इफिसियों 4:11 - चम्बयाली नौआ नियम

¹¹ मसीह यीशु ने ही ए बखरे-बखरे दान दित्ते, तिन्हा ने किच्‍छ जणेया जो प्रेरित ठैहराया, ते किच्‍छ जणेया जो भविष्यद्वक्ता ठैहराया, ते थोड़े जणेया जो सुब बसेख सुनाणे वाले ठैहराया, ते किच्‍छ जणेया जो पादरी ते उपदेस दैणे वाले ठैहराया रा है।

इफिसियों 4:11 ပူးပေါင်းရင်းမြစ်များ

मत्ती 28:20

से सब हुकम जे मैं तुसा जो दित्ते हिन, उन्हा जो उन पर चलणा सिखाओ: अते याद रख्खो, कि मैं दुनिया रे अंत तक हमेसा तुसा रे कने है।

प्रेरितां रे कम्म 13:1

अन्ताकिया सहर री कलीसिया बिच किन्ने भविष्यद्वक्ता ते शिक्षक थिये, मतलब बरनबास ते शमौन जिन्हा जो कि नीगर भी बोलदे, ते लूकियुस कुरेनी, ते देस रे चौथे हिस्से रा राज्जा हेरोदेस रा सक्के भ्याल मनाहेम ते शाऊल

प्रेरितां रे कम्म 20:28

इधेरे तांइ अपणी ते अपणे सारे झुण्ड री चुकन्ने रेह्ई करी देख-रेख करो जिन्हा परमेश्वर रे लोक्कां बिच पवित्रात्मा ने तुसा जो कलीसिया रे मुखिया बणाए रा है कि तुसा परमेश्वर री कलीसिया री रखवाली करो जिस जो तिसने अपणे खून कने खरीदी लित्ते रा है।

प्रेरितां रे कम्म 21:8

दूए रोज्जे असी तित्ते चली करी कैसरिया अन्दर आये, ते फिलिप्पुस सुब बसेख सुनाणे वाले रे घरे जे सत्त बिच का इक्क थिया जाई करी तिसका रे

रोमियों 12:7

अगर कुसकी जो लोक्कां री सेवा करणे रा वरदान मिल्ले रा हो, तां सेवा करणे बिच लग्गी रेयो। जे अगर कुसकी जो शिक्षा दैणे रा वरदान हो, तां से शिक्षा दैणे बिच लग्गी रेयो।

1 कुरुन्थियों 12:4

खुबियां तां मते तरिक्के रे हिन, पर से सारे पवित्रात्मा का ही मिलदे। सेवा करणे रे भी मते तरिक्के हिन पर मणू इक्क ही प्रभु री सेवा करदे। सेवा करणे तांइ भी मते खूबी हिन पर से इक्क ही परमेश्वर हिन जे सारे जणेया जो से सारे खूबी तिन्हेरे खास कम्म जो करणे तांइ दिंदे। जे सारेयां बिच हर तरिक्के रा असर पैदा करदे।

इफिसियों 2:20

कन्ने मिली करी असी परमेश्वर रा घर हिन जे प्रेरितां ते भविष्यद्वक्तां री नीं पर बणे रा है ते तिस नीं रा पत्थर अप्पु मसीह यीशु हिन।

इफिसियों 3:5

पैल्ले समय बिच परमेश्वर ने अपणाए राज़ कुसकी पर भी ज़ाहिर नी कित्ते रा थिया, पर अवे तिन्हा ने इसजो अपणे पवित्र प्रेरितां ते भविष्यद्वक्तां पर पवित्रात्मा रे जरिये ज़ाहिर कित्ते रा है।

इफिसियों 4:8

पवित्रशास्त्र बिच मसीह रे बारे बिच ए लिख्खे रा है, “से ऊच्ची जगाह् पर चढ़ेया ते अपणे तिन्हा दुश्मणा जो लेई गेया जिन्हा जो तिसने जीत्ती लेया थिया, ते तिन्हा ने मणूआं जो दान दित्ते।”

2 तीमुथियुस 4:5

पर तू हर गल्ल बिच अप्पु पर काबू रख्खे, बड़े सबर कने सारी मुसीबतां जो सहन करी लेय। सुब बसेख रा प्रचार करणे तांइ तू कड़ी मैहनत करे, ते परमेश्वर रा सेवादार होणे रे नात्ते तू से सारे कम्म करे जिन्हा तांइ परमेश्वर ने तेरे जो चुणे रा है।

इब्रानियों 5:12

हालाकी तुसा ने काफी लम्बे समय तिकर विश्वास ता कित्ता, ते तुसा जो अब्बे तिकर ता अपणे साथियां जो सिखाणे वाले भी बणी जाणा थिया, पर फिरी भी तुसा जो परमेश्वर रे बारे बिच असान गल्लां जो सिखणे बिच भी कुसकी री जरुरत पैंदी। तुसा री हालत ता कुसकी छोटे बच्चे सांई है, जिस जो दूद्द पुआणा पैंदा, किजोकी से हल्ले रोट्टी नी चबाई सकदा।

यहूदा 1:17

ओ प्यारे दोस्तों, मसीह यीशु री तिन्हा गल्लां जो याद रख्खो जे बड़े पैल्ले तुसा जो तिन्हेरे प्रेरितां रे जरिये पैल्ले दस्सी गे थी।

प्रकाशित वाक्य 18:20

ओ स्वर्ग ते ओ परमेश्वर रे लोक्कों ते प्रेरितो ते भविष्यद्वक्ता जे तिस कने होआ, तिस पर खुस हो, किजोकी परमेश्वर ने तिसका जे किच्‍छ भी तिसने तुसा कने कित्तेया थिया, तिसेरा सही हिसाब करी के तुसा रा बदला चुकाए रा है।”

प्रकाशित वाक्य 21:14

तिन्हा ने सहर रे चारो पास्से दुआल बारा बड्डे-बड्डे बट्टेयां पर बणाए री थी। हर बट्टे पर तिस उरणू रे बारा प्रेरितां रे नां लिखित्ते रे थिये।