इफिसियों 4:5 - चम्बयाली नौआ नियम

⁵ असा सारेयां रे इक्क ही प्रभु हिन, असी सारे मसीह यीशु बिच ही विश्वास करदे, असा सारेयां ने इक्क ही बपतिस्मा लित्ते रा है,

इफिसियों 4:5 ပူးပေါင်းရင်းမြစ်များ

मत्ती 28:19

इधेरे तांइ तुसा जाओ अते जाति-जाति रे लोक्कां जो मेरा चेल्ला बणाओ तुसा जो ए कम्म परम पिता रे नां बिच, पुत्तर रे नां बिच अते पवित्रात्मा रे नां बिच उन्हा जो बपतिस्मा देई करी पूरा करणा है।

प्रेरितां रे कम्म 10:36

जे बसेख तिन्हा ने इस्राएल बिच भेज्जेया, हालाकिं तिन्हा ने मसीह यीशु, जे सबणी रे प्रभु हिन रे जरिए सांती रा सुब बसेख सुणाया।

प्रेरितां रे कम्म 2:36

अते अवे इस्राएल रा सारे मणू ठीक तरिक्के कने जाणी लये कि परमेश्वर ने तिस्सी यीशु जो जिस जो तुसा सुली पर चढ़ा़ई दित्ता, प्रभु भी ठैहराया ते मसीह भी।

रोमियों 3:30

किजोकी इक्क ही परमेश्वर है जिन्हा ने खतना वाले लोक्कां जो, ते बगैर खतना वाले लोक्कां जो भी मसीह बिच विश्वास करणे कने ही धार्मिक ठैहरांदे

1 कुरुन्थियों 1:13

तुसा मणू जे इय्यां करेया करदे हिन, से सही नी है किजोकी मसीह यीशु अलग-अलग मण्डली बिच बंडित्ते रे नी हिन। मैं पौलुस, तुसा जो पाप्पां का बचाणे तांइ सुली पर कुर्बान नी होया। ते तुसा ने मेरे नां कने बपतिस्मा नी लित्तेया थिया।

1 कुरुन्थियों 12:13

तिय्यां ही असी सारे जणे चाए यहूदी या गैर यहूदी, चाए गुलाम हो या अजाद, असी सारेयां रा इक्क ही सरीर बिच इक्क बणी जाणे तांइ तिस ही आत्‍मा रे जरिये बपतिस्मा होए रा है ते असी सारेयां ने इक्क ही आत्‍मा पाए रा है।

2 कुरुन्थियों 11:4

अगर कोई तुसा का आई करी यीशु रे बारे बिच गलत ही प्रचार करो, जे असा रे प्रचार का बखरा हो, या जे पवित्रात्मा तुसा जो पैल्ले का मिल्ले रा है, तिसेरे अलावा होर कोई आत्‍मा तुसा जो मिलदा, या जां तुसा कुसकी होर बसेख जो अपणाई लिंदे जे असा रे सुणाए रे बसेख का बखरा है, तां तुसा तिसजो अपनाणे बिच गलत हिन।

गलातियों 5:6

जां असी मसीह यीशु बिच विश्वास करणा सुरु करी दिंदे तां यहूदी या गैर यहूदी होणे रा कोई फरक नी रैहन्दा। पर जरुरी गल्ल ए है कि असी मसीह बिच विश्वास करदे ते तिस वजह कने परमेश्वर ते बाकि मणू प्यार रखदे।

इफिसियों 4:13

असा सारेयां रा मकसद ए है कि असी विश्वास करणे रे जरिये इक्क बणी जाण ते परमेश्वर रे पुत्तर कने रिस्ता होणे री वजह कने असी पके रे विश्वासी बणी जाण, ते पूरे तरिक्के मसीह यीशु सांई बणी जाण, जे बिल्कुल सिद्व हिन।

फिलिप्पियों 2:11

ते पिता परमेश्वर री महिमा तांइ सारे जणेया ने ए मन्नी लैण कि मसीह यीशु ही प्रभु हिन।

फिलिप्पियों 3:8

जे अगर मैं मसीह यीशु जो अप्पु जानणे रे मुल री तुलना बाकि चीजां कने करां, तां मैं बाकि सारी चीजां जो बेकार समजदा, ते इसी वजह कने मैं हर तिस चीज जो छड्डी रख्खेया ते मैं तिन्हा चीजां जो कचरा समजदा। ताकि मैं मसीह यीशु रे हुकमां जो जादा ठीक तरिक्के कने मन्नी सकां।

