इफिसियों 4:29 - चम्बयाली नौआ नियम

²⁹ कोई गंदी गल्ल तुसा रे मुँह का ना निकले पर जे भी तुसा बोल्लो से गल्ल ठीक ते दूज्जेयां तांइ मददगार हो ताकि सुनणे वालेयां जो सुणी करी होंसला मिल्ले।

इफिसियों 4:29 ပူးပေါင်းရင်းမြစ်များ

मत्ती 5:16

इय्यां ही तुसा री लौ मणूआं रे सामणे चमकणा चाएदी कि से तुसा रे भले कम्मां जो दिख्खी करी तुसा रे प्यो री, जे स्वर्ग अन्दर हिन, बड़ाई करण।”

लूका 4:22

जितणे भी मणू तित्ते थिये, तिन्हा सबणी ने तिन्हेरी बड़ाई कित्ती, ते यीशु रे मुँह का मणूआं री भलाई तांइ निकलेरी गल्लां सुणी करी, तित्ते आये रे सब मणू हैरान होई गे ते अप्पु-मिते बोलणा लगे, कै ए यूसुफ रा पुत्तर नी है?

यूहन्ना 1:37

तां से दोई चेल्‍ले तिसका एह़ सुणी करी यीशु रे पीछे चली पे

रोमियों 14:19

इधेरे तांइ असा जो तिन्हा गल्लां जो करणे बिच लग्गी रैह्णा चाएदा, जिन्हा कने मणू मिली जुली करी रे, ते सारेयां रा विश्वास मजबूत हो।

रोमियों 15:2

असा जो अपणे संगी विश्वासियां रे भले तांइ सोचणा चाएदा। ते से चीजां करणी चाएदी जिस कने से मणू खुस हुंदे, ते दुज्जेया री मदद करणी चाएदी, ताकि तिन्हेरा विश्वास मजबूत हो।

1 कुरुन्थियों 14:19

पर कलीसिया बिच बखरी-बखरी भाषां री दस हजार गल्लां बोलणे का जादा खरा ता मेरे तांइ ए है कि सारेयां जो सखाणे तांइ समजदारी री पांज्ज ही गल्लां बोल्लां।

इफिसियों 4:12

तिन्हा ने ए दान इधेरे तांइ दित्ते ताकि से परमेश्वर रे लोक्कां जो तिन्हेरे तांइ कम्म करणे तांइ तैयार करी सकण, ते से मसीह रे सरीर रे रुप बिच पूरी तरह कने पकी जाण ते ताकतवर बणी सकण।

इफिसियों 4:16

असी सारे जणे जे मसीह यीशु बिच विश्वास करदे, तिन्हेरे सरीर रे हिस्से सांई हिन। जिय्यां कुसकी मणू रा सरीर जोड़ां री वजह इक्क गठ्ठ होई करी रैह्न्दा, ते जां सरीर रा हर इक्क हिस्सा सही तरिक्के कने कम्म करदा, तां सरीर बदधा ते मजबूत बणदा जांदा, तिय्यां ही जां असा बिच का हर इक्क जणा सही तरिक्के कने से कम्म करदा जे मसीह ने असा जो दित्ते रा है, तां असा ने भी ताकतवर, परिपक्व होणा ते इक्क-दूए कने प्यार करणा।

कुलुस्सियों 4:6

तुसा री गल्ल-बात सोह्णि ते आकर्षित हो, ताकि तुसा मसीह बिच अपणे विश्वास रे बारे बिच हर मणू जो जवाब देई सको।

1 थिस्सलुनीकियों 5:11

इधेरे तांइ इक्क-दूज्जे जो उत्साहित करो ते परमेश्वर बिच विश्वास करणे बिच बधणे तांइ मदद करो, जदेया कि तुसा करदे भी।

1 पतरस 2:12

तुसा रे नेड़े-तेड़े रैह्णे वाले मणू जे परमेश्वर बिच विश्वास नी करदे इय्यां जरुर बोलगे कि तुसा गलत कम्म करेया करदे हिन। पर तुसा इक्क इदेइ जिन्दगी जियो ताकि से मणू तुसा रे भलाई रे कम्मां जो दिख्खी सकण ते मसीह यीशु रे हटणे रे दिन पर परमेश्वर री महिमा करण।

1 पतरस 3:1

ओ लाड़ियों, तुसा भी अपणे लाड़ेयां रे अधीन रेयो, किजोकी जे अगर तिन्हा बिच का कोई भी सुब बसेख जो मनणे का इन्कार करी दे, तां तिन्हा ने तुसा रे सुच्चे ते भक्ति कने भरपूर रैह्ण-सैह्‍ण जो दिख्खी करी तुसा रे बोल्ले बगैर ही मसीह बिच विश्वास करी लैणा।

2 पतरस 2:18

जां से लोक्कां जो सिखाणा लगदे, तां से बेकार ते घमंड कने भरपूर शब्दां रा इस्तेमाल करदे। से लोक्कां जो ए सिखांदे कि से अपणे सरीर री बेशर्मी भरी इच्छां जो पूरा करी सकदे। ते से लोक्कां जो पाप री से ही चीजां करणे बिच दुबारा भटकाई दिंदे जिस जो करणा तिन्हा ने हाल ही बिच छड्डे रा हुंदा।