गलातियों 3:2 - चम्बयाली नौआ नियम

² मैं तुसा का सिर्फ ए जाणना चाह्‍ंदा की तुसा पवित्रात्मा जो मूसा रे कानून जो मनणे कने या मसीह यीशु बिच सुनणे ते विश्वास करणे रे जरिये हासिल कित्ते रा है?

गलातियों 3:2 ပူးပေါင်းရင်းမြစ်များ

प्रेरितां रे कम्म 15:8

ते मन जो परखणे वाले परमेश्वर ने तिन्हा जो भी असा सांई पवित्रात्मा देई करी तिन्हा जो अपणाई लित्ता।

प्रेरितां रे कम्म 2:38

पतरस ने तिन्हा जो बोल्लेया, अपणे पाप्पां का तौबा करो, ते तुसा बिच का हर इक्क अपणे-अपणे पाप्पां री माफी पाणे तांइ मसीह यीशु रे नां कने बपतिस्मा लै तां तुसा पवित्रात्मा रा दान मिलणा।

प्रेरितां रे कम्म 8:15

जां से तिन्हा बिच रेया करदे थिये तां तिन्हा ने तित्ते रे लोक्कां तांइ प्रार्थना कित्ती कि से मणू पवित्रात्मा पाई सकण।

रोमियों 1:17

किजोकी सुब बसेख रे जरिये परमेश्वर तिस हर इक्क मणू जो धार्मिक बणांदे, जे पूरे तरिक्के कने सुब बसेख पर विश्वास करदे। जिय्यां कि भविष्यद्वक्ता ने पवित्रशास्त्र बिच भी लिख्खे रा है, “परमेश्वर जिस मणू जो धार्मिक बणांदे, से ही विश्वास रे जरिये जिन्दा।”

1 कुरुन्थियों 9:21

तिय्यां ही जां मैं गैर यहूदी लोक्कां बिच थिया, तां मैं भी इक्क गैर यहूदी मणू सांई रेया। गैर यहूदी लोक्कां जो मसीह बिच छिक्की अणने तांइ मैं गैर यहूदी मणूआं सांई ही रेया जे मूसा रे कानून जो नी मनदे। (पर मैं ए जाणदा कि मैं परमेश्वर रे कानून रे बगैर नी जिया करदा थिया किजोकी मैं मसीह रे कानून रे अधीन है।)

2 कुरुन्थियों 11:4

अगर कोई तुसा का आई करी यीशु रे बारे बिच गलत ही प्रचार करो, जे असा रे प्रचार का बखरा हो, या जे पवित्रात्मा तुसा जो पैल्ले का मिल्ले रा है, तिसेरे अलावा होर कोई आत्‍मा तुसा जो मिलदा, या जां तुसा कुसकी होर बसेख जो अपणाई लिंदे जे असा रे सुणाए रे बसेख का बखरा है, तां तुसा तिसजो अपनाणे बिच गलत हिन।

गलातियों 3:14

मसीह यीशु ने ए इधेरे तांइ कित्ता ताकि गैर यहूदियां जो भी से सारी आशीषां मिल्ले जिसेरा वादा परमेश्वर ने अब्राहम कने कित्ते रा थिया। मसीह यीशु बिच विश्वास करणे रे जरिये असी पवित्रात्मा जो हासिल करण, जिसेरा वादा तिन्हा ने असा कने पैल्ले कित्तेया थिया।

गलातियों 3:3

कै तुसा इन्ने जादा नासमझ होई गेरे हिन कि तुसा ने अपणी नौई जिन्दगी जो पवित्रात्मा रे कम्मां रे हिसाब कने सुरु ता कित्ता पर अवे बाकि री जिन्दगी अपणी मर्जी कने जीणा चाह्‍ंदे?

गलातियों 3:5

परमेश्वर ने तुसा जो भरपुरी कने पवित्रात्मा दित्तेया ते चिन्ह-चमत्कारी कम्म करणे रे दान दित्ते। कै से तुसा जो मूसा रा कानून रे जो मनणे कने मिल्लेया फिरी यीशु मसीह बिच विश्वास करणे रे जरिये मिल्ले?

इब्रानियों 2:4

ते परमेश्वर ने मते चिन्ह-चमत्कार, आश्चर्यकर्म, ते पवित्रात्मा रे दान देई करी इस बसेख जो लोक्कां सामणे पक्का कित्ता।

इब्रानियों 4:2

जिय्यां असा ने यीशु मसीह रे बारे बिच सुब बसेख सूणेया, तिय्यां ही यहूदियां ने भी तिस अराम री जगाह् बिच जाणे रा सुब बसेख सूणेया, पर तिन्हा ने तिस पर विश्वास नी कित्तेया, इधेरे तांइ से सुब बसेख तिन्हा लोक्कां तांइ बेकार है।

इब्रानियों 6:4

जे मणू परमेश्वर बिच विश्वास करणा छड्डी दिंदे, तिन्हा लोक्कां जो फिरी दुबारा कदी तौबा करणे री नौबत तिकर नी लाया जाई सकदा। तिन्हा ने इक्क समय पर परमेश्वर का मिलणे वाली सच्चाई जो पैछाणे रा है, ते परमेश्वर का आशीषां भी पाए री हिन, ते दूए विश्वासियां कने पवित्रात्मा भी हासिल कित्तेया।

1 पतरस 1:12

पर परमेश्वर ने तिन्हा भविष्यद्वक्तां जो ए दस्सेया कि ए बसेख तिन्हा तांइ नी पर तुसा लोक्कां तांइ है। से बसेख मसीह यीशु रा सुब बसेख है जिस जो अवे तुसा सुणी चुके रे हिन। तुसा जो सुब बसेख सुनाणे तांइ लोक्कां री मदद तांइ परमेश्वर ने स्वर्ग का अपणे पवित्रात्मा जो भेज्जेया थिया। स्वर्गदूत भी इन्हा गल्लां जो बड़े उत्तेजित होई करी दिख्खेया करदे हिन।