इफिसियों 5:24 - चम्बयाली नौआ नियम

²⁴ जिय्यां कलीसिया मसीह यीशु रे अधीन है तिय्यां ही लाड़ीया भी हर गल्ल बिच अपणे-अपणे लाड़ेयां रे अधीन रहे।

इफिसियों 5:24 ပူးပေါင်းရင်းမြစ်များ

लूका 10:17

जिस बेल्ले से बाकि रे सत्तर चेल्‍ले खुसी-खुसी वापस हटी आए तां यीशु जो बोलणा लगे, ओ प्रभु, दुष्टात्मा भी तुसा रे नां कने असा रे हुक्मां जो मन्नेया करदी थी।

इफिसियों 5:23

किजोकी लाड़ा तिस्सी तरिक्के कने अपणी लाड़ी रा सिर है जिय्यां मसीह यीशु कलीसिया रे सिर ते छुटकारा दैणे वाले हिन जे तिन्हेरे सरीर है।

इफिसियों 5:25

ओ लाड़ेयों, अपणी-अपणी लाड़ियां कने प्यार रखो, जिय्यां मसीह यीशु ने भी कलीसिया कने प्यार कित्ता ते अप्पु जो तिस तांइ कुर्बान करी दित्ता

इफिसियों 5:33

ए ही गल्ल तुसा बिच का हर इक्क पर लागू हुंदी कि तुसा सारे अपणी लाड़ियां कने अपणे बराबर प्यार रख्खे, ते लाड़ी भी अपणे लाड़े री इज्जत करे।

कुलुस्सियों 3:20

ओ बच्चेयों, अपणे मां-प्यो री हर इक्क गल्ल जो मन्नेया करो किजोकी प्रभु इसी गल्ल कने खुस हुंदे।

कुलुस्सियों 3:22

ते गुलामों, सुणो, ईमानदारी कने अपणे दुनियावी मालिकां रे हुकमां जो मन्नेया करो, सिर्फ तिस बेल्ले ही नी जां से तुसा जो दिखदे होण, दिल री पूरी ईमानदारी ते प्रभु तांइ आदरमान कने करो।

तीतुस 2:7

तुसा अप्पु हर गल्ल बिच दूज्जेयां तांइ ठीक बर्ताव रा इक्क उदारण बणो कि से भी तिय्यां ही करण।

तीतुस 2:9

जे विश्वासी गुलाम हिन तिन्हा जो समझा कि से अपणे-अपणे मालिकां री हर गल्ल जो मन्ने, ते तिन्हा कने कोई बैह्सबाजी कित्ते बगैर तिन्हा जो खुस रखण, ते तिन्हा जो मुड़ी करी जवाब ना दैण।