इफिसियों 4:7 - चम्बयाली नौआ नियम

⁷ पर मसीह यीशु ने असा सारेयां जो अपणे अनुग्रह रे हिसाब कने बखरे-बखरे दान दित्ते रे हिन।

इफिसियों 4:7 ပူးပေါင်းရင်းမြစ်များ

मत्ती 25:15

तिन्ने इक्क जो पंज तोड़े, अते दूए जो दो, ते त्रिये जो इक्क से हर इक्क जो उसेरी काबलियत रे हिसाब कने देई करी परदेस जो चली गेया।

यूहन्ना 3:34

किजोकी जिस जो परमेश्वर ने भेज्जे रा है से परमेश्वर री गल्लां बोलदा किजोकी से पवित्रात्मा नाप्पी-तोल्ली करी नी दिंदा।

रोमियों 12:3

किजोकी जे अनुग्रह मेरे जो मिल्ले रे तिस अनुग्रह री वजह कने मैं तुसा बिच का हर इक्क जो बोलदा कि जिन्ना अप्पु जो समझणा चाएदा, अप्पु जो कोई तिसका जादा ना समजे पर जिय्यां परमेश्वर ने हर इक्क जणे जो दित्ते रा तिस विश्वास रे नाप रे हिसाब कने, ठीक समझ कने अप्पु जो तिन्ना ही समजे।

2 कुरुन्थियों 6:1

असी जे परमेश्वर रे सहकर्मी हिन, छंदे करी के समझादें की परमेश्वर री अनुग्रह जे तुसा पर है, तिसजो बेकार मत जाणा देयो।

इफिसियों 3:2

ते तुसा भी पक्के तौर पर सुणे रा है कि परमेश्वर ने मेरे अपणे अनुग्रह कने मेरे जो तुसा बिच सुब बसेख सुनाणे री जिम्मेदारी दित्ते री है।

इफिसियों 3:8

हालांकि मैं परमेश्वर रे सारे लोक्कां बिच का सारेयां का घट काबिल है, पर फिरी भी परमेश्वर ने मेरे जो ए सौभाग्य दित्ते रा है कि मैं गैर यहूदियां बिच ए सुब बसेख सूणां कि मसीह यीशु भरपूर आशीषां रा जरिया हिन,

इब्रानियों 2:4

ते परमेश्वर ने मते चिन्ह-चमत्कार, आश्चर्यकर्म, ते पवित्रात्मा रे दान देई करी इस बसेख जो लोक्कां सामणे पक्का कित्ता।

1 पतरस 4:10

हर इक्क जणे जो परमेश्वर का कोई वरदान मिल्ले रा है ते तिन्हा जो तिस वरदान रा इस्तेमाल दुज्जेया री सेवा करणे तांइ करणा चाएदा। तिन्हा जो तिस वरदान रा इस्तेमाल परमेश्वर रे सेवादार मणूआं री खात्तरदारी करणे तांइ भी करणा चाएदा।