इफिसियों 3:5 - चम्बयाली नौआ नियम

⁵ पैल्ले समय बिच परमेश्वर ने अपणाए राज़ कुसकी पर भी ज़ाहिर नी कित्ते रा थिया, पर अवे तिन्हा ने इसजो अपणे पवित्र प्रेरितां ते भविष्यद्वक्तां पर पवित्रात्मा रे जरिये ज़ाहिर कित्ते रा है।

इफिसियों 3:5 ပူးပေါင်းရင်းမြစ်များ

मत्ती 13:17

किजोकी मैं तुसा रे कने सच बोलदा कि बड़े जणे भविष्यद्वक्ता ने अते भले ते नेक मणूआं ने ए चाया कि जे तुसा दिख्खेया करदे हिन तिसजो दिखण, पर नी दिख्खी पाये, अते जे तुसा सूणेया करदे हिन, सूणन, पर नी सुणी पाये।

मत्ती 20:7

तिनिये उन्हा जो बोल्लेया, तुसा भी अंगूर रे बगीच्चे बिच जाओ ते तित्ते कम्म करो।

मत्ती 23:34

इधेरे तांइ दिख्खो, मैं तुसा का भविष्यद्वक्ता, समजदार ते शास्त्रि लोक्कां जो भेजेया करदा है, तुसा उन्हा बिच का किन्नेयां जो मारी दैणा अते किन्नेयां जो सुली पर चढ़ाई दैणा, किन्नेयां जो तुसा अपणी सभास्थल बिच कोड़े लगाणे अते इक्क सहर का दूज्जे सहर उन्हेरा पीच्छा करदे फिरणा।

लूका 10:24

किजोकी मैं तुसा जो बोल्ली दिन्दा, कि मते राज्जेयां ते भविष्यद्वक्ता ने ए सब किच्‍छ जे तुसा ने दिख्खेया-सूणेया से दिखणा-सुनणा चाह्या पर ना तां से दिख्खी सके ते ना ही सुणी सके।

लूका 11:49

इधेरे तांइ परमेश्वर रे वचन अन्दर भी बोल्ले रा है, कि मैं तिन्हा का भविष्यद्वक्ता जो ते प्रेरिता जो भेजणा ते तिन्हा ने उन्हा मणूआं बिच का किच्‍छ जो मारी दैणा ते किच्‍छ मणूआं तांइ मुसीबत खड़ी करी दैणी

यूहन्ना 14:26

पर पिता ने मेरे नां कने भेजणा इक्क मददगार जो भेजणा जे पवित्रात्मा है, तिसने तुसा जो सब गल्लां सखाणी, अते जे किच्‍छ मैं तुसा जो बोल्लेया से सब गल्लां तिन्ने तुसा जो चेत्ता कराणी।

यूहन्ना 16:13

पर जां सच्चाई री आत्‍मा ने आणा, तां तिसने तुसा जो परमेश्वर रे सच बारे बिच सिखाणा, किजोकी तिसने अपणे पास्से का किच्‍छ नी बोलणा, पर जे किच्‍छ तिसने परमेश्वर का सूणेया हो, से ही बोलणा अते होणे वाली गल्लां जो तुसा रे सामणे लियाणा।

प्रेरितां रे कम्म 10:28

तिन्हा जो बोल्लेया, तुसा जाणदे हिन, कि गैर यहूदियां कने मिल्णा-जुलणा या तिन्हेरे तित्ते जाणा असा