इफिसियों 5:14 - चम्बयाली नौआ नियम

¹⁴ इधेरे तांइ ए बोल्लेया जांदा, “ओ सोणे वाले मणू, जाग, ते मुर्देयां बिच का जिन्दा होई जा! मसीह ने तुसा पर अपणी रौसनी चमकाणी।”

इफिसियों 5:14 ပူးပေါင်းရင်းမြစ်များ

लूका 1:78

ए सब असा रे परमेश्वर री दया कने होणा, जिस तरिक्के कने इक्क नौआ दिन सुरु हुंदा, तिय्यां ही मसीह ने भी असा तांइ नौई चीजां करणी जां तिन्हा ने असा का स्वर्ग का आणा।

लूका 15:24

किजोकी मेरे जो लग्गेया थिया कि मेरा हल्का निक्का मरी गे रा थिया पर ए जिन्दा है, ए गुआच्ची गे रा थिया, पर अवे वापिस मिली गे रा है। ते फिरी से खुसियां मनाणा लग्गी पे

यूहन्ना 8:12

तां यीशु ने तिन्हा मणूआं जो बोल्लेया, दुनिया री रौसनी मैं है, ते जे कोई मेरे मेरी गल्लां मन्नी करी मेरे पीच्छे चलगा, तिनिये पाप रे न्याहरे बिच नी रैह्णा, पर तिसका हमेसा री जिन्दगी री रौसनी होणी।

यूहन्ना 9:5

जां तांइ मैं दुनिया बिच है, तां तांइ दुनिया री लौं है

प्रेरितां रे कम्म 13:47

किजोकी प्रभु ने असा जो हुकम दित्तेया है, कि मैं तिज्जो गैर यहूदियां रे लोक्कां री लौ ठहराया है, ताकि तू दुनिया रे हर कुणे तांइ छुटकारा रे रस्ते रा जरिया हो।

रोमियों 6:13

अते अपणे जिस्म रे कुसकी भी अंग जो बुरे कम्मां री सेवा करणे तांइ हवाले मत करो, बल्कि, अप्पु जो पूरे तरिक्के कने परमेश्वर रे हवाले करी देयो। किजोकी तुसा मरी गे थिये, पर अवे तुसा का नौई जिन्दगी है। इधेरे तांइ अपणे पूरे जिस्म जो इक्क औजार रे तौर पर परमेश्वर री महिमा तांइ इस्तेमाल करो।

1 कुरुन्थियों 15:34

तुसा जो पाप करणा छड्डी करी वापिस धार्मिकता रे कम्म करणा चाएदे। किजोकी तुसा बिच किच्‍छ लोक्कां रा परमेश्वर कने गहरा रिस्ता नी है। ए गल्ल मैं तुसा जो शर्मिंदा करणे तांइ ए बोलदा।

2 कुरुन्थियों 4:6

किजोकी परमेश्वर ने ही बोल्ले रा है, “न्याहरे बिच रौसनी चमके।” ते से ही असा रे दिल बिच चमकी, ताकि असी मसीह बिच परमेश्वर री महिमा जो दिख्खी सकण।

इफिसियों 2:1

पैल्ले-पैल्ले तुसा बिच परमेश्वर रे पास्से का कोई नौई जिन्दगी नी थी, किजोकी तुसा अपणे पाप ते गलत कम्मां री वजह कने मरे रे मणूआं सांई थिये।

कुलुस्सियों 3:1

अवे जां तुसा मसीह यीशु कने मुर्देयां बिच का फिरी जिन्दे कित्ते गे, तां तुसा स्वर्ग री चीजां री इच्छा रख्खो, ते जित्ते मसीह यीशु हिन, से परमेश्वर रे सबका जादा महिमामय जगाह् पर तिन्हेरे नेड़े बैठ्ठे रे हिन।

1 थिस्सलुनीकियों 5:6

इधेरे तांइ असी दूज्जेयां सांई प्रभु रे आणे रे समय तांइ सोन्दे ते बगैर तयारी रे ना रैह्ण, पर जागदे होए ते चुकन्ने रैह्ण।

2 तीमुथियुस 1:10

पर अवे, मसीह यीशु जे असा जो छुटकारा दिंदे से दुनिया बिच आए ते तिन्हा ने असा पर अपणा अनुग्रह कित्तेया। तिन्हा ने मौत री ताकत जो हराई दित्ते रा है, ते असा जो दस्सेया कि सुब बसेख रे जरिये हमेसा री जिन्दगी रा रस्ता मिलदा जित्ते असा ने हमेसा तांइ इक्क सरीर बिच वास करणा।

2 तीमुथियुस 2:26

ताकि से मणू भी चुकन्ने होई जाण ते शैतान रे चंगुल का छुड़की जाण, जिस ने तिन्हा जो अपणी मर्जी पूरी करवाणे तांइ धोख्खे बिच पाई रख्खे रा है।