गलातियों 1:9 - चम्बयाली नौआ नियम

⁹ जिय्यां असी पैल्ले बोल्ली बैठ्ठे रे हिन, तिय्यां अब्बे भी बोलदा, कि चाये असा हो या कोई स्वर्गदूत, जे कोई असा रे सुणाये रे सुब बसेख का बखरे तरिक्के रा बसेख सूणान्दा, तां परमेश्वर ने तिसजो सजा दैणी।

गलातियों 1:9 ပူးပေါင်းရင်းမြစ်များ

प्रेरितां रे कम्म 18:23

तित्ते किच्‍छ दिन रुकेया ते तिसेरे बाद तित्ते का चली गेया ते गलातिया ते फ्रूगिया रे प्रदेशां बिच इक्क जगाह् का दूज्जी जगाह् पर सफर करदे सबणी चेल्‍लेयां जो विश्वास बिच बधाणे लग्गेया।

रोमियों 16:17

अवे ओ संगी विश्वासियों, मैं तुसा रे छंदे करी के बोलदा, कि तुसा तिन्हा लोक्कां का अलग होई जाओ, जे दूज्जेयां रे विश्वास जो कमजोर करदे, अते तिन्हा लोक्कां भी दुर रेयो जे असा री सिखाए री गल्लां री ना-फरमानी करी के कलीसिया बिच मुसीबतां ते फूट पांदा।

रोमियों 9:3

किजोकी मैं यहूदी लोक्कां जो, जे मेरे अपणी जाति रे मणू हिन, छुटकारा दुआणे तांइ श्रापित कित्ते जाणे, ते मसीह का अलग करी दित्ते जाणे तांइ भी तैयार है।

2 कुरुन्थियों 1:17

मेरा मन पूरे तरिक्के कने तैयार थिया कि ए ही योजना होणी। मैं तुसा कदी “हाँ” ते कदी “ना” नी थिया बोलदा। मैं दुनिया रे लोक्कां सांई योजना नी बणांदा।

फिलिप्पियों 3:1

ते ओ मेरे संगी विश्वासियों, प्रभु री वजह कने खुस रेयो, तुसा जो से ही गल्लां घड़ी-घड़ी लिखणे बिच मेरे जो कोई तकलीफ नी है, ताकि इस कने गलत शिक्षकां का बची सको।

फिलिप्पियों 4:4

प्रभु री वजह कने खुस रेयो, मैं फिरी बोलदा, खुस रेयो!