इफिसियों 4:24 - चम्बयाली नौआ नियम

²⁴ ते जिय्यां परमेश्वर ने तुसा जो नौआ स्वभाव ते जीणे रा नौआ तरिक्का दस्से रा है जे तिन्हेरे अपणे स्वभाव जदेया ही है। इधेरे तांइ तिस्सी स्वभाव ते तरिक्के कने जिन्दगी बिताओ ते हकीकत बिच पवित्र ते धार्मिक बणो।

इफिसियों 4:24 ပူးပေါင်းရင်းမြစ်များ

लूका 1:75

अते सारी उमर-भर, ते हर रोज, परमेश्वर रे अग्गे पवित्र अते धार्मिक बणी करी रेई सकण,

यूहन्ना 17:17

तुसा रा वचन सच्चा है, सच्चाई बिच तिन्हा जो पवित्र करो।

रोमियों 12:2

इस दुनिया रे लोक्कां सांई मत बणो, पर तुसा रे मन रे बदली जाणे री वजह कने तुसा रा चाल-चलन भी बदलदा रे, जिस कने तुसा परमेश्वर री भली, ते ठीक लगणे वाली, ते सिद्ध इच्छा जो तजुरबे कने जाणदे रेयो।

रोमियों 13:12

असा रा इस बुरी दुनिया बिच रैह्णे रा समय तिय्यां ही मुकणे वाला है जिय्यां कि रात मुकणे वाली हुंदी। मसीह यीशु रे हटणे रे समय बड़ा नेड़े है। इधेरे तांइ असा जो न्याहरे रे कम्मां जदेय तिन्हा बुरे कम्म करणा छड्डी दैणे चाएदे, जे कम्म इस दुनिया रे मणू करदे, ते असा जो रौसनी रे ठीक कम्मां जदेय हथियार बन्नी लैणे चाएदे।

रोमियों 13:14

बल्कि प्रभु यीशु मसीह जो इक्क कवच सांई पाई लेयो, ते अपणी पाप रे स्वभाव कने जिन्दगी मत जियो।

रोमियों 6:4

जां असा ने बपतिस्मा लित्तेया, तां ए इदेया थिया कि जिय्यां असी मसीह यीशु कने मरी गे, ते तिन्हा कने दब्बी दित्ते गे, ते जिय्यां पिता परमेश्वर री अनौखी महिमा ने मसीह यीशु जो जिन्दा कित्ता, तिय्यां ही असी भी तिन्हेरे सांई नौई जिन्दगी जीण।

रोमियों 7:6

पर अवे असी कानूनां रे काबू बिच नी हिन जिस ने असा जो कैदियां सांई रख्खे रा थिया, किजोकी असी तिस तांइ मरी गेरे हिन। अवे असी परमेश्वर री सेवा कानूनां जो मनणे रे पुराणे तरिक्के कने नी, पर पवित्रात्मा बिच जीणे कने करी सकदे।

रोमियों 8:29

किजोकी परमेश्वर अपणे लोक्कां जो पैल्ले का जाणदे, ते परमेश्वर ने तिन्हा लोक्कां जो अपणे पुत्र सांई बणने तांइ चुणे रा है, ताकि मसीह यीशु परमेश्वर रे बाकि मती औलाद्दां बिच तिन्हेरे जेठे पुत्तर ठैहरे।

1 कुरुन्थियों 15:53

किजोकी जरुरी है कि असा रे नाशवान सरीर जे अविनाशी सरीर रे रुप बिच बदली जाण जे ना कदी मुकदे ते ना ही सड़दे।

2 कुरुन्थियों 3:18

असी सारे प्रभु री महिमा जो अपणे उघाड़े रे चेहरे कने इक्क सीसा सांई प्रकाशित करदे। असा जो अपणे सांई बणाणे तांइ तिस चमकदार महिमा बिच जादा का जादा बदलेया करदे हिन। ते ए महिमा परमेश्वर रे पास्से का है, जे पवित्रात्मा रे रुप बिच असा का है।

2 कुरुन्थियों 4:16

इधेरे तांइ असी हिम्मत नी हारदे, हालांकि असा रा सरीर मुकेया करदा है पर असा अंदर असा री आत्‍मा हर रोज नौई हुंदी जांदी।

2 कुरुन्थियों 5:17

इस तांइ जे कोई मसीह यीशु बिच विश्वास रखदा तां से नौई रचना है: पुराणी जिन्दगी बीती गे री है, अवे नौई जिन्दगी री सुरुआत होए री है।

गलातियों 6:15

किजोकी खतना होणे या ना होणे कने परमेश्वर जो कोई फरक नी पैंदा, पर इक्क नौई रचना बणी जाणा जरुरी है।

इफिसियों 2:10

किजोकी परमेश्वर ने असा जो बणाए रा है ते मसीह यीशु रे जरिये तिन्हा नौए मणू सांई तिन्हा भले कम्मां जो करणे तांइ बणाए गेरे हिन जिन्हा जो परमेश्वर ने इधेरे तांइ तैयार कित्ता कि असी से पूरे करण।

इफिसियों 6:11

असी मणूआं रे खिलाफ नी लड़ेया करदे हिन। असी न्याहरे रे अधिकारी, अधिपति, शासक ते आत्मिक दुनिया री ताकतां रे खिलाफ लड़ेया करदे हिन। इधेरे तांइ परमेश्वर रे दित्ते री झीलम पाई लेयो ताकि जां से बुरा दिन आए तां तुसा अप्पु जो शैतान री चलाकियां का बचाई सको। ते जां ए लड़ाई मुकी जाओ, तां भी तुसा मजबूती कने खड़ी रेयो।

तीतुस 2:14

जिन्हा ने असा जो पाप री ताकत का छुटकारा दैणे तांइ अप्पु जो कुर्बान करी दित्ता ते असा जो धार्मिक ठैहराया ताकि असी तिन्हेरे अपणे खास मणू बणी जाण जिन्हा बिच ठीक कम्म करणे री बड़ी वरी इच्छा है।

इब्रानियों 1:8

पर परमेश्वर रे पुत्तर रे बारे बिच ए लिख्खे रा गेया है, “ओ परमेश्वर, तेरा राज हमेसा-हमेसा तांइ रैह्णा, अते तुसा ने धार्मिकता कने राज करणा,

इब्रानियों 12:14

सारेयां कने मेल जोल रख्खो, ते पवित्र जिन्दगी बिताणे री कोसीस करो, किजोकी तिसेरे बगैर कुसकी ने कदी भी परमेश्वर जो नी दिखणा।

1 पतरस 2:2

जिय्यां कि नौए जम्मे रे बच्चे अपणी मां रे दूद्द जो तोपदे, जे कि इक्कदम खरा हुंदा, तिय्यां ही तुसा जो भी परमेश्वर रे वचन जो सिखणी री चाह्‍त रखणा चाएदी ताकि तुसा आत्मिक तौर पर परिपक्व होई जाओ। तां फिरी आखिर बिच, परमेश्वर ने तुसा जो इस दुनिया री बुरी चीजां का बचाणा।

2 पतरस 1:4

ते तिन्हेरी महिमा ते भलाई री वजह कने तिन्हा ने असा कने बड़ा महान ते कीमती वादा कित्ते रा है। इन्हा वरदान्नां जो इस्तेमाल करी के असी सरीर री बुरी इच्छां का बची सकदे जिसेरी वजह कने दुनिया रे मणू बर्बाद होई जांदे। ते इन्हा रे जरिये मणू परमेश्वर रे स्वभाव बिच हिस्सेदार बनण।