इफिसियों 5:8 - चम्बयाली नौआ नियम

⁸ तुसा पैल्ले न्याहरे बिच जीणे वाले मणूआं सांई थिये, पर अवे तुसा रौसनी रे मणू हिन किजोकी तुसा परमेश्वर रे मणू हिन। इधेरे तांइ रौसनी रे मणूआं सांई जिन्दगी जियो।

इफिसियों 5:8 ပူးပေါင်းရင်းမြစ်များ

मत्ती 3:8

अपणे कम्मां कने साबित करो कि तुसा अपणे पाप्पां का तौबा करी लित्ते री है ते दोबारा पाप्पां बिच मत पैंदे।

मत्ती 4:16

जे मणू न्याहरे बिच जिया करदे थिये तिन्हा ने इक्क महान ज्योति दिख्खी, अते जे मणू मौत रे साये बिच रैह्‍न्दे थिये उन्हा पर से ज्योति चमकी।”

लूका 1:79

जे मणू परमेश्वर जो नी जाणदे से इदेय हिन कि जिय्यां से मौत रे साये बिच बैठ्ठे रे हिन, ते हमेसा री मौत री खतरे बिच हिन जे कि नरक है, इधेरे तांइ परमेश्वर री रौसनी तिन्हा लोक्कां जो परमेश्वर रे सांती रे रस्ते पर लेई चलणा।

लूका 16:8

फिरी इय्यां होया कि तिस अमीर मणू ने अपणे ठग्ग मुंशी री चलाकी दिख्खी करी तिसेरी तारिफ कित्ती, किजोकी तिनिए बड़ी चलाकी कने कम्म कित्ता थिया, तिय्यां ही इस दुनिया मणू दुनियादारी री गल्लां बिच परमेश्वर रे लोक्कां का जादा चलाक हिन।

यूहन्ना 1:9

से सच्ची रौसनी जे सारे लोक्कां जो रौसनी दिंदी, से दुनिया बिच आणे वाली थी।

यूहन्ना 12:35

यीशु ने तिन्हा जो बोल्लेया, अवे थोड़ी देर तिकर तुसा रे मझाटे है, जां तिकर रौसनी तुसा रे कन्ने है, तां तिकर चलदे रेयो, इय्यां ना हो कि न्याहरा तुसा जो आई घेरे, जे न्याहरे बिच चलदा से नी जाणदा कि कुते जाया करदा है।

यूहन्ना 12:36

जां तिकर रौसनी तुसा रे कन्ने है, रौसनी पर विश्वास रख्खो ताकि तुसा रौसनी री सतांन बणो। ए गल्लां बोल्ली करी यीशु तित्ते का चली गे ते तिन्हा लोक्कां का दुर रे।

यूहन्ना 12:46

मैं दुनिया बिच रौसनी होई करी आए रा है, ताकि जे कोई मेरे पर विश्वास करे, ओ न्याहरे बिच ना रे

यूहन्ना 8:12

तां यीशु ने तिन्हा मणूआं जो बोल्लेया, दुनिया री रौसनी मैं है, ते जे कोई मेरे मेरी गल्लां मन्नी करी मेरे पीच्छे चलगा, तिनिये पाप रे न्याहरे बिच नी रैह्णा, पर तिसका हमेसा री जिन्दगी री रौसनी होणी।

प्रेरितां रे कम्म 17:30

इधेरे तांइ परमेश्वर लोक्कां री अज्ञानता रे बेल्ले बिच आनाकानी करी के, अवे हर जगाह् सब मणूआं जो अपणे पाप्पां का तौबा करी लैणे रा हुकम दिंदे हिन।

प्रेरितां रे कम्म 26:18

ताकि तू तिन्हेरी आख्खियां खोल्ले जिस कने से न्याहरे का रौसनी पास्से, ते शैतान रे अधिकार का निकली करी परमेश्वर पास्से फिरी जाण ताकि से तिन्हेरे पाप्पां जो माफ करण ते से मणू तिन्हा मणूआं कने जगाह् हासिल करण जे मेरे पर विश्वास करणे कने पवित्र कित्ते गेरे हिन।

रोमियों 1:21

इधेरे तांइ कि तिन्हा ने परमेश्वर जो जाणदे होए भी ना ही तिन्हेरी महिमा कित्ती, ते ना ही तिन्हेरा शुक्रिया कित्ता, पर से मणू इदेइ बेवकूफी री गल्लां सोचणा लग्गी पे कि परमेश्वर कदेय दिसदे होणे। इसेरा अंजाम ए होया कि तिन्हेरी समझ पर पर्दा पेई गेया।

रोमियों 13:12

असा रा इस बुरी दुनिया बिच रैह्णे रा समय तिय्यां ही मुकणे वाला है जिय्यां कि रात मुकणे वाली हुंदी। मसीह यीशु रे हटणे रे समय बड़ा नेड़े है। इधेरे तांइ असा जो न्याहरे रे कम्मां जदेय तिन्हा बुरे कम्म करणा छड्डी दैणे चाएदे, जे कम्म इस दुनिया रे मणू करदे, ते असा जो रौसनी रे ठीक कम्मां जदेय हथियार बन्नी लैणे चाएदे।

