गलातियों 2:3 - चम्बयाली नौआ नियम

^3-5 तित्ते किच्‍छ झूठ्ठे विश्वासी थिये जे छुटकारा पाणे तांइ सिर्फ मसीह बिच ही विश्वास नी करदे थिये पर यहूदी रीति-रीवाजां बिच भी विश्वास करदे थिये। से जासुसां सांई हिन, जे असा रे जीणे रे तरिक्के रे बारे बिच जाणना चाह्‍ंदे किजोकी मसीह ने असा जो अजाद कित्ते रा है। से असा का यहूदी रीति-रीवाजा जो मनवाई करी, असा जो गुलाम बनाणा चाह्‍ंदे। पर असा ने इक्क भी पल तांइ तिन्हेरी मर्जी नी मन्नी ताकि तुसा सुब बसेख री सच्चाई बिच बणी रेयो। तिन्हा ने बोल्लेया, कि मेरा साथी तीतुस, जे यहूदी नी पर यूनानी है, तिसजो खतना कराणा चाएदा, पर आखिर बिच, कलीसिया रे प्रधान मणूआं ने तिस पर खतना कराणे तांइ जोर नी पाया।

गलातियों 2:3 ပူးပေါင်းရင်းမြစ်များ

प्रेरितां रे कम्म 15:24

असा ने सूणेया, कि असा बिच का कितणेयां ने जाई करी, तुसा जो अपणी गल्लां कने डराई दित्तेया, ते तुसा रे मन बदली दित्ते पर असा ने तिन्हा जो हुकम नी दित्तेया थिया

प्रेरितां रे कम्म 16:3

पौलुस ने चाह्‍ंदा थिया कि ए मेरे कने चलन, ते जे यहूदी मणू तिन्हा जगाह् बिच थिये तिन्हेरी वजह कने तिसेरा खतना कित्तेया, किजोकी से जाणदे थिये, कि तिसेरा प्यो यूनानी थिया

2 कुरुन्थियों 2:13

पर जां अपणे विश्वासी भ्याल तीतुस जो तित्ते नी दिख्खेया तां मेरा मन बड़ा बेचैन होई गेया, ते तिसजो तोपणे तांइ मैं त्रोआस सहर रे विश्वासियां का बिदा लेई करी आई गेया, ते मकिदुनिया प्रदेश जो हटी गेया।

गलातियों 2:1

चौदाह सालां बाद मैं बरनबास कने यरुशलेम सहर जो गेया अते तीतुस जो भी कने लेई गेया।

2 तीमुथियुस 4:10

किजोकी देमास दुनिया री चीजां जो जादा प्यार करदा इधेरे तांइ तिनिये मेरे जो छड्डी दित्तेया, ते थिस्सलुनीके रे कस्बे जो चली गेया, ते क्रेसकेंस गलातिया रे इलाक्के पास्से चली गेया ते तीतुस दलमतिया रे इलाक्के बिच चली गेया।

तीतुस 1:4

मसीह बिच असा रे विश्वास री वजह कने, तीतुस तू मेरे बच्चे सांई है। पिता परमेश्वर ते असा जो छुटकारा दैणे वाले प्रभु यीशु मसीह तेरे जो अनुग्रह ते सांती दे।