इफिसियों 4:16 - चम्बयाली नौआ नियम

¹⁶ असी सारे जणे जे मसीह यीशु बिच विश्वास करदे, तिन्हेरे सरीर रे हिस्से सांई हिन। जिय्यां कुसकी मणू रा सरीर जोड़ां री वजह इक्क गठ्ठ होई करी रैह्न्दा, ते जां सरीर रा हर इक्क हिस्सा सही तरिक्के कने कम्म करदा, तां सरीर बदधा ते मजबूत बणदा जांदा, तिय्यां ही जां असा बिच का हर इक्क जणा सही तरिक्के कने से कम्म करदा जे मसीह ने असा जो दित्ते रा है, तां असा ने भी ताकतवर, परिपक्व होणा ते इक्क-दूए कने प्यार करणा।

इफिसियों 4:16 ပူးပေါင်းရင်းမြစ်များ

यूहन्ना 15:5

मैं अंगूर री बेल है, तुसा डाली हिन जे मेरे कने जुड़ी रैहन्दा अते मैं तिस कने, से बड़ा फलदा, किजोकी मेरे का बखरे होई करी तुसा किच्‍छ नी करी सकदे

रोमियों 12:4

किजोकी जिय्यां असा रे इक्क जिस्म रे मते सारे अंग हिन, ते तिन्हा सबणी अगां रा इक्क जदेया कम्म नी हुंदा,

1 कुरुन्थियों 10:17

इधेरे तांइ जां इक्क ही रोट्टी है जे मसीह हिन, तां असी भी जे मते हिन असी इक्क सरीर बणी जांदे किजोकी असी सब जणे तिस्सी इक्क रोट्टी बिच शामिल हुंदे।

1 कुरुन्थियों 13:13

पर अवे ए त्रै तरिक्के री चीजां हिन जे असा जो करणा चाएदी। परमेश्वर बिच विश्वास रखणा, परमेश्वर रे वादेयां री आस रखणा ते सारेयां जो प्यार करणा। पर इन्हा त्रैन्नी चीजां बिच का परमेश्वर ते सारेयां जो प्यार करणा सबका जादा जरुरी है।

1 कुरुन्थियों 8:1

तुसा अपणी चीठ्ठी बिच मेरे का मूर्तां जो भेंट चढ़ाए री रोट्टी रे बारे बिच पूच्छेया थिया। असा सारे ही इस मामले रे बारे बिच थोड़ा-मता जाणदे। पर ज्ञान असा जो घमंडी बणाई दिंदा, जदकी प्यार असा जो बाकि लोक्कां तांइ मददगार बणाई दिंदा।

गलातियों 5:22

पर पवित्रात्मा का पैदा होणे वाला स्वभाव बिच प्यार, आनंद, सांती, सबर, दया, नेकी, ते विश्वास है।

गलातियों 5:6

जां असी मसीह यीशु बिच विश्वास करणा सुरु करी दिंदे तां यहूदी या गैर यहूदी होणे रा कोई फरक नी रैहन्दा। पर जरुरी गल्ल ए है कि असी मसीह बिच विश्वास करदे ते तिस वजह कने परमेश्वर ते बाकि मणू प्यार रखदे।

इफिसियों 1:4

दुनिया रे बणाए जाणे का पैल्ले ही परमेश्वर ने मसीह कने असा रा रिस्ता बणाणे रे जरिये चुणेया ताकि असी परमेश्वर रे सामणे पवित्र ते बेकसूर ठैहरे।

इफिसियों 3:17

मैं प्रार्थना करदा कि तुसा रे दिल मजबूत होई जाण ताकि जिय्यां तुसा मसीह यीशु पर विश्वास करण तिय्यां ही से तुसा रे दिल बिच बसी रैह्ण ते परमेश्वर ते बाकि लोक्कां तांइ तुसा रा प्यार तुसा जो मजबूत बणाई रख्खे।

इफिसियों 3:7

मैं परमेश्वर रे अनुग्रह रे मुफ्त दान ते ताकत री वजह कने मेरे जो सुब बसेख सुनाणे री सेवा करणे रा सौभाग्य मिल्ले रा है।

