इफिसियों 4:2 - चम्बयाली नौआ नियम

² मतलब कि सारी दीनता ते निम्तेपन कने, ते सबर रख्खी करी प्यार कने इक्क-दूज्जे री सहन करी लेयो।

इफिसियों 4:2 ပူးပေါင်းရင်းမြစ်များ

मत्ती 11:29

मेरा जुंगल अपणे उप्पर लेई लेयो, अते मेरे का सिख्खो किजोकी मैं सांत अते मन का दीन है: अते तुसा जो अपणी आत्‍मा बिच अराम मिलणा।

मरकुस 9:19

ए सुणी करी यीशु ने चेल्‍लेयां जो जवाब देई करी बोल्लेया, “ओ अविश्वासी लोक्कों, मैं कधाड़ी तांइ तुसा रे कने रैह्णा? कधाड़ी तांइ तुसा जो सहन करणा? तिस दुष्टात्मा वाले मुंडे जो मेरे का लेई आओ।”

प्रेरितां रे कम्म 20:19

मतलब कि बड़े निम्मते होई करी, ते रोई-रोई करी, ते तिन्हा परिक्षां बिच का जे यहूदियां री चलाकी री वजह कने मेरे पर आई पेई, मैं प्रभु जी री सेवा करदा ही रेया

रोमियों 15:1

असी जाणदे कि इन्हा गल्लां कने कोई फर्क नी पैंदा, इधेरे तांइ असी जे विश्वास बिच मजबूत हिन, कमजोरां मणूआं री मदद करण, ना कि अपणे आप जो खुस करण।

1 कुरुन्थियों 13:7

से हर गल्ल जो सैह्‍ण करी लिंदे, प्यार करणे वाले मणू परमेश्वर बिच विश्वास नी छडदे, प्यार परमेश्वर बिच असा री आस जो बणाई रखदा, ते मुस्किल ते तकलिफां रे दौर बिच से सबर कने रैहन्दा।

गलातियों 6:2

तुसा मुसीबत बिच इक्क-दूए री मदद करेया करो ते इसी तरिक्के कने तुसा मसीह रे हुकमां जो पूरा करो।

इफिसियों 1:4

दुनिया रे बणाए जाणे का पैल्ले ही परमेश्वर ने मसीह कने असा रा रिस्ता बणाणे रे जरिये चुणेया ताकि असी परमेश्वर रे सामणे पवित्र ते बेकसूर ठैहरे।

कुलुस्सियों 1:11

मैं प्रार्थना करदा कि परमेश्वर री महिमा री ताकत रे मुताबक, हर किस्मे री ताकत कने मजबूत हुन्दे जाओ, ताकि तुसा बड़े सबर कने ते खुसी-खुसी अपणी हर मुसीबत जो सहन करी लेयो।

1 तीमुथियुस 6:11

पर ओ तीमुथियुस, तू परमेश्वर री सेवा करणे वाला मणू है, तेरे जो जाणी करी इदेइ चीजां का टलणा चाएदा। हमेसा धार्मिकता, भक्ति ते विश्वास रे कम्म करणे री कोसीस करो। इक्क इदेइ जिन्दगी जियो जिस कने परमेश्वर जो आदरमान मिल्ले। मसीह रा आदरमान करो, सारे लोक्कां कने प्यार रख्खो, मुस्किल हालात्तां बिच हार मत मन्नों, लोक्कां कने नरमदिल होई करी रेयो।

2 तीमुथियुस 2:25

ते तिसजो तिन्हा लोक्कां जो बड़ी नरमदिली कने समझाणा चाएदा जे तिसेरे खिलाफ हिन, मुमकिन है कि परमेश्वर तिन्हा जो अपणा मन बदलणे बिच मदद करे ताकि से मणू भी मसीह री सच्चाई जो जाणे।

याकूब 1:21

इधेरे तांइ सारी गन्दगी ते नफरत जो छड्डी करी परमेश्वर रे वचन जो निमते मन कने अपणाई लेयो जे दिल बिच बोया गे रा है ते जे तुसा जो छुटकारा देई सकदा।

1 पतरस 3:15

पर मसीह तांइ अपणे मन बिच आदरमान रख्खो, ते प्रभु रे तौर पर तिन्हेरी इज्जत करो। जे अगर कोई मणू तुसा का तिस आस रे बारे बिच किच्‍छ पुच्छे जे असा सारे जणेया बिच है, तां तिसजो नरमी ते इज्जत कने जवाब दैणे तांइ हमेसा तैयार रेयो।

1 पतरस 3:8

आखिरकार मैं तुसा सारेयां जो ए बोलणा चाह्‍ंदा कि तुसा सारे जणे इक्क-मन होई करी रेयो। इक्क दूए कने हमदर्दी रख्खो। इक्क-दूए जो अपणे परिवार रे मणूआं सांई प्यार करो, इक्क-दूए तांइ दयालू बणो ते सारेयां कने नरम बणो।