इफिसियों 4:30 - चम्बयाली नौआ नियम

³⁰ अपणे कम्मां री वजह कने पवित्रात्मा जो दुखी मत करो जिन्हेरे जरिये छुटकारे वाले दिन तांइ तुसा पर मौहर लाई गे री है।

इफिसियों 4:30 ပူးပေါင်းရင်းမြစ်များ

मरकुस 3:5

यीशु ने तिन्हेरे मन री सख्ती का उदास होई करी, तिन्हा जो गुस्से कने चारो पास्से दिख्खेया, ते तिस मणू जो बोल्लेया, “अपणा हत्थ बधा।” ते तिनिये बधाया, ते उसेरा हत्थ खरा होई गेया।

लूका 21:28

जां ए सब गल्लां होणे लग गई तां तुसा खड़े होई करी अपणा सिर उप्परा जो उठाई लेयो किजोकी तुसा रा छुटकारा नेड़े आया करदा हुणा।

यूहन्ना 3:33

पर जिनिए तिसेरी गवाई मन्नी लेई, तिनिए इस गल्ल पर छाप लगाई दित्ती कि परमेश्वर सच्चे हिन।

प्रेरितां रे कम्म 7:51

तुसा तिन्हेरी गल्ल मनणे का हमेसा टलदे, तुसा हमेसा पवित्रात्मा रा विरोध करदे जिय्यां तुसा रे बाबे-दाद्दे करदे थिये, तिय्यां ही तुसा भी करदे।

रोमियों 8:11

पवित्रात्मा तुसा बिच रैहन्दा जिन्हा ने मसीह यीशु जो मुर्देयां बिच का जिन्दा कित्ता। ते जिय्यां परमेश्वर ने मसीह यीशु जो मुर्देयां बिच का जिन्दा कित्ता, तिय्यां ही तुसा जो भी तिस्सी पवित्रात्मा रे जरिये मुर्देया बिच का जिन्दा करणा जे तुसा बिच रैहन्दा।

रोमियों 8:23

सिर्फ परमेश्वर री रचना ही नी तड़पेया करदे हिन, पर असी भी, जिन्हा जो परमेश्वर रा पैल्ला दान, पवित्रात्मा, जे परमेश्वर रे वादे री निशानी है, मिलणे रे बावजूद भी तिस दिन री भाल बिच अंदर ही अंदर तड़पेया करदे हिन जां असा जो हर बुराई का छुटकारा मिली जाणा।

1 कुरुन्थियों 1:30

पर परमेश्वर ने तुसा लोक्कां रा रिस्ता मसीह यीशु कने जोड़ेया, ते मसीह यीशु रे जरिये से असा जो अपणा ज्ञान दिंदे, परमेश्वर असा जो अपणी नजर बिच धार्मिक ठैहरांदे। असी मणू मसीह यीशु रे जरिये पवित्र ठैहराये गेरे हिन ते असा जो पाप का अजाद करदे।

1 कुरुन्थियों 15:54

ते जां इस नाशवान सरीर ने अविनाशी सरीर रा रुप बिच बदली जाणा तां से इय्यां होणा जिय्यां कि पवित्रशास्त्र बिच लिख्खे रा है, “जय ने मौत जो निगली लित्तेया।”

1 थिस्सलुनीकियों 5:19

पवित्रात्मा जो लोक्कां री जिन्दगी बिच कम्म करणे का मत रोक्को।

इब्रानियों 10:29

तां सोच्ची लेयो, कि इदेय मणू जो होर भी किन्नी जादा वरी सजा दैणी, जे मणू परमेश्वर रे पुत्तर जो नक्कारी दिंदा, ते वाचा रे खून जो बेकार समजदा, जिसेरे जरिए से पवित्र ठैहराया गेया थिया, ते असा पर अनुग्रह करणे वाले पवित्रात्मा री बेजती करदा।

इब्रानियों 3:10

इस वजह कने मैं तिस जमाने रे मणूआं कने नराज थिया, किजोकी ए कदी मेरे हुकमां जो नी मनदे, ते से गल्लां मनणे का मना करी दित्ता जे करणे रा मैं इन्हा जो हुकम दित्तेया थिया।

इब्रानियों 3:17

चाली साल्लां तांइ परमेश्वर कुन्हा लोक्कां कने गुस्सा रे? से ओ मणू थिये जिन्हा बियाबान बिच परमेश्वर रे खिलाफ पाप कित्तेया ते मरी गे।