इफिसियों 5:15 - चम्बयाली नौआ नियम

¹⁵ इधेरे तांइ ध्यान देयो कि तुसा कदेइ जिन्दगी जिया करदे हिन, बेवकूफ लोक्कां सांई मत बणो पर समजदार बणो।

इफिसियों 5:15 ပူးပေါင်းရင်းမြစ်များ

मत्ती 10:16

दिख्खो, जिय्यां कोई भेड़ भेड़िये रे बिच मझाटे हो तिय्यां ही मैं तुसा जो तिन्हा लोक्कां बिच भेज्जेया करदा है। इधेरे तांइ कीड़े सांई चलाक अते कबूतरां सांई भोले बणो

मत्ती 25:2

उन्हा बिच का पंज कुवांरियाँ लापरवाह थी ते पंज कुवांरियाँ समजदार थियां।

मत्ती 27:24

जां पिलातुस ने दिख्खेया कि किच्‍छ भी नी बणेया करदा है पर तिसेरे उलट हगांमा बदेया जाया करदा है तां तिनिये पाणी लेई करी भीड़ रे सामणे अपणे हत्थ धोए ते बोल्लेया मैं इस धार्मिक रे खून का बेगुनाह है तुसा ही जाणो।

मत्ती 27:4

ते बोल्लेया, मैं बेगुनाह मणू जो मरवाणे तांइ पकड़वाई करी पाप कित्तेया, तिन्हा ने बोल्लेया, असा जो तिसेरी कोई परवाह नी? से तेरी दिक्कत है।

मत्ती 8:4

यीशु ने तिसजो बोल्लेया, दिख्ख, “कुसी जो भी मत बोलदा, पर जाई करी अप्पु जो पुरोत्त जो दस्स अते जे चढ़ाणे तांइ मूसा ने दस्से रा ए तिसजो चढ़ा, ताकि उन्हा पर गवाई होई जाओ।”

लूका 24:25

तां यीशु ने तिन्हा दो चेल्‍लेयां जो बोल्लेया, तुसा बड़े बेवकूफ हिन भविष्यद्वक्ता ने शास्त्र बिच जे किच्‍छ बोल्लेया थिया तिन्हा गल्लां पर विश्वास करणा तुसा जो बड़ा मुशकल लग्गेया करदा है?

1 कुरुन्थियों 14:20

ओ संगी विश्वासियों, इन्हा गल्लां जो समजणे बिच बच्चेयां सांई ना बणो, बुराई करणे बिच तां बच्चेयां सांई अनजाण ही रेयो, पर इन्हा गल्लां जो समजणे बिच अक्कलमंद बणो।

गलातियों 3:1

ओ गलातिया कलीसिया रे मणूओं, तुसा नासमझ होई गेरे हिन। मैं तुसा जो साफ-साफ समजाया थिया कि यीशु मसीह ने सुली पर कुर्बानी किजो दित्ती थी, पर फिरी भी तुसा किय्यां धोखा खाई सकदे?

गलातियों 3:3

कै तुसा इन्ने जादा नासमझ होई गेरे हिन कि तुसा ने अपणी नौई जिन्दगी जो पवित्रात्मा रे कम्मां रे हिसाब कने सुरु ता कित्ता पर अवे बाकि री जिन्दगी अपणी मर्जी कने जीणा चाह्‍ंदे?