रोमियों 2:19

ते तिज्जो अपणे पर ए होंसला हो, कि तू तिन्हा लोक्कां जो परमेश्वर रा रस्ता दिखांदा, जे अन्नेयां सांई परमेश्वर रे रस्ते का भटकी गेरे हिन, ते तू न्याहरे बिच पेरे लोक्कां तांइ रौसनी सांई है।

1 कुरुन्थियों 1:30

पर परमेश्वर ने तुसा लोक्कां रा रिस्ता मसीह यीशु कने जोड़ेया, ते मसीह यीशु रे जरिये से असा जो अपणा ज्ञान दिंदे, परमेश्वर असा जो अपणी नजर बिच धार्मिक ठैहरांदे। असी मणू मसीह यीशु रे जरिये पवित्र ठैहराये गेरे हिन ते असा जो पाप का अजाद करदे।

2 कुरुन्थियों 3:18

असी सारे प्रभु री महिमा जो अपणे उघाड़े रे चेहरे कने इक्क सीसा सांई प्रकाशित करदे। असा जो अपणे सांई बणाणे तांइ तिस चमकदार महिमा बिच जादा का जादा बदलेया करदे हिन। ते ए महिमा परमेश्वर रे पास्से का है, जे पवित्रात्मा रे रुप बिच असा का है।

2 कुरुन्थियों 4:6

किजोकी परमेश्वर ने ही बोल्ले रा है, “न्याहरे बिच रौसनी चमके।” ते से ही असा रे दिल बिच चमकी, ताकि असी मसीह बिच परमेश्वर री महिमा जो दिख्खी सकण।

2 कुरुन्थियों 6:14

अविश्वासी लोक्कां रे सहभागी मत बणो। किजोकी धार्मिकता ते अधार्मिकता रा कोई मेल जोल नी है, रौसनी या न्याहरे री कोई सगंती नी है।

गलातियों 5:25

जां पवित्रात्मा ने असा जो नौई जिन्दगी दित्ते री है, तां असा जो पवित्रात्मा रे कहे मुताबिक जीणा भी चाएदा।

इफिसियों 2:2

तिस बेल्ले तुसा दुनियादारी रे तौर-तरिक्के कने चलदे थिये ते तुसा शैतान रे कहे मुताबिक चलेया करदे थिये जे दुष्टात्मां रा हाकिम है, ते जे अज्ज भी तिन्हा लोक्कां बिच कम्म करेया करदा है जे परमेश्वर रे हुकमां री ना-फरमानी करदे।

इफिसियों 4:18

किजोकी तिन्हेरी समझ पर न्याहरा छाई गे रा है, ते से मणू अपणी अज्ञानता ते ढिटपणे री वजह कने तिस जिन्दगी का दुर हिन जे परमेश्वर दिंदे।

इफिसियों 5:2

जिय्यां मसीह यीशु ने तुसा कने प्यार कित्तेया, तिय्यां ही तुसा भी सारेयां कने प्यार करो। मसीह ने अप्पु जो तुसा रे पाप मिटाणे तांइ कुर्बान करी दित्ता ते से कुर्बानी परमेश्वर रे सामणे इक्क खुशबूदार भेंट सांई थिया।

कुलुस्सियों 1:12

ते पिता परमेश्वर रा शुकर करदे रेयो, जिन्हा ने असा जो इस जोग्गा बणाया कि स्वर्ग रे राज बिच तिन्हेरे अपणे लोक्कां कने तिस विरासत रे हिस्सेदार बनण, जे तिन्हा ने अपणे लोक्कां तांइ तैयार कित्ते रा है।

कुलुस्सियों 1:13

किजोकी परमेश्वर ने अप्पु ही तिन्हेरे पुत्तर री कुर्बानी रे जरिये, असा जो छुटकारा दित्तेया, यानी पाप्पां री माफी दित्ती, ते असा जो शैतान रे काबू का छुड़ाया। ते अपणे प्यारे पुत्तर रे राज बिच लेई आए।

तीतुस 3:3

किजोकी मसीह यीशु बिच विश्वास करणे का पैल्ले असी भी नासमझ, परमेश्वर री गल्ल ना मनणे वाले, ते भरम बिच पेय रे ते हर तरिक्के री बुरी इच्छा ते सुख वलास री गुलामी बिच थिये, ते दूज्जेयां कने नफरत करणे ते हिर्स रखणे बिच जिन्दगी बितादें थिये, ते मणू असा कने नफरत करदे थिये ते असी इक्क दूए कने दुश्मणी रखदे थिये।

1 यूहन्ना 1:7

पर जिय्यां परमेश्वर रौसनी बिच हिन जे अगर असी भी तिय्यां ही रौसनी बिच जिन्दगी बिताण ते असी परमेश्वर कने अप्पु मिते इक्क-दूए कने मेल-मिलाप रखगे, ते तां मसीह यीशु रे खून ने असा रे पाप्पां का साफ करणा।