इफिसियों 5:2 - चम्बयाली नौआ नियम2 जिय्यां मसीह यीशु ने तुसा कने प्यार कित्तेया, तिय्यां ही तुसा भी सारेयां कने प्यार करो। मसीह ने अप्पु जो तुसा रे पाप मिटाणे तांइ कुर्बान करी दित्ता ते से कुर्बानी परमेश्वर रे सामणे इक्क खुशबूदार भेंट सांई थिया। အခန်းကိုကြည့်ပါ။ |
इफिसियों 5:2
54 ပူးပေါင်းရင်းမြစ်များ
असा रे पापी स्वभाव री वजह कने मूसा रा कानून कमजोर होई करी जे नी करी सकेया, से परमेश्वर ने कित्ता। तिन्हा ने अपणे इकलौत्ते पुत्तर जो असा पाप्पी लोक्कां का इक्क इन्सान रे रुप बिच भेज्जेया। ते परमेश्वर ने अपणे पुत्तर जो असा रे पाप्पां तांइ कुर्बानी रे रुप बिच देई करी, असा रे पाप्पां री सजा तिन्हेरे सरीर पर पाई दित्ती ते असा पर पाप री ताकत जो मुकाई दित्ता।
इधेरे तांइ तिस पाप जो अप्पु बिच का हटाओ जिय्यां कि यहूदी मणू फसह री रोट्टी रा त्योहर का पैल्ले अपणे घरे का तराक्के रे आट्टे जो हटाई दिंदे थिये, तां फिरी तुसा ने इक्क इदेय पवित्र विश्वासियां रा समुह बणना जे पवित्र ते सुच्चे होई करी बगैर कुसकी पाप रे असर रे इक्क-दूए कने संगती करणे वाले मणू बणना किजोकी परमेश्वर ने तुसा जो पैल्ले का ही साफ करी दित्ते रा है ते तुसा जो पवित्र बणाई दित्ते रा है। तुसा जो हमेसा साफ ते सुच्चे तरिक्के कने जिन्दगी जीणी चाएदी किजोकी मसीह यीशु ने असा जो असा रे पाप्पां का अजाद करणे तांइ कुर्बानी दित्ती थी, जिस तरिक्के कने यहूदी मणू फसह रे त्योहर का पैल्ले अपणे घर का खमीर हटाई दिंदे।
किजोकी तुसा जुआन हिन इधेरे तांइ इस हिसाब कने बर्ताव करो ताकि कोई तुसा रा अनादर ना करी सके पर तुसा जो गल्ल-बात करणे कने, तुसा रे बर्ताव कने, दूज्जेयां तांइ अपणे प्यार री वजह कने, मसीह बिच तुसा रे विश्वास री वजह कने ते तुसा रे बेदाग जिन्दगी री वजह कने विश्वासियां तांइ इक्क खरा उदारण बणना चाएदा ताकि से भी तिय्यां ही करण।
ကြော်ငြာတွေ