इफिसियों 5:2

जिय्यां मसीह यीशु ने तुसा कने प्यार कित्तेया, तिय्यां ही तुसा भी सारेयां कने प्यार करो। मसीह ने अप्पु जो तुसा रे पाप मिटाणे तांइ कुर्बान करी दित्ता ते से कुर्बानी परमेश्वर रे सामणे इक्क खुशबूदार भेंट सांई थिया।

इफिसियों 5:33

ए ही गल्ल तुसा बिच का हर इक्क पर लागू हुंदी कि तुसा सारे अपणी लाड़ियां कने अपणे बराबर प्यार रख्खे, ते लाड़ी भी अपणे लाड़े री इज्जत करे।

फिलिप्पियों 1:27

सिर्फ इन्ना ही करो कि मसीह रे सुब बसेख रे हिसाब कने जिन्दगी जियो। ते भले ही मैं तुसा जो आई करी मिलां या ना भी मिलां, वस तुसा रे बारे बिच ए ही सूणेया कि तुसा इक्क-मन होई इक्क ही मकसद तांइ इकठ्ठे होई करी तिस विश्वास तांइ कड़ा संघर्ष करदे रैहन्दे जे मसीह यीशु रा सुब बसेख है।

कुलुस्सियों 1:9

इधेरे तांइ जां रा असी तुसा रे बारे बिच सुणे रा है, तां का ही असी तुसा तांइ प्रार्थना करदे रैहन्दे। असी परमेश्वर का हमेसा प्रार्थना करदे कि से तुसा जो पूरी समझ ते आत्मिक बुद्वी ते समजदारी दैण ताकि तुसा तिन्हेरी इच्छा जो समजी सको।

कुलुस्सियों 4:5

हर मौक्के जो कीमती मन्नी करी गैर यहूदियां कने समजदारी कने बर्ताव करो।

1 थिस्सलुनीकियों 5:15

चुकन्ने रेयो कि कोई कुसकी कने बुराई रे बदले अन्दर बुराई ना करो पर हमेसा ठीक कम्म करणे तांइ हमेसा तैयार रेयो, अप्पु-मित्ते ते सबणी कने भी भलाई री ही कोसीस करो।

1 तीमुथियुस 6:9

पर जे मणू अमीर होणे री परिक्षा बिच पेई करी कुसकी जानवर सांई पाप रे जाल बिच फसी जांदे। से मणू इदेइ चीजां करणा चाह्‍ंदे जे बेकार ते तिन्हा तांइ खतरनाक हिन ते इदेइ चीजां री वजह कने तिन्हा ने बर्बाद होई जाणा।

इब्रानियों 12:25

चुकन्ने रेयो, ते परमेश्वर री गल्ल सुनणे का इन्कार मत करो, जे तुसा कने गल्लां करदे। किजोकी इस्राएल रे मणू परमेश्वर री सजा का नी बची सके जां तिन्हा ने मूसा रे हुकम जो मनणे का इन्कार करी दित्ता थिया, जां तिसने इस दुनिया तिन्हा जो चितौणी दित्ती थी। साफ तौर असी भी तिन्हेरी गल्ल सुनणे का इन्कार करी के सजा का नी बची सकणा, जे स्वर्ग का गल्लां करदे।

याकूब 3:13

जे अगर तुसा समजदार ते परमेश्वर री गल्लां जो समजणे वाले मणू हिन, तां इधेरे तांइ इक्क खरी जिन्दगी जियो। निम्तेपन ते समजदारी कने ठीक कम्म करी के साबित करो।

1 पतरस 1:22

सच्चाई जो मन्नी करी चलणे री वजह कने अवे तुसा सुच्चे कित्ते गे, अवे तुसा जो तन-मन लाई करी संगी विश्वासियां कने आपसी प्यार रखणा चाएदा। बड़ी चाह्‍त ते पूरे दिल कने इक्क-दूए कने प्यार रख्खो।

प्रकाशित वाक्य 19:10

तां मैं तिन्हा जो प्रणाम करणे तांइ तिन्हेरे पैरां पर पेई गेया, तिन्हा ने मेरे जो बोल्लेया, दिख्ख, इय्यां मत कर मैं तेरे ते तेरे भ्यालां रा संगी दास है जे यीशु री ग्वाही दैणे पर स्थिर हैं परमेश्वर जो ही प्रणाम करे: किजोकी यीशु री ग्वाही भविष्यवाणी री आत्‍मा है।