इफिसियों 5:6 - चम्बयाली नौआ नियम

⁶ इधेरे तांइ इदेय लोक्कां का धोख्खा मत खांदे जे इन्हा पाप्पां जो करणे तांइ बहान्ने बणांदे किजोकी इन्हा ही कम्मां री वजह कने परमेश्वर रा गुस्सा तिन्हेरे हुकमां री ना-फरमानी करणे वालेयां पर भड़कदा।

इफिसियों 5:6 ပူးပေါင်းရင်းမြစ်များ

मत्ती 24:24

किजोकी झूठ्ठे मसीह ते झूठ्ठे भविष्यद्वक्ता खड़ी उठणे, ते बड्डी-बड्डी चीजां ते हैरान करणे वाले चमत्कार दिखाणे कि जे होई सके ते चुणे रे लोक्कां जो भी भड़काई दैण।

मत्ती 24:4

यीशु ने तिन्हेरे जो जवाब दित्तेया, चौकन्ने रेयो! कोई तुसा जो भड़काई ना सके,

मरकुस 13:22

किजोकी झूठ्ठे मसीह ते झूठे भविष्यद्वक्ता खड़ी उठणे, अते तिन्हा मती किस्म री निशानियां ते चमत्कार वाले कम्म दखाणे ताकि होई सके तां से चुणे रे लोक्कां जो भी धोखा देई दैण।

मरकुस 13:5

यीशु तिन्हा जो बोलणा लगे, “चुकन्ने रेयो कि कोई तुसा जो भटकाई ना सके।”

रोमियों 1:18

परमेश्वर स्वर्ग का अपणा गुस्सा तिन्हा लोक्कां पर दिखांदे, जे अपणी सारी दुष्टता ते अधार्मिक रे कम्मां कने परमेश्वर री सच्चाई जो नक्कारी दिंदे।

कुलुस्सियों 2:18

कुसकी भी मणू जो तुसा जो निकम्मा बणाणे रा मौक्का मत देयो जे झूठ्ठा निमतापन दिखांदा ते स्वर्गदूतां री पूजा करणे बिच खुस हुंदा। इदेय मणू दर्शन दिखदे ते बड्डी बड्डी गल्लां बोलदे, ते तिन्हेरी इन्सानी सोच तिन्हा जो बेवकूफी रे घमंड कने भरी दिंदी।

कुलुस्सियों 2:4

ए मैं इस तांइ बोलदा की कोई मणू तुसा जो गलत शिक्षा सिखाई करी धोखा ना दे।

कुलुस्सियों 2:8

चुकन्ने रेयो की कोई तुसा जो अपणी तिन्हा विचारां ते बेकार गल्लां ते धोखे कने फसाई ना लेयो, जे लोक्कां री परम्परा ते दुनियावी रीति-रीवाज जे सदियां का चली आया करदी हिन, ते इस दुनिया री न्याहरे री ताकत पर आधारित है, पर मसीह यीशु री शिक्षा पर आधारित नी है।

कुलुस्सियों 3:6

इन्हा बुरे कम्मां जो करणे री वजह कने ही परमेश्वर ने तिन्हा जो सजा दैणी।

2 थिस्सलुनीकियों 2:3

तिस दिन रे बारे बिच कुसकी भी तरिक्के कने कुसकी भी मणू रे बहकावे बिच मत आदें, किजोकी मसीह यीशु रे हटणे का पैल्ले ही मते लोक्कां ने परमेश्वर रे खिलाफ होई जाणा। ते तिस दुष्ट ने लोक्कां सामणे आई जाणा जिस जो परमेश्वर ने नरक बिच पूरे तरिक्के कने मुकाई दैणा।

इब्रानियों 13:9

नौई ते बखरी-बखरी शिक्षां रे पीच्छे मत चलदे, जिन्हा ने तुसा जो सही रस्ते का गलत रस्ते पर लेई जाणा। परमेश्वर रा अनुग्रह कने अंदरूनी ताकत पाणा ठीक गल्ल है, ते खाणे-पीणे रे कानूनां जो ना मनणा खरा है, किजोकी जे मणू इन्हा कानूनां जो मनदे, तिन्हा जो इन्हा कने कोई फायदा नी होणा।

इब्रानियों 3:19

इधेरे तांइ असा जो इस गल्ल रा एहसास हुंदा, कि तिन्हेरे विश्वास ना करणे री वजह कने से मणू परमेश्वर रे अराम करणे री जगाह् बिच नी जाई सके।

1 पतरस 2:8

ते पवित्रशास्त्र बिच ए गल्ल भी लिख्खे री गे री है, “इस बट्टे ने लोक्कां रे जमीन पर छुड़कणे री वजह बणना। ए से बट्टा है जिसेरी वजह कने तिन्हा ने थल्ले पैणा।” तिन्हा ने इय्यां इधेरे तांइ पैणा किजोकी तिन्हा ने परमेश्वर रे बसेख जो मनणे का इन्कार कित्तेया। परमेश्वर ने फैसला कित्तेया कि तिन्हा लोक्कां कने इय्यां हो।

1 यूहन्ना 4:1

ओ प्यारेयो, हर तिस मणू पर भरोस्सा मत करो जे ए दावा करदे कि असी पवित्रात्मा रे कहे मुताबिक गल्लां करदे। पर आत्‍मा जो परखो कि से परमेश्वर रे पास्से का हिन का नी किजोकी मते सारे झूठ्ठी भविष्यद्वक्ता दुनिया बिच हिन।