इफिसियों 4:18 - चम्बयाली नौआ नियम

¹⁸ किजोकी तिन्हेरी समझ पर न्याहरा छाई गे रा है, ते से मणू अपणी अज्ञानता ते ढिटपणे री वजह कने तिस जिन्दगी का दुर हिन जे परमेश्वर दिंदे।

इफिसियों 4:18 ပူးပေါင်းရင်းမြစ်များ

मत्ती 13:15

किजोकी इन्हेरे मन मोट्टे होई गेरे हिन, अते ए कन्ना का उच्चा सूणदे हिन, ते इन्हा ने अपणी आख्खियां बांद्द करी रख्खे री हिन ताकि से दिख्खी ना पांन, ते कन्ना का किच्‍छ भी सुणी ना पांन, ते दिल्ल का समजन, अते मेरे पास्से आई जांन, ते मैं तिन्हा जो खरा करां।

मरकुस 3:5

यीशु ने तिन्हेरे मन री सख्ती का उदास होई करी, तिन्हा जो गुस्से कने चारो पास्से दिख्खेया, ते तिस मणू जो बोल्लेया, “अपणा हत्थ बधा।” ते तिनिये बधाया, ते उसेरा हत्थ खरा होई गेया।

यूहन्ना 12:40

“उन्नये उन्हेरी हाख्खी अन्नि ते, उन्हेरा मन कठोर करी दित्तेया रा है, कुते इय्यां ना हो कि ओ हाख्खी कने दिख्ण, ते मन कने समजन, ते फिरण, ते मैं उन्हेरे जो ठीक करां।”

प्रेरितां रे कम्म 17:30

इधेरे तांइ परमेश्वर लोक्कां री अज्ञानता रे बेल्ले बिच आनाकानी करी के, अवे हर जगाह् सब मणूआं जो अपणे पाप्पां का तौबा करी लैणे रा हुकम दिंदे हिन।

प्रेरितां रे कम्म 3:17

अवे ओ भाईयों, मैं जाणदा कि ए कम्म तुसा नासमझी बिच कित्ता, ते तिय्यां ही तुसा रे सरदारां ने भी कित्तेया,

रोमियों 1:28

जां तिन्हा ने सोच्चेया कि परमेश्वर जो जाणना तिन्हा तांइ बेवकूफी री गल्ल है, तां परमेश्वर ने भी तिन्हा जो गलत कम्म करणे तांइ तिन्हेरे निकम्मे मन पर छड्डी दित्तेया।

रोमियों 11:25

ओ संगी विश्वासियों, मैं चाह्‍ंदा कि तुसा इस भेद री गल्ल जो समजी जाओ ताकि तुसा जो अप्पु पर घमंड ना हो। इस्राएल रे किच्‍छ लोक्कां ने तां तांइ इदेया ही सख्त रैह्णा जां तांइ गैर यहूदी मणू पूरी तरिक्के कने मसीह बिच विश्वास नी करी लिंदे।

रोमियों 11:7

इधेरे तांइ इसेरा नतीज्जा ए होया, हालांकि इस्राएल रे मणू परमेश्वर रे सामणे धार्मिक ठैहरणा चाह्‍ंदे थिये, पर से कामयाब नी होए। पर परमेश्वर ने अपणे चुणे रे लोक्कां जो अपणी नजर बिच धार्मिक ठैहराया। दूए मणू जिद्दी बणी गे ते तिन्हा ने परमेश्वर री गल्ल मनणी नी चाई।

रोमियों 2:19

ते तिज्जो अपणे पर ए होंसला हो, कि तू तिन्हा लोक्कां जो परमेश्वर रा रस्ता दिखांदा, जे अन्नेयां सांई परमेश्वर रे रस्ते का भटकी गेरे हिन, ते तू न्याहरे बिच पेरे लोक्कां तांइ रौसनी सांई है।

1 कुरुन्थियों 1:21

जां परमेश्वर ने अपणे ज्ञान कने ए समजी लेया कि दुनिया ने तिन्हा जो कदी अपणी इन्सानी समझ कने नी दिख्खी सकणा, तां तिन्हा ने असा रे सुब बसेख रे प्रचार जो इस्तेमाल कित्तेया ताकि विश्वास करणे वाले मणूआं जो बचाए जिस जो कई मणू बेवकूफी समजदे।

