेश्वर री नजरां बिच मसीह यीशु बिच विश्वास करणे रे जरिये धार्मिक ठैहरे।

गलातियों 4:1

मैं इस इक्क उदारण कने समझांदा कि कुसकी मणू रा इक्क बच्चा है जे तिसेरा वारिस है। ते जां तांइ से वारिस बच्चा है, तां तिकर तिस बिच ते नौक्कर बिच कोई जादा फरक नी हुंदा।

गलातियों 4:3

तिय्यां ही असी भी जां तिकर बच्चे थिये, तां दुनिया री सुरुआती शिक्षा रे वस बिच होई करी इक्क गुलाम सांई थिये।