इफिसियों 5:23 - चम्बयाली नौआ नियम

²³ किजोकी लाड़ा तिस्सी तरिक्के कने अपणी लाड़ी रा सिर है जिय्यां मसीह यीशु कलीसिया रे सिर ते छुटकारा दैणे वाले हिन जे तिन्हेरे सरीर है।

इफिसियों 5:23 ပူးပေါင်းရင်းမြစ်များ

प्रेरितां रे कम्म 20:28

इधेरे तांइ अपणी ते अपणे सारे झुण्ड री चुकन्ने रेह्ई करी देख-रेख करो जिन्हा परमेश्वर रे लोक्कां बिच पवित्रात्मा ने तुसा जो कलीसिया रे मुखिया बणाए रा है कि तुसा परमेश्वर री कलीसिया री रखवाली करो जिस जो तिसने अपणे खून कने खरीदी लित्ते रा है।

1 कुरुन्थियों 6:13

तुसा मणू बोलदे कि रोट्टी पेट तांइ जरुरी है ते पेट रोट्टी तांइ जरुरी। ए गल्ल सही ता है पर इक्क दिन परमेश्वर ने इन्हा दोन्नां जो मुकाई दैणा। पर कोई भी मणू ए नी बोल्ली सकदा कि असा रे सरीर व्यभिचार तांइ बणे रे हिन। असा रे सरीर प्रभु रे हिन ते असा जो अपणे शरीरां जो प्रभु री इच्छा पूरी करणे तांइ इस्तेमाल करणा चाएदा।

इफिसियों 4:15

प्यार कने सच बोलणे रे जरिये असा जो हर इक्क गल्ल बिच मसीह यीशु सांई बणने तांइ पकदे जाणा चाएदा, जे असा रे प्रधान हिन।

इफिसियों 5:24

जिय्यां कलीसिया मसीह यीशु रे अधीन है तिय्यां ही लाड़ीया भी हर गल्ल बिच अपणे-अपणे लाड़ेयां रे अधीन रहे।

कुलुस्सियों 1:18

से ही कलीसिया जो, जे तिन्हेरे सरीर सांई है, सही मायने बिच चलांदे ते से अप्पु कलीसिया रे सिर हिन। से ही सुरुआत हिन, ते से ही मुर्देयां बिच का फिरी जिन्दे होणे वाले पैल्ले हिन, ताकि हर इक्क चीज बिच से ही प्रधान ठेहरण।

1 थिस्सलुनीकियों 1:10

अते स्वर्ग का परमेश्वर रे पुत्तर मतलब यीशु रे हटणे री भाल करो, जिस जो परमेश्वर ने मरे रेयां बिच का जिंदा कित्तेया अते तिन्हा ने ही परमेश्वर रे आणे वाले न्याय का असा जो बचाणा।

प्रकाशित वाक्य 19:7

आओ, असी खुस ते मगन होण, ते तिन्हेरी तारीफ करण, किजोकी उरणू रा ब्याह नेड़े आई गे रा है, ते तिन्हेरी दुल्हन ने अप्पु जो तैयार करी लित्ते रा है।

प्रकाशित वाक्य 5:9

से इक्क नौआ गाणा गाणे लगे, “तू इस कताब री मौहरे खोलणे रे तिस बिच लिख्खे री गल्लां जो पढ़ने रे लायक है, किजोकी तू मारेया गेया थिया ते तैं अपणे खून कने हर इक्क कुल, देस, भाषा, ते लोक्कां जो परमेश्वर तांइ खरीदी लित्तेया।”