इफिसियों 5:18 - चम्बयाली नौआ नियम

¹⁸ सराब पी करी मतवाल्ले मत बणो किजोकी इस कने बेकाबू होई करी बेशर्मी रे गलत कम्म हुंदे। पर इसेरे बजाए पवित्रात्मा रे काबू बिच जिन्दगी बिताओ,

इफिसियों 5:18 ပူးပေါင်းရင်းမြစ်များ

मत्ती 23:25

ओ ढोंगी शास्त्रि ते फरीसी लोक्कों! तुसा पर लाणत है, जिय्यां भांडे बाहर का तां साफ पर अंदर का गंदे हुंदे, तिय्यां ही तुसा भी अप्पु जो लोक्कां सामणे तां पवित्तर बणी करी दसदे पर अंदर का लालच ते मतलबीपन कने भरे रे हिन।

मत्ती 24:49

ते अपणे कन्ने वाले नौकरांं जो कुटणा लग्गी पेय, ते पियक्कड़ा कने खाए-पिए।

लूका 1:15

किजोकी तिन्ने प्रभु री नजरां बिच महान मणू होणा, तिसजो अंगूर रा रस्स या सराब पीणा मना है, अते से पैदा होणे का पैल्ले ही पवित्रात्मा कने भरपूर होणा।

लूका 11:13

बुरे स्वभाव रे मणू हुन्दे-सुन्दे भी तुसा जो पता है कि अपणे बच्चेयां जो ठीक चीजां किय्यां दित्ती जान्दी, तां अवे तुसा अप्पु सोच्चो कि असा रा स्वर्ग अन्दर रैह्णे वाला परमेश्वर अपणे मंगणे वालेयां जो खुसी कने पवित्रात्मा किजो नी दिंगा

लूका 12:45

पर, जे से मुंशी इय्यां सोच्चो कि मेरे मालक ने पता नी कधाड़ी आणा, अते से तिसेरे नौक्करां ते नौक्कराणियां जो मारणा-कुटणा लग्गी पेयो ते सराब पी करी मजे करणा लग्गी पयो,

लूका 21:34

ध्यान रख्खो, ताकि तुसा रे मन डटी करी पीणे अते पियाणे तांइ अते इस दुनिया री चिन्ता जो लेई करी बेफिक्करे नी होई जाए कुदखी इय्यां ना हो कि जे तुसा सोच्चे दा भी नी हो से तुसा कन्ने होई जाओ।

यूहन्ना 2:10

सारे जणे पैल्ले बदिया वाला अंगूर रा रस्स दिंदे ते जिस बेल्ले मणू पी करी रजी जान्दे तां तिसका हल्का दाखरस दिंदे पर तू बदिया वाली दाखरस अब्बे तक रख्खी छड्डे रा है।

प्रेरितां रे कम्म 11:24

बरनबास इक्क भला मणू थिया, ते पवित्रात्मा रे वस बिच थिया, ते बड़े मणूआं ने प्रभु जी जो अपणाया

रोमियों 13:13

असा जो रौसनी बिच रैह्णे वाले लोक्कां सांई अपणे चालचलन जो खरा बणाई करी रखणा चाएदा। पर न्याहरे बिच रैह्णे वाले लोक्कां सांई मतवाल्ले, पियक्कड़, रंगरेलियां, व्यभिचारी करणे वाले, अश्लील, झगड़े करणे वाले ते हिर्स करणे वाले ना बणे।

1 कुरुन्थियों 11:21

किजोकी मेरे जो दस्सेया गे रा है कि प्रभु भोज खांदे बेल्ले इक्क जणा दूए मणू का पैल्ले ही अपणी रोट्टी खाई लिदां, ते इस तरिक्के कने कोई या ता भूख्खा रेई जांदा ते कोई जादा दाखरस पी करी मतवाल्ला होई जादां।

1 कुरुन्थियों 5:11

पर मैं चीठ्ठी बिच तुसा जो जे लिख्खेया, से ए है कि कुसकी इदेय मणू कने कोई रिस्ता मत रख्खो जे मसीह यीशु बिच विश्वास करणे रा दावा ता करदा हो पर फिरी व्यभिचारी, लालची, मूर्ति पूजा करणे वाला, गाली दैणे वाला, पियक्कड़, या इक्क ठग हो। इदेय मणू कने गल्ल-बात मत रखदे, बल्कि इदेय मणूआं कने रोट्टी भी मत खान्दे।

1 कुरुन्थियों 6:10

चोरी करणे वाले, लालची, शराब्बि, गालां दैणे वाले, धोख्खा-धड़ी करणे वाले मणू कदी भी परमेश्वर रे राज रे वारिस नी होई सकदे।

1 थिस्सलुनीकियों 5:7

किजोकी जे सोन्दे से रात्ती ही सोन्दे, ते जे मतवाले हुन्दे, से रात्ती ही मतवाले हुन्दे।

तीतुस 1:6

ते कलीसिया रा मुखिया होणे तांइ कुसकी भी मणू जो बेकसूर, इक्क ही लाड़ी वाला होणा चाएदा, तिसेरे बच्चे भी विश्वासी होणे चाएदे, ते तिसेरे बच्चे अय्याश ते हुकमां री ना-फरमानी करणे वाले नी होणा चाएदे।