इफिसियों 6:6 - चम्बयाली नौआ नियम

⁶ ते मणूआं जो खुस करणे वालेयां सांई दिखावे री सेवा मत करो, पर मसीह यीशु रे दास सांई मन लाई करी परमेश्वर री मर्जी पर चलो,

इफिसियों 6:6 ပူးပေါင်းရင်းမြစ်များ

मत्ती 12:50

किजोकी जे कोई मेरे परम-पिता री जे स्वर्ग बिच हिन मर्जी पूरी करदा, सेह्ई मेरा भाई, भैण अते मेरी मां है।

मत्ती 7:21

“प्रभु-प्रभु बोलणे वाला हर मणू स्वर्ग रे राज अन्दर नी जाई पाणा बल्कि से जे मेरे स्वर्ग अन्दर रैह्णे वाले परम-पिता री मरजी पर चलदा तिन्ने अन्दर जाई पाणा।”

मरकुस 3:35

किजोकी जे कोई परमेश्वर री इच्छा पर चलदे सेह्ई मेरा भाई, ते भैण ते माता है।”

रोमियों 6:17

पर परमेश्वर रा शुकर हो, कि तुसा जे पाप रे गुलाम थिये, अवे मन कने तिन्हा शिक्षां जो मनणे वाले बणी गेरे हिन, जे मैं तुसा जो मसीह रे बारे बिच सिखाई थी।

1 कुरुन्थियों 7:22

किजोकी जिस गुलाम जो परमेश्वर ने सद्दे रा है, से मणू परमेश्वर रा अजाद मणू है, तिय्यां ही तुसा बिच का हर इक्क अजाद मणू जिस जो मसीह यीशु ने सद्दे रा है से तिन्हेरा गुलाम है।

गलातियों 1:10

मैं लोक्कां री नी पर परमेश्वर री सहमती जितणे री कोसीस करेया करदा है। मैं लोक्कां जो खुस करणे री कोसीस नी करेया करदा है, किजोकी जे अगर मणूआं जो खुस करणा मेरा मकसद हुंदा, तां मैं मसीह रा दास नी हुंदा।

इफिसियों 5:17

इस तांइ बेफकुफ मत बणो, पर ध्यान कने समझो की परमेश्वर री मर्जी कै है?

फिलिप्पियों 2:12

इधेरे तांइ मेरे प्यारेयों, तुसा चाए मैं तुसा कने रेयां या दुर रेयां पर तुसा हमेसा का मेरे हुकमां जो मनदे आए रे हिन। अवे तुसा बिच का हर इक्क जणे जो अपणे छुटकारे तांइ डरदे ते कमदे होए कम्म करदे रैह्णा चाएदा।

कुलुस्सियों 1:9

इधेरे तांइ जां रा असी तुसा रे बारे बिच सुणे रा है, तां का ही असी तुसा तांइ प्रार्थना करदे रैहन्दे। असी परमेश्वर का हमेसा प्रार्थना करदे कि से तुसा जो पूरी समझ ते आत्मिक बुद्वी ते समजदारी दैण ताकि तुसा तिन्हेरी इच्छा जो समजी सको।

कुलुस्सियों 4:12

इपफ्रास भी जे तुसा रे ही सहर का है। ते से मसीह यीशु रा दास है, तुसा जो प्रणाम बोल्लेया करदा है। से बड़ी लगन कने तुसा तांइ प्रार्थना करदा रैहन्दा ताकि तुसा मसीह यीशु बिच विश्वास करणे बिच मजबूत होई करी, सिद्व होई करी ते पक्के तौर पर पूरे विश्वास कने परमेश्वर री मर्जी जो पूरा करो।

1 थिस्सलुनीकियों 2:4

पर जिय्यां परमेश्वर ने असा जो इस जोग्गे ठैहराई करी सुब बसेख दित्तेया, असी तैसा ही बखाण करदे, ते इस बिच मणूआं जो नी, पर परमेश्वर जो खुस करदे जे असा रे दिल री गल्लां जो जांचदे।

1 थिस्सलुनीकियों 4:3

किजोकी परमेश्वर री ये मर्जी है कि तुसा व्यभिचार ना करो ते पवित्र बणो।

इब्रानियों 10:36

किजोकी तुसा जो सबर रखणा जरुरी है, ताकि तुसा परमेश्वर री मर्जी जो पूरा करी के, तिन्हा जो खुस करी सको ते तुसा ने तिस ईनाम जो पाणा जिसेरा वादा परमेश्वर ने कित्ते रा है।

इब्रानियों 13:21

ते परमेश्वर प्रभु यीशु मसीह री ताकत कने तुसा बिच से हर इक्क ठीक चीज पैदा करे, जिस कने से खुस हुंदे, जिस कने तिन्हेरी महिमा हमेसा-हमेसा तिकर हुंदी रेयो। आमीन।

1 पतरस 2:15

परमेश्वर चाह्‍ंदे कि तुसा भलाई रे कम्म करो ताकि तुसा तिन्हा मुर्ख लोक्कां जो अप्पु पर इल्जाम लाणे का रोक्की सको जे परमेश्वर जो नी जाणदे।

1 पतरस 4:2

इसेरे अंजाम रे तौर पर तिस मणू ने इस दुनिया बिच अपणी बाकि री जिन्दगी अपणे सरीर री बुरी इच्छा जो पूरा करदे होए नी बिताणी, पर तिसने से ही कम्म करणा जे परमेश्वर तिसका करवाणा चाह्‍ंदे।

1 यूहन्ना 2:17

दुनिया ते तिसेरी चीजां री लालसा दोन्नों मिटणे वाली हिन, पर जे परमेश्वर री इच्छा रे हिसाब कने जिन्दगी जिन्दे, तिन्हा ने हमेसा तिकर बणी रैह्णा।