इफिसियों 6:1 - चम्बयाली नौआ नियम

^1-3 पवित्रशास्त्र बिच लिख्खे रा है, “अपणे मां-प्यो रा आदरमान करो, तां फिरी तुसा तांइ हर चीज ठीक होणी, ते तुसा लम्बी उमर तिकर जीणा।” ए पैल्ला हुकम है जे परमेश्वर ने इक्क वादे कने दित्ते रा है, इधेरे तांइ तुसा बच्चे जिन्हेरा मसीह यीशु कने रिस्ता है, अपणे मां-प्यो री गल्ल मनणा सही है।

इफिसियों 6:1 ပူးပေါင်းရင်းမြစ်များ

लूका 2:51

ते फिरी से तिन्हा कने नासरत कस्बे बिच आई गे ते अपणे मां प्यो रे गलाए पर चलदे रे ते यीशु री मां ने इन्हा सब गल्लां जो अपणे मन बिच ही रख्खेया,

रोमियों 12:2

इस दुनिया रे लोक्कां सांई मत बणो, पर तुसा रे मन रे बदली जाणे री वजह कने तुसा रा चाल-चलन भी बदलदा रे, जिस कने तुसा परमेश्वर री भली, ते ठीक लगणे वाली, ते सिद्ध इच्छा जो तजुरबे कने जाणदे रेयो।

रोमियों 16:2

तुसा पवित्र मणूआं जो तिसेरा प्रभु रे मणू रे रुप बिच तिसेरा स्वागत करणा चाएदा। ते जिस गल अन्दर तिसजो तुसा का कोई मदद री जरुरत हो, ता तिस गल्ल अन्दर तिसेरी मदद करो। किजोकी से मते लोक्कां पर, बल्कि मेरे पर भी मते उपकार कित्ते रे हिन।

रोमियों 7:12

पर फिरी भी मूसा रे कानून ते तिस बिच लिख्खे गे हुकम, धार्मिक, ठीक ते पवित्र हिन।

1 कुरुन्थियों 15:58

इधेरे तांइ ओ मेरे प्यारे संगी विश्वासियों, विश्वास बिच मजबूत बणे रेयो ते गलत शिक्षां री वजह कने मत भटकदे, ते प्रभु रे कम्मां बिच हमेसा बदधे रेयो, किजोकी जे मैहनत तुसा प्रभु तांइ करदे से कदी बेकार नी जांदी।

1 तीमुथियुस 5:4

जे कुसकी विधवा जनानी रे बच्चे या नाती-पोते होण तां तिन्हा जो अपणे परिवार कने इज्जत कने बर्ताव करणे रे जरिये परमेश्वर री भक्ति-भाव दिखाणा चाएदा, ते तिन्हा जो अपणे मां-प्यो री देख-रेख करणे रे जरिये तिन्हेरा एहसान चुकाणा चाएदा किजोकी परमेश्वर जो ए खुस करदा।

1 पतरस 2:13

प्रभु चाह्‍ंदे कि तुसा अपणे अधिकारियां रे कहे मुताबिक चलो, खासतौर पर मुख्य अधिकारी रे, जे सारेयां पर राज करदा।