1 कुरुन्थियों 2:8

परमेश्वर री योजना रे तिस ज्ञान जो इस जुग रे प्रधान लोक्कां बिच का कुसकी ने भी नी समजेया थिया। जे अगर से समजी गेरे हुंदे तां महिमा रे प्रभु मसीह यीशु जो सुली पर नी चढ़ांदे।

2 कुरुन्थियों 3:14

तिन्हेरी समझ मंद होई गे री है, किजोकी अज्ज तांइ जां से तिस मूसा रे कानून जो पढ़दे, तां से ही परदा तिन्हेरी समझ पर पेई रैहन्दा, पर से परदा वस मसीह यीशु पर विश्वास करणे रे जरिए ही हटदा।

2 कुरुन्थियों 4:4

शैतान, जे इस दुनिया रे लोक्कां रा शासक है, तिनिये मसीह यीशु बिच विश्वास ना करणे वाले लोक्कां री समझ जो मंद करी रख्खे रा है, ताकि से मणू सुब बसेख री महिमामय रौसनी जो नी दिख्खी सके। से मणू मसीह यीशु रे इस महिमा रे बसेख जो नी समजदे जे परमेश्वर रे प्रतीरुप हिन।

गलातियों 4:8

पैल्ले जां असी परमेश्वर जो नी जाणदे थिये तां तुसा तिन्हा जो ईश्वर मन्नी करी चलेया करदे थिये जे हकीकत बिच ईश्वर हिन ही नी।

इफिसियों 2:1

पैल्ले-पैल्ले तुसा बिच परमेश्वर रे पास्से का कोई नौई जिन्दगी नी थी, किजोकी तुसा अपणे पाप ते गलत कम्मां री वजह कने मरे रे मणूआं सांई थिये।

इफिसियों 2:12

तिस बेल्ले तुसा मसीह रे बारे बिच नी जाणदे थिये ते तुसा परमेश्वर रे चुणे रे मणूआं बिच का नी थिये ते तुसा परमेश्वर री तिन्हेरे लोक्कां कने कित्ते रे वादे रे हिस्सेदार भी नी थिये। तुसा इस दुनिया बिच परमेश्वर का दुर बगैर कुसकी आस रे जिया करदे थिये।

कुलुस्सियों 1:21

तुसा मणू पैल्ले परमेश्वर रे खिलाफ थिये, ते तुसा अपणे बुरे कम्मां ते गलत कम्मां री वजह कने तिन्हा का दुर होई गे थिये।

1 थिस्सलुनीकियों 4:5

ते तुसा अन्यजाती लोक्कां सांई वासना बिच पेई करी जिन्दगी मत जियो जे परमेश्वर जो नी जाणदे।

इब्रानियों 5:2

इन्सान होणे रे नात्ते से भी अपणी हर कमजोरी रे अधीन है, इधेरे तांइ से अज्ञानी ते भटके रे लोक्कां कने बड़ा नरम बर्ताव करदा।

इब्रानियों 9:7

ते दूए कमरे बिच जे सबका जादा पवित्र जगाह् है, प्रधान पुरोत्त तित्ते साल बिच सिर्फ इक्क ही वरी जादां थिया, ते बगैर कुर्बानी रे जानवर खून जो नी जादां थिया। ते तिस खून जो से अपणे तांइ ते लोक्कां री पाप्पां तांइ चढांदा थिया।

याकूब 4:4

ओ बेईमान लोक्कों, तुसा जाणदे कि दुनिया री चीजां कने प्यार रखणा परमेश्वर कने नफरत करणा है। अते जे दुनिया रा दोस्त होणा चाह्‍ंदा, से अपणे आप जो परमेश्वर रा दुश्मण बणादां

1 पतरस 1:14

परमेश्वर रे हुकमां जो इस तरिक्के कने मन्नेया करो जिय्यां अच्छे बच्चे अपणे प्यो रे हुकमां जो मनदे। तिन्हा बुराई रे कम्मां जो करणे री चाह्‍त मत रख्खो जे तुसा तिस बेल्ले करणा चाह्‍ंदे थिये जां तुसा परमेश्वर जो नी जाणदे थिये।

1 यूहन्ना 2:11

पर जे कोई अपणे संगी विश्वासी कने बैर रखदा से मणू बुराई बिच जिन्दगी जिया करदा है, ते न्याहरे बिच है, ते नी जाणदा कि कुते जाया करदा है, किजोकी बुराई ने तिसेरी हाख्खियां बांद्द करी रख्खी री हिन।