इफिसियों 3:6 - चम्बयाली नौआ नियम

⁶ ते से राज़ ए है कि मसीह यीशु रा सुब बसेख सुनणे ते तिन्हा कने रिस्ता बणने री वजह कने गैर यहूदी लोक्कां जो भी विरासत बिच हिस्सा मिलणा। से अवे मसीह रे सरीर रा इक्क हिस्सा बणी गेरे हिन जे कलीसिया है। ते तिन्हा सारी चीजां बिच तिन्हेरा हिस्सा भी है जिसेरा वादा परमेश्वर ने यहूदी लोक्कां कने कित्तेया थिया।

इफिसियों 3:6 ပူးပေါင်းရင်းမြစ်များ

1 कुरुन्थियों 12:12

किजोकी जिय्यां असा रे इक्क जिस्म रे मते सारे अंग हिन, तिय्यां ही असी विश्वासी मणू मिली करी मसीह यीशु रे जिस्म रा हिस्सा बणी गेरे हिन, ते असी आपस बिच इक्क-दूए कने जुड़े रे हिन।

1 कुरुन्थियों 12:27

इस तरिक्के तुसा बिच का हर इक्क मिली करी मसीह यीशु रा सरीर हिन, ते तुसा बिच का हर इक्क तिन्हेरे बखरे-बखरे अंग हिन।

गलातियों 3:14

मसीह यीशु ने ए इधेरे तांइ कित्ता ताकि गैर यहूदियां जो भी से सारी आशीषां मिल्ले जिसेरा वादा परमेश्वर ने अब्राहम कने कित्ते रा थिया। मसीह यीशु बिच विश्वास करणे रे जरिये असी पवित्रात्मा जो हासिल करण, जिसेरा वादा तिन्हा ने असा कने पैल्ले कित्तेया थिया।

गलातियों 5:24

अते जे मणू मसीह यीशु रे हिन, तिन्हा ने अपणे सरीर री बुरी इच्छां जो मसीह कने सुली पर चढ़ाई दित्ते रा है, ते से अवे अपणी सरीर री बुरी इच्छा रे काबू बिच नी हिन।

इफिसियों 3:3

जिय्यां कि मैं पैल्ले ही घट शब्दां बिच तुसा जो दस्सी चुके रा है कि परमेश्वर ने से राज़ मेरे पर ज़ाहिर कित्ते रा है।

इफिसियों 5:30

किजोकी असी मसीह रे सरीर रे अगं हिन।

इफिसियों 5:7

इस तांइ तुसा तिन्हेरे पाप्पां बिच हिस्सेदार मत बणो।

कुलुस्सियों 2:19

तिन्हा ने मसीह जो छड्डी दित्ते रा है, जे सरीर रूपी कलीसिया रे सिर सांई हिन। किजोकी से ही पूरे सरीर जो अप्पु-मिते तिसेरे जोड़ ते नसां कने जोड़ी करी रखदे, ते से तिय्यां ही बदधे रैहन्दे जिय्यां परमेश्वर चाह्‍ंदे।

1 यूहन्ना 1:3

असा ने तिसजो दिख्खेया अते सूणेया है अवे तुसा जो भी यीशु का सुब बसेख देया करदे हिन ताकि तुसा भी असा रे कने साझी होई जाओ असा रा ए सांझा परम पिता परमेश्वर अते उन्हेरे पुत्तर मसीह यीशु कने है।

1 यूहन्ना 2:25

जिसेरा वादा पिता परमेश्वर ने असा कने कित्ते रा थिया से हमेसा री जिन्दगी है।