इफिसियों 5:19 - चम्बयाली नौआ नियम

¹⁹ ते अप्पु-मिते इक्क दूए जो भजन संहिता सूणाई करी होंसला देया करो। स्तुतीगान ते आत्मिक गीत गाई करी परमेश्वर री महिमा करेया करो, ते अपणे-अपणे मनां बिच परमेश्वर रे सामणे गांदे ते किर्तन करदे रेयो।

इफिसियों 5:19 ပူးပေါင်းရင်းမြစ်များ

मत्ती 15:8

ए मणू सिर्फ होंठाँ कने मेरी बड़ाई करदे हिन, पर इन्हेरे मन मेरे का दुर हिन।

मत्ती 26:30

फिरी से भजन गाई करी जैतून पहाड़ पर गे।

प्रेरितां रे कम्म 16:25

अद्दी रात्ती रे करीब पौलुस ते सीलास परमेश्वर रे भजन गान्दे ते प्रार्थना करेया करदे थिये, ते दूज्जे कैदी तिन्हा जो सूणेया करदे थिये

1 कुरुन्थियों 14:15

ए वक्त-वक्त री गल्ल है कि कदी मेरे जो आत्मां बिच होई करी प्रार्थना करणा चाएदी ते कदी मेरे जो समजी करी प्रार्थना करणा चाएदी। कुसकी बेल्ले मेरे जो आत्‍मा बिच भरी करी गीत-भजन गाणे चाएदे ते कदी मेरे जो समजी करी गीत-भजन गाणे चाएदे।

1 कुरुन्थियों 14:26

ओ संगी विश्वासियों, मैं तुसा जो दसदा कि ए सारा किच्‍छ किय्यां करणा चाएदा, जां तुसा अराधना करणे तांइ कठ्ठिंदे, तां हर इक्क रे मन बिच भजन या उपदेस या बखरी-बखरी भाषां या परमेश्वर रा प्रकाशन या बखरी-बखरी भाषां रा मतलब दसणा, मसीह बिच विश्वासियां रे विश्वास जो मजबूत करणे तांइ होणा चाएदा।

कुलुस्सियों 3:16

जिय्यां कि तुसा इक्क दूए जो बड़ी समजदारी ते ज्ञान कने सिखांदे हिन, ते बड़ी शुकरगुज़ारी कने परमेश्वर तांइ भजन, स्तुतीगान ते आत्मिक गीत गाया करदे हिन, तिस कने कने ही मसीह रे वचनां जो अप्पु अंदर भरपुरी कने बसणा देयो।

याकूब 5:13

जे तुसा बिच कोई दुखी हो तां प्रार्थना करे ते जे अगर खुस हो तां परमेश्वर की तारीफ रे भजन गाए।

प्रकाशित वाक्य 5:9

से इक्क नौआ गाणा गाणे लगे, “तू इस कताब री मौहरे खोलणे रे तिस बिच लिख्खे री गल्लां जो पढ़ने रे लायक है, किजोकी तू मारेया गेया थिया ते तैं अपणे खून कने हर इक्क कुल, देस, भाषा, ते लोक्कां जो परमेश्वर तांइ खरीदी लित्तेया।”