इफिसियों 6:5 - चम्बयाली नौआ नियम

⁵ ओ गुलामों, इस दुनिया बिच जे तुसा रे मालक हिन, तिन्हेरे हुकमां जो मन्नों ते अपणे मन रे सिद्देपन कने तिन्हेरे तिन्ने ही भरोसेमंद रेयो जिन्ना तुसा मसीह कने हिन,

इफिसियों 6:5 ပူးပေါင်းရင်းမြစ်များ

मत्ती 6:22

“हाख्खियां सरीर रे दीये सांई हुंदी: ते जे अगर तुसा रे दिखणे रा नजरिया परमेश्वर सांई है तां ए इदेया होणा जिय्यां तुसा रा सारा सरीर रौसनी कने भरे रा हो।”

मत्ती 6:24

“कोई मणू इक्क समय पर दो मालकां री सेवा नी करी सकदा, किजोकी तिनिए इक्क कने नफरत अते दूज्जे जो प्यार करे, या तिनिए इक्क जणे कने वफादार रैह्णा अते दूज्जे जो नफरत करणी तुसा परमेश्वर ते धन-दौलत, दोन्नां री सेवा नी करी सकदे।”

मत्ती 8:9

मैं ए इस तांइ समजी सकदा किजोकी मैं भी कुसकी रे थल्ले कम्म करदा, ते मेरे हेठ भी सिपाई कम्म करदे जां मैं इक्क जो बोलदा, जा तां से चली जान्दा, अते जां दूज्जे जो सददा तां से आई जान्दा, अते जां अपणे नौक्कर जो बोलदा कि, इय्यां कर तां से करदा।”

प्रेरितां रे कम्म 2:46

से हर रोज इक्क मन होई करी मन्दिर बिच कठिदें थिये, ते घर-घर रोट्टी तोड़दे होए खुसी ते मन रे सिद्देपन कने भोजन करेया करदे थिये,

रोमियों 9:3

किजोकी मैं यहूदी लोक्कां जो, जे मेरे अपणी जाति रे मणू हिन, छुटकारा दुआणे तांइ श्रापित कित्ते जाणे, ते मसीह का अलग करी दित्ते जाणे तांइ भी तैयार है।

1 कुरुन्थियों 2:3

ते मैं अपणी कमजोरी ते डर कने ते बड़ा कंमदे-कंमदे तुसा कने रेया।

1 कुरुन्थियों 7:22

किजोकी जिस गुलाम जो परमेश्वर ने सद्दे रा है, से मणू परमेश्वर रा अजाद मणू है, तिय्यां ही तुसा बिच का हर इक्क अजाद मणू जिस जो मसीह यीशु ने सद्दे रा है से तिन्हेरा गुलाम है।

2 कुरुन्थियों 1:12

किजोकी असी अपणे विवेक री इस गवाई पर असी पूरी बुड़ख कने बोलदे कि असी अपणे हर काम्म-काज बिच परमेश्वर री दित्ते री पवित्रता ते सच्चाई कने जिन्दगी जिन्दे, खासतौर पर जां असी तुसा कने थिये। असी अपणी इन्सानी समझ पर नी पर परमेश्वर रे अनुग्रह पर निर्भर रैहन्दे।

2 कुरुन्थियों 7:15

ते जां से याद करदा कि तुसा सारे तिसेरी सारी गल्लां मनदे थिये, ते तिस कने हमेसा डर ते इज्जत कने मिलदे थिये, तां तुसा तांइ तिसेरा प्यार होर भी बधी जांदा।

इफिसियों 5:22

ओ लाड़ियों, जिय्यां तुसा मसीह रे अधीन हिन तिय्यां ही अपणे लाड़ेयां रे भी अधीन रेयो।

इफिसियों 6:24

जे असा रे प्रभु यीशु मसीह कने सच्चा प्यार करदे, तिन्हा सारेयां पर परमेश्वर रा अनुग्रह हुंदा रे।

फिलिप्पियों 2:12

इधेरे तांइ मेरे प्यारेयों, तुसा चाए मैं तुसा कने रेयां या दुर रेयां पर तुसा हमेसा का मेरे हुकमां जो मनदे आए रे हिन। अवे तुसा बिच का हर इक्क जणे जो अपणे छुटकारे तांइ डरदे ते कमदे होए कम्म करदे रैह्णा चाएदा।

फिलेमोन 1:16

तुसा तिसजो सिर्फ अपणा गुलाम समजदे करी मत रखदे पर से गुलाम का बधी करी है। से अवे इक्क संगी विश्वासी है। मैं तिस कने बड़ा जादा प्यार करदा पर तुसा जो तिस कने अपणे गुलाम ते इक्क मसीही भाई रे तौर पर होर भी जादा प्यार करणा चाएदा।