मेरे का सारा किच्छ है, बल्कि जरुरत का भी जादा है; जे चीजां तुसा इपफ्रुदीतुस रे हत्थां भेजी थी तिन्हा जो पाई करी मैं रजी गे रा है, तुसा री भेज्जी री चीजां परमेश्वर जो चढ़ाए रे खुशबूदार दान ते कुर्बानी सांई हिन। जे परमेश्वर जो मंजुर ते पसंद आणे वाली चीजां हिन।
तां तुसा रा चालचलन प्रभु जो पसंद आणे वाला बणना, ते तुसा परमेश्वर जो हर तरिक्के कने खुस करणे वाली जिन्दगी जीणी, ते तिसेरी वजह कने तुसा अपणी जिन्दगी बिच हर तरिक्के रे ठीक कम्म करदे रैह्णा, ते तुसा परमेश्वर जो होर भी ठीक तरिक्के कने जाणदे रैह्णा।
जे कुसकी विधवा जनानी रे बच्चे या नाती-पोते होण तां तिन्हा जो अपणे परिवार कने इज्जत कने बर्ताव करणे रे जरिये परमेश्वर री भक्ति-भाव दिखाणा चाएदा, ते तिन्हा जो अपणे मां-प्यो री देख-रेख करणे रे जरिये तिन्हेरा एहसान चुकाणा चाएदा किजोकी परमेश्वर जो ए खुस करदा।
इधेरे तांइ असा जो जे राज मिल्ले रा है, तिसजो हिलाया नी जाई सकदा। असी परमेश्वर रे अनुग्रह री वजह कने तिन्हेरा शुकर करण, जिस कने असा री भक्ति ते डर कने परमेश्वर री इदेइ अराधना करण जिस कने से खुस हुदें।
पर जे अगर तुसा जो अपणी कुसकी गलती री वजह का कुट्ट पैंदी तां तिस गल्ल तांइ सजा सैह्ण करणे बिच तुसा री तारिफ करणे री जोग्गी कोई गल्ल नी है। पर जे अगर तुसा कुसकी भलाई रे कम्म तांइ दुख सहन करदे ते तिस बिच सबर भी रखदे, तां परमेश्वर खुस हुंदे।