तीतुस 1:1

मैं पौलुस ए चीठ्ठी तीतुस जो लिख्खेया करदा है, मैं परमेश्वर रा दास ते यीशु मसीह रा प्रेरित है। मैं परमेश्वर रे चुणे रे लोक्कां रा मसीह बिच विश्वास मजबूत करणे ते मसीह रे बसेख री सच्ची शिक्षा दसणे तांइ चुणेया गे रा है ताकि से मणू इदेइ जिन्दगी जीण जिस कने परमेश्वर खुस हुंदे।

तीतुस 1:4

मसीह बिच असा रे विश्वास री वजह कने, तीतुस तू मेरे बच्चे सांई है। पिता परमेश्वर ते असा जो छुटकारा दैणे वाले प्रभु यीशु मसीह तेरे जो अनुग्रह ते सांती दे।

इब्रानियों 13:7

जे तुसा रे आत्मिक अगुवे थिये, ते जिन्हा ने तुसा जो परमेश्वर रे बारे बिच दस्सेया थिया, तिन्हा जो याद रख्खो; ते सोच्चो कि से किय्यां जिन्दगी जिन्दे थिये, ते फिरी मरे। जदेया विश्वास तिन्हा जो परमेश्वर बिच विश्वास थिया, तैसा ही विश्वास तुसा भी परमेश्वर बिच दिखाओ।

इब्रानियों 6:6

जे अगर से मणू भटकी भी जाण, तां तिन्हा जो तौबा करणे रे रस्ते पर लाणा मुस्किल है, किजोकी से अपणे पास्से का, परमेश्वर रे पुत्तर जो फिरी सुली पर चढांदे, ते सारेयां सामणे तिन्हेरा मजाक बणांदे।

याकूब 2:18

पर कोई बोल्ले, “तू विश्वास करदा, ते मैं ठीक कम्म करदा।” पर मैं बोलदा कि तू अपणा विश्वास मिन्जो बगैर ठीक कम्मां रे साबित करी के दिखा; ते मैं अपणा विश्वास अपणे ठीक कम्मां रे जरिये तिज्जो साबित करी के दिखांदा।

1 पतरस 3:21

पुराणे जमान्ने बिच तिन्हेरा छुटकारा अवे अज्ज रे जमान्ने बिच तिस छुटकारे रा उदारण है जे असा जो बपतिस्मा लैणे रे जरिये मिलदा। जिस पाणी बिच असी बपतिस्मा लिंदे से सरीर री गंदगी जो दुर नी करदा, पर ए इस गल्ल री निशानी है कि असा ने परमेश्वर का अपणे पाप्पां री माफी मंगे री है, ते असा रे मन तिन्हा पाप्पां री वजह कने अवे परेशान नी हिन। असा जो अवे असा रे पाप्पां का माफी मिल्ली सकदी किजोकी मसीह यीशु मुर्देयां बिच का फिरी जिन्दा होई गेरे हिन,

2 पतरस 1:1

मैं शमौन पतरस, मसीह यीशु रा सेवादार ते प्रेरित है। मैं तुसा सारेया जो ए चीठ्ठी लिख्खेया करदा है जे असा सांई तिस ही विश्वास बिच हिस्सेदार हिन, से विश्वास जे असा जो मसीह यीशु का मिल्ले रा है, असा रे प्रभु ते छुटकारा दैणे वाले, ते जे असा जो परमेश्वर रे सामणे धार्मिक ठैहरांदे।

यहूदा 1:20

पर प्यारे दोस्तों, तिन्हा पवित्र शिक्षां रे आधार पर इक्क-दूए जो प्रोत्साहित ते इक्क-दूए री मदद करदे रेया करो जिस पर तुसा ने विश्वास कित्तेया ते जिस बिच तुसा पवित्रात्मा रे बोल्ले प्रार्थना भी करदे।

यहूदा 1:3

मेरे प्यारे दोस्तों, मैं तुसा जो तिस छुटकारे रे बारे बिच चीठ्ठी लिखणे री बड़ी कोसीस कित्ती जे असा जो परमेश्वर रे पास्से का मसीह यीशु रे जरिये मिल्ले रा है ते जिस बिच असी सारे हिस्सेदार हिन। पर अवे मैं तुसा जो इस चीठ्ठी रे जरिये प्रोत्साहित करणा चाह्‍ंदा ताकि तुसा अपणे मसीही विश्वास बिच होर भी जादा मजबूत होणे री कोसीस करो। परमेश्वर ने अपणे लोक्कां जो ए विश्वास इक्क ही वरी तांइ देई दित्ते रा है, ते ए कदी बदली नी सकदा।