इफिसियों 4:4 - चम्बयाली नौआ नियम

⁴ असी इक्क ही सरीर रे हिस्से हिन, ते असा जो इक्क ही पवित्रात्मा भी मिल्ले रा है, से आस भी इक्क ही है जिस बिच तुसा जो परमेश्वर रे मणू बणने तांइ चुणेया गेया थिया।

इफिसियों 4:4 ပူးပေါင်းရင်းမြစ်များ

मत्ती 28:19

इधेरे तांइ तुसा जाओ अते जाति-जाति रे लोक्कां जो मेरा चेल्ला बणाओ तुसा जो ए कम्म परम पिता रे नां बिच, पुत्तर रे नां बिच अते पवित्रात्मा रे नां बिच उन्हा जो बपतिस्मा देई करी पूरा करणा है।

प्रेरितां रे कम्म 15:11

इय्यां करणा सही नी है। असा रा ए मनणा है कि जिय्यां तिन्हा ने मसीह यीशु रे अनुग्रह कने छुटकारा पाणा, तिस्सी तरिक्के कने असी भी पाणा।

रोमियों 11:29

किजोकी परमेश्वर अपणे दित्ते रे वरदान ते बुलाहट का कदी नी बदलदे।

1 कुरुन्थियों 10:17

इधेरे तांइ जां इक्क ही रोट्टी है जे मसीह हिन, तां असी भी जे मते हिन असी इक्क सरीर बणी जांदे किजोकी असी सब जणे तिस्सी इक्क रोट्टी बिच शामिल हुंदे।

1 कुरुन्थियों 12:20

हालांकि सरीर रे अंग ता मते हिन पर सरीर इक्क ही है।

2 कुरुन्थियों 11:4

अगर कोई तुसा का आई करी यीशु रे बारे बिच गलत ही प्रचार करो, जे असा रे प्रचार का बखरा हो, या जे पवित्रात्मा तुसा जो पैल्ले का मिल्ले रा है, तिसेरे अलावा होर कोई आत्‍मा तुसा जो मिलदा, या जां तुसा कुसकी होर बसेख जो अपणाई लिंदे जे असा रे सुणाए रे बसेख का बखरा है, तां तुसा तिसजो अपनाणे बिच गलत हिन।

इफिसियों 1:18

मैं ए भी प्रार्थना करदा कि से तुसा जो सच्चाई जो पूरी तरिक्के कने समजणे बिच मदद करे ताकि तुसा जाणी सको तिन्हेरे असा जो सद्दणे री आस कै है, ताकि तुसा जाणी सको कि से आशीषां किन्नी जादा महिमामय हिन जिन्हेरे दैणे रा वादा परमेश्वर ने अपणे लोक्कां कने कित्ते रा है।

इफिसियों 2:18

मसीह यीशु री वजह कने असी सारे जणे इक्क ही पवित्रात्मा रे जरिये पिता रे नेड़े आई सकदे।

इफिसियों 2:22

मसीह यीशु रे जरिये तुसा भी बाकि पवित्र मणूआं कने मिली करी परमेश्वर रा पवित्र घर हिन, जित्ते परमेश्वर अपणी अात्मा रे जरिये वास करदे।

इफिसियों 4:1

इधेरे तांइ मैं जे प्रभु री सेवा करणे री वजह कने कैद बिच है, तुसा रे छन्दे करदा कि जिस बुलाह्ट कने तुसा सद्दे गे थिये, तिस जोग्गी चालचलन बणाई रख्खो,

इफिसियों 5:30

किजोकी असी मसीह रे सरीर रे अगं हिन।

कुलुस्सियों 1:5

तुसा ए सब इधेरे तांइ करदे किजोकी तुसा रा विश्वास ते आस, तिन्हा चीजां पर आधारित है जे परमेश्वर ने तुसा तांइ स्वर्ग बिच संभाली करी रख्खे री है। तुसा जो तिसेरी उम्मीद तिस बेल्ले का थी जां तुसा पैल्ली वरी मसीह यीशु रा सुब बसेख सूणेया थिया, जे परमेश्वर रा सच्चा बसेख है।

कुलुस्सियों 3:15

अप्पु जो तिस सांती रे वस बिच करी देयो जे मसीह का मिलदी, किजोकी तुसा सारे ही इक्क ही सरीर रे हिस्सा हिन ते तुसा सारे इक्क-दूए कने सांती कने रैह्णे तांइ सद्दे गेरे हिन।

2 थिस्सलुनीकियों 2:16

असी अपणे प्रभु यीशु मसीह ते पिता परमेश्वर का प्रार्थना करदे जे असा कने प्यार करदे ते जिन्हा ने अपणे अनुग्रह रे जरिये असा जो कदी ना मुकणे वाली हिम्मत ते इक्क पक्की आस भी दित्ते री है।

1 तीमुथियुस 1:1

मैं पौलुस ए चीठ्ठी तीमुथियुस जो लिख्खेया करदा है। मैं परमेश्वर रे हक ते असा जो छुटकारा दैणे वाले मसीह यीशु रे जरिये तिन्हेरा प्रेरित है जे असा री आस भी हिन।

तीतुस 1:2

इसेरे अंजाम रे तौर पर से मणू परमेश्वर कने जीणे री आस बिच रैहन्दे किजोकी परमेश्वर जे कदी झूठ नी बोलदे तिन्हा ने दुनिया बणाणे का पैल्ले ही इस गल्ल रा वादा करी दित्तेया थिया कि तिन्हेरे मणूआं ने हमेसा-हमेसा तांइ जीणा।

तीतुस 2:13

असी इस तरिक्के कने बर्ताव करदे किजोकी असी बड़ी बेसबरी कने तिस अनौखे दिन रा इंतजार करेया करदे हिन, जां असा जो छुटकारा दैणे वाले मसीह ने जे असा रे परमेश्वर हिन, अपणी महिमा कने इस धरती पर हटी आणा।

तीतुस 3:7

ताकि असी तिस हमेसा री जिन्दगी जो पाणे री आस बिच रे जिस जो दैणे रा वादा परमेश्वर ने अपणे बच्चेयां कने कित्ते रा है। ते असी इस गल्ल बिच निचिंदे रेई सकदे किजोकी परमेश्वर ने अपणे अनुग्रह कने असा जो अपणी नजर बिच धार्मिक ठैहराए रा है।

1 पतरस 1:21

मसीह यीशु ने जे असा तांइ कित्तेया तिसेरी वजह कने अवे तुसा परमेश्वर बिच विश्वास करदे। तिन्हा ने ही मसीह यीशु जो मुर्देयां बिच का फिरी जिन्दा कित्तेया ते तिन्हा जो महिमा दित्ती। इधेरे तांइ परमेश्वर बिच तुसा रा विश्वास ते आस अवे मजबूत है।

1 यूहन्ना 3:3

हर कोई जे मसीह पर इदेयी आस रखदा, से अप्पु जो तिय्यां ही पवित्र रखदा, जिय्यां मसीह यीशु पवित्र है।