इफिसियों 6:9 - चम्बयाली नौआ नियम

⁹ ओ मालकों, तुसा जो अपणे गुलाम्मां जो डराणा नी चाएदा, बल्कि तुसा जो तिन्हा जो तिय्यां ही इज्जत दैणी चाएदी जिय्यां मैं तिन्हा जो तुसा री इज्जत करणे तांइ बोल्ले रा है। किजोकी तुसा जाणदे कि तिन्हेरा ते तुसा रा मालक स्वर्ग बिच है ते से कुसकी कने पक्षपात नी करदा।

इफिसियों 6:9 ပူးပေါင်းရင်းမြစ်များ

मत्ती 22:10

अते तिन्हा नौकरांं ने हर चौराहे पर जाई करी, कै ठीक कै बुरे जिनिये मणू मिल्ले, सारेयां जो कठ्ठेरेया, ते ब्याह रा घर मेहमानां कने भरी गेया।

मत्ती 22:8

तां तिसने अपणे नौकरांं जो बोल्लेया, ब्याह री धाम तां तैयार है पर सद्दे रे मणू इस बिच शामिल होणे रे जोग्गे नी हिन।

मत्ती 24:48

पर जे से बुरा दास सोचणा लगे कि मेरे मालक रे आणे बिच देर है,

मत्ती 24:51

तां तिनिये तिसजो वरी सजा दैणी ते तिसेरा हिस्सा ढोंगियां कने ठेहराणा: उत्ते रोणा ते दांद्द पिह्णा होणा।

मत्ती 7:12

“इधेरे तांइ जिय्यां तुसा चाह्‍ंदे कि मणू तुसा कने करण, तुसा भी तिन्हा कने तिय्यां ही करो किजोकी परमेश्वर रे कानून अते भविष्यद्वक्ता री गल्लां रा ए ही मतलब है।”

लूका 6:31

जिय्यां तुसा चाह्‍ंदे कि मणू तुसा रे कने करो, तिय्यां ही तुसा भी तिन्हा कने करो

यूहन्ना 13:13

तुसा मेरे जो गुरु ते प्रभु बोलदे, ते ठीक ही बोलदे, किजोकी मैं है भी।

प्रेरितां रे कम्म 10:34

तां पतरस ने बोल्लेया, अवे मेरे जो पक्का होई गेया कि परमेश्वर कुसकी कने भी भेदभाव नी करदा

रोमियों 2:11

किजोकी परमेश्वर हर इक्क मणू का इक्क-बराबर हिसाब लिंदे।

1 कुरुन्थियों 7:22

किजोकी जिस गुलाम जो परमेश्वर ने सद्दे रा है, से मणू परमेश्वर रा अजाद मणू है, तिय्यां ही तुसा बिच का हर इक्क अजाद मणू जिस जो मसीह यीशु ने सद्दे रा है से तिन्हेरा गुलाम है।

कुलुस्सियों 3:25

किजोकी जे बुरा कम्म करदा रैहन्दा, परमेश्वर ने तिसजो सजा दैणी, ते परमेश्वर कुसकी रा भी पक्षपात नी करदे।

कुलुस्सियों 4:1

ओ मालिकों, ए जाणदे होए कि स्वर्ग बिच तुसा रा भी इक्क मालिक है, तुसा भी अपणे गुलामां कने जायज़ ते इक्क बराबर बर्ताव करो।

याकूब 2:13

जे अगर तुसा होर लोक्कां कने दया रख्खी हो तां परमेश्वर ने भी हिसाब-किताब करणे रे दिन पर तुसा पर दया करणी।

याकूब 2:8

तां भी जे अगर तुसा पवित्रशास्त्र रे इस खास हुकम जो मनदे “तू अपणे पड़ोसी कने अप्पु सांई प्यार रख,” तां ठीक करदे।

याकूब 5:4

दिख्खो, जिन्हा मजदूरां ने तुसा रे खेत्तर कट्टे रे हिन, ते तिन्हेरी मजदूरी जे तुसा धोखा देई करी रख्खी लित्ती, से मजदूर ते बाड्डी करणे वाले तुसा रे खिलाफ परमेश्वर का लेरां मारी करी रोया करदे हिन ते तिन्हेरी बिनती सेना रे प्रभु ने सुणी लित्ते री है।