इफिसियों 4:12

तिन्हा ने ए दान इधेरे तांइ दित्ते ताकि से परमेश्वर रे लोक्कां जो तिन्हेरे तांइ कम्म करणे तांइ तैयार करी सकण, ते से मसीह रे सरीर रे रुप बिच पूरी तरह कने पकी जाण ते ताकतवर बणी सकण।

इफिसियों 4:15

प्यार कने सच बोलणे रे जरिये असा जो हर इक्क गल्ल बिच मसीह यीशु सांई बणने तांइ पकदे जाणा चाएदा, जे असा रे प्रधान हिन।

फिलिप्पियों 1:9

मैं ए प्रार्थना करदा कि इक्क दूए तांइ तुसा रा प्यार बदधा जाए, ते जिन्दगी बिच सही चीजां जो चुनणे तांइ तुसा री ज्ञान ते सही ते गलत री समझ लगातार बदधी रेयो।

कुलुस्सियों 2:19

तिन्हा ने मसीह जो छड्डी दित्ते रा है, जे सरीर रूपी कलीसिया रे सिर सांई हिन। किजोकी से ही पूरे सरीर जो अप्पु-मिते तिसेरे जोड़ ते नसां कने जोड़ी करी रखदे, ते से तिय्यां ही बदधे रैहन्दे जिय्यां परमेश्वर चाह्‍ंदे।

कुलुस्सियों 2:2

ताकि तुसा जो ते तिन्हा लोक्कां जो होंसला मिल्ले, ते से प्यार कने अप्पु बिच कठ्ठे रैह्ण। मैं चाह्‍ंदा कि तिन्हा जो इस गल्ल रा होंसला रेयो किजोकी से परमेश्वर रे हर राज़ री योजनां जो समजदे, जे मसीह यीशु ही हिन।

1 थिस्सलुनीकियों 1:3

जां असी पिता परमेश्वर का प्रार्थना करदे तां असी तुसा लोक्कां रे विश्वास रे हिसाब रे कम्मां जो, ते विश्वासी लोक्कां तांइ तुसा रे प्यार भरे कम्मां जो, ते मसीह यीशु रे हटणे री आस बिच मुसीबतां रे दौरान तुसा रे सबर रखणे जो भी याद करदे।

1 थिस्सलुनीकियों 2:13

इस तांइ असी भी परमेश्वर रा शुक्रिया लगातार करदे की जां असा रे जरिए परमेश्वर रे सुब बसेख रा वचन तुसा ने सूणेया, तां तुसा तिसजो मणूआं रा नी पर परमेश्वर रा वचन समजी करी अपणाया कि से हकीकत बिच तिन्हेरे हिन, ते ए ही सुब बसेख तुसा विश्वास करणे वालेयां लोक्कां री जिन्दगी बिच कम्म करदा।

1 थिस्सलुनीकियों 3:12

असी प्रार्थना करदे कि जिय्यां असी प्यार तुसा कने करदे तिय्यां ही मसीह यीशु तुसा जो इक्क दूए कने प्यार रखणे ते तिस बिच बधणे बिच मदद करे।

2 थिस्सलुनीकियों 1:3

ओ संगी विश्वासियों, असा जो तुसा तांइ हमेसा परमेश्वर रा शुकर करणा चाएदा। इय्यां करणा ठीक है किजोकी तुसा मसीह बिच विश्वास करणे बिच होर जादा मजबूत होया करदे हिन ते तुसा बिच आपसी प्यार भी बदेया करदा है।

1 तीमुथियुस 1:5

ए हुकम दैणे रा मकसद ए है कि तुसा साफ मन, साफ विवेक अते सच्चे विश्वास कने इक्क-दूए कने प्यार करो।

1 पतरस 1:22

सच्चाई जो मन्नी करी चलणे री वजह कने अवे तुसा सुच्चे कित्ते गे, अवे तुसा जो तन-मन लाई करी संगी विश्वासियां कने आपसी प्यार रखणा चाएदा। बड़ी चाह्‍त ते पूरे दिल कने इक्क-दूए कने प्यार रख्खो।

1 यूहन्ना 4:16

ते असी जाणदे ते विश्वास करदे कि परमेश्वर असा कने बड़ा जादा प्यार करदे। परमेश्वर प्यार है, जे प्यार बिच बणी रैह्न्दा, से परमेश्वर बिच बणी रैहन्दा, ते परमेश्वर तिस अन्दर बणी रैह्न्दा।