इफिसियों 4:28 - चम्बयाली नौआ नियम

²⁸ चोरी करणे वाला फिरी चोरी ना करो, पर नेक कम्म करणे तांइ मैहनत करेया करे, ताकि जिस जो जरुरत हो तिसेरी मदद करी सके।

इफिसियों 4:28 ပူးပေါင်းရင်းမြစ်များ

लूका 19:8

जां यीशु ते तिन्हेरे चेल्‍ले तिसेरे घरे रोट्टी खाया करदे थिये तां जक्कई खड़े होई गेया अते यीशु जो बोलणा लग्गेया, ओ प्रभु जी, मैं अपणी धन-दौलत रा अद्दा हिस्सा गरीबां बिच्च बन्डी दैणी अते प्रभु जी मैं जिन्हा मणूआं जो ठग्गी करी तिन्हा का जरुरत का जादा लित्ते दा है तिन्हा जो मैं चार गुणा मोड़ी दिह्गां।

लूका 3:8

तुसा जो अपणे कम्मां का ए जताणा पैणा कि तुसा अपणे सच्ची पाप्पां का तौबा करी लित्ते री है, अते तुसा अपणे मना बिच ए मत सोच्चो अब्राहम असा रा प्यो है, मैं तुसा जो बोल्दा, परमेश्वर तां इन्हा बट्टेयां का अब्राहम तांइ बच्चे पैदा करी सकदा।

यूहन्ना 12:6

तिनिये ए गल्ल इस तांइ नी बोल्ली कि तिसजो गरीबां री चिन्ता थी, पर इस तांइ किजोकी ओ चोर थिया, ते उन्हेरी पैसे री थैल्ली हमेसा तिसका रैहंदी थी, ते जे किच्‍छ भी उस बिच पाया जादां थिया, ओ कड्डी लिदां थिया।

यूहन्ना 13:29

यहूदा का इक्क थैली हुंदी थी, इधेरे तांइ कुसकी-कुसकी ने ए समजेया कि यीशु तिसजो बोल्लेया करदे हिन कि जे किच्‍छ असा जो त्योहर तांइ चाएदा से खरीदी लै, या ए कि कंगाला जो किच्‍छ दे

रोमियों 12:13

पवित्र मणूआं तांइ जे किच्‍छ भी जरुरी हो, तिस अन्दर तिन्हेरी मदद करो। अजनबी लोक्कां रीखातिर दारी करणे बिच लग्गी रेयो।

1 कुरुन्थियों 4:12

अपणे हत्थां कने मैहनत-मजदूरी करदे हिन, जां मणू असा जो बुरा-भला बोलदे तां असी तिन्हा जो आशीष दिंदे, से असा जो तंग करदे अते असी तिन्हा जो सहन करदे।

2 कुरुन्थियों 8:12

किजोकी जे अगर तुसा अपणे पूरे मन कने दान दिंदे, तां से मंज़ूर भी हुंदा। ते जे किच्‍छ भी तुसा का है, तिसेरे हिसाब कने दान करो, ना कि जे तुसा का नी है।

2 कुरुन्थियों 8:2

जां से बड़ी मुसीबतां बिच थिये, तां भी तिन्हा ने अपणे गरीब होणे रे बावजूद भी बड़ी खुसी कने दूज्जे विश्वासियां री मदद करणे तांइ बड़ी उदारता कने दान दित्ता।

गलातियों 6:10

इधेरे तांइ जित्ते तक भी मौक्का मिल्लो असा जो सारे लोक्कां कने भलाई करणा चाएदी, खास कर संगी विश्वासियां कने।

1 तीमुथियुस 6:18

तिन्हा जो बड़े जादा ठीक काम्म, ते दयालू ते इक्क-दूए री जरुरत रे हिसाब कने बडंणा सिखाओ।

तीतुस 3:14

सिर्फ इन्ना ही नी पर तुसा जो विश्वासियां जो ए सिखाणे री जरुरत है कि से ठीक कम्म करणे तांइ मैहनत करणे बिच ध्यान लाण ताकि जरुरतमंद लोक्कां री जरुरतां जो पूरा करी सकण। इस कने विश्वासी लोक्कां जो इक्क ठीक मकसद कने जीणे बिच मदद मिलणी।

तीतुस 3:8

जे गल्लां मैं तुसा जो इस चीठ्ठी बिच बोल्ली री हिन से सारी भरोस्सेमंद हिन। ते मैं ए चाह्‍ंदा कि तुसा मणू इन्हा गल्लां रे बारे बिच डटी करी विश्वासी लोक्कां जो सिखाओ। ते से मणू भलाई रे कम्म करणे बिच अपणा ध्यान लाई रखण। ए शिक्षा हर इक्क जणे तांइ बदिया ते बड़ी मददगार हिन।