इफिसियों 4:3 - चम्बयाली नौआ नियम

³ ते पवित्रात्मा रे पास्से का मिल्ले री सांती जो बणाई रखणे तांइ अप्पु-मिते मिली-जुली करी रेयो।

इफिसियों 4:3 ပူးပေါင်းရင်းမြစ်များ

मरकुस 3:24

पर जे अगर कुसकी राज रे लोक्कां बिच फूट पेई जाओ, तां से राज किय्यां टिकी सकदा?

यूहन्ना 13:34

मैं तुसा जो इक्क नौआ हुकम दिंदा कि इक्क दूए कने प्यार रख्खो, जिय्यां मैं तुसा कने प्यार करदा, तिय्यां तुसा भी इक्क दूये कने दाह-पीड़ रख्खो।

1 कुरुन्थियों 1:10

अवे ओ मेरे संगी विश्वासियों, मैं असा रे प्रभु यीशु मसीह रे हक कने तुसा जो इय्यां करणे तांइ जोर पांदा कि तुसा सारे जणे इक्क ही गल्ल पर राज़ी होया करो, ते तुसा लोक्कां बिच कोई फूट ना हो ते मैं जोर पाई करी बोलदा कि इक्क मकसद ते इक्क ही तरिक्के सोच विचार रख्खी करी अप्पु-मिते सांती बणाई रख्खो।

2 कुरुन्थियों 13:11

ओ मेरे संगी विश्वासियों, खुस रेयो; ते मसीह बिच विश्वास करणे बिच सिद्व बणदे जाओ; अप्पु-मिते इक्क मन बणी करी रेयो, ते प्यार ते सांती दैणे वाले परमेश्वर तुसा कने रैह्णा।

इफिसियों 4:13

असा सारेयां रा मकसद ए है कि असी विश्वास करणे रे जरिये इक्क बणी जाण ते परमेश्वर रे पुत्तर कने रिस्ता होणे री वजह कने असी पके रे विश्वासी बणी जाण, ते पूरे तरिक्के मसीह यीशु सांई बणी जाण, जे बिल्कुल सिद्व हिन।

इफिसियों 4:4

असी इक्क ही सरीर रे हिस्से हिन, ते असा जो इक्क ही पवित्रात्मा भी मिल्ले रा है, से आस भी इक्क ही है जिस बिच तुसा जो परमेश्वर रे मणू बणने तांइ चुणेया गेया थिया।

1 थिस्सलुनीकियों 5:13

जे कम्म से मणू तुसा तांइ करदे तिन्हा कम्मां री वजह कने तिन्हेरी इज्जत ते तिन्हा कने प्यार करो। अप्पु-मिते इक्क-दूए कने खरा बर्ताव करेया करो।

इब्रानियों 12:14

सारेयां कने मेल जोल रख्खो, ते पवित्र जिन्दगी बिताणे री कोसीस करो, किजोकी तिसेरे बगैर कुसकी ने कदी भी परमेश्वर जो नी दिखणा।