गलातियों 2:1 - चम्बयाली नौआ नियम

¹ चौदाह सालां बाद मैं बरनबास कने यरुशलेम सहर जो गेया अते तीतुस जो भी कने लेई गेया।

गलातियों 2:1 ပူးပေါင်းရင်းမြစ်များ

प्रेरितां रे कम्म 11:25

तां से शाऊल जो तोपणे तरसुस कस्बे जो चली गेया,

प्रेरितां रे कम्म 11:30

ते तिन्हा ने तिय्यां ही कित्तेया, ते बरनबास ते शाऊल रे हत्थां बुजुर्ग मणू का किच्‍छ पैसे भेजी दित्ते।

प्रेरितां रे कम्म 12:25

जां बरनबास ते शाऊल अपणी सेवा पूरी करी बैठ्ठे, तां यूहन्ना जिस जो कि मरकुस भी बोल्दे कने लेई करी यरुशलेम का हटी आये।

प्रेरितां रे कम्म 13:2

जां से ब्रत्त समेत प्रभु री अराधना करेया करदे थिये, तां पवित्रात्मा ने बोल्लेया, मेरे तांइ बरनबास ते शाऊल जो तिस सेवकाई तांइ अलग करो जिस तांइ मैं तिन्हा जो चुणी लेरां है।

प्रेरितां रे कम्म 13:50

पर यहूदी अधिकारियां ने भक्तां ते कुलीन जनानियां जो ते सहर रे बड़े मणूआं जो उकसाया, ते पौलुस ते बरनबास पर जोर जबरदस्ती करी के तिन्हा जो अपणे सहर का बाहर कड्डी दित्तेया।

प्रेरितां रे कम्म 14:12

ते लोक्कां ने तिन्हा जो यूनानी देवता रे नां रे हिसाब कने बरनबास जो ज़्यूस, ते पौलुस जो हिर्मेस बोल्लेया, किजोकी से गल्लां करणे बिच मुख्य थिया।

प्रेरितां रे कम्म 15:25

इधेरे तांइ असा ने इक्क मन होई करी ठीक समजेया, कि असा रे चुणे रे प्यारे बरनबास ते पौलुस जो तुसा का भेज्जन।

1 कुरुन्थियों 9:6

असा जो भी बाकि प्रेरितां सांई आर्थिक मदद लैणे रा पुर हक है ताकि अपणी जरुरतां तांइ असा जो कम्म ना करणा पे।

2 कुरुन्थियों 2:13

पर जां अपणे विश्वासी भ्याल तीतुस जो तित्ते नी दिख्खेया तां मेरा मन बड़ा बेचैन होई गेया, ते तिसजो तोपणे तांइ मैं त्रोआस सहर रे विश्वासियां का बिदा लेई करी आई गेया, ते मकिदुनिया प्रदेश जो हटी गेया।

2 कुरुन्थियों 8:16

परमेश्वर रा शुकर हो, जिन्हा ने तुसा तांइ से ही फिकर तीतुस रे मन बिच पाए री है, जे मेरे जो भी है।

2 कुरुन्थियों 8:23

जे कोई तीतुस रे बारे बिच पुच्छे, तां बोल्लेयो कि से मेरा साथी ते मेरे कने कम्म करणे वाला मेरा सहकर्मी है, ते जे असा रे विश्वासी भाईयां रे बारे बिच पुच्छे, तां दस्सेयों कि से कलीसिया रे दूत ते मसीह यीशु जो महिमा दैणे वाले मणू हिन।

गलातियों 1:18

फिरी त्रै सालां बाद मैं कैफा जो, जिस जो पतरस भी बोलदे, मिलणे तांइ यरुशलेम जो गेया, अते पन्द्रां रोज्जां तांइ तिन्हा का रेया।

गलातियों 2:13

दूज्जे यहूदी विश्वासी ने भी इस ढोंग बिच उसेरा साथ दित्तेया, इत्ते तक कि इस वजह कने बरनबास भी तिन्हा यहूदियां रे डर कने गैर यहूदियां कने मिलणा-जुलणा छड्डी दित्तेया।

गलातियों 2:3

तित्ते किच्‍छ झूठ्ठे विश्वासी थिये जे छुटकारा पाणे तांइ सिर्फ मसीह बिच ही विश्वास नी करदे थिये पर यहूदी रीति-रीवाजां बिच भी विश्वास करदे थिये। से जासुसां सांई हिन, जे असा रे जीणे रे तरिक्के रे बारे बिच जाणना चाह्‍ंदे किजोकी मसीह ने असा जो अजाद कित्ते रा है। से असा का यहूदी रीति-रीवाजा जो मनवाई करी, असा जो गुलाम बनाणा चाह्‍ंदे। पर असा ने इक्क भी पल तांइ तिन्हेरी मर्जी नी मन्नी ताकि तुसा सुब बसेख री सच्चाई बिच बणी रेयो। तिन्हा ने बोल्लेया, कि मेरा साथी तीतुस, जे यहूदी नी पर यूनानी है, तिसजो खतना कराणा चाएदा, पर आखिर बिच, कलीसिया रे प्रधान मणूआं ने तिस पर खतना कराणे तांइ जोर नी पाया।

गलातियों 2:9

याकूब, कैफा ते यूहन्ना जिन्हा जो कलीसिया रे खम्भे सांई समजेया जांदा, जां तिन्हा ने मेरे पर होए रे परमेश्वर रे अनुग्रह जो समजी लेया, तां तिन्हा ने मेरे जो ते बरनबास जो अपणी मण्डली रा सहयोगी मन्नी लेया ते से इस गल्ल पर सहमत होई गे कि से यहूदी मणूआं बिच ते असी गैर यहूदी मणूआं जो बसेख सूणाणा जारी रखण।

कुलुस्सियों 4:10

अरिस्तर्खुस जे मेरे कने जेल बिच है अते बरनबास रे रिस्तेदार यूहन्ना मरकुस री तरफ का तुसा जो प्रणाम (मैं जाणदा कि तुसा जो यूहन्ना मरकुस रे बारे बिच तुसा जो दस्सी दित्ता गे रा है, कि जां से तुसा का आए तां तिस कने ठीक तरिक्के बर्ताव करेयो।)

तीतुस 1:4

मसीह बिच असा रे विश्वास री वजह कने, तीतुस तू मेरे बच्चे सांई है। पिता परमेश्वर ते असा जो छुटकारा दैणे वाले प्रभु यीशु मसीह तेरे जो अनुग्रह ते सांती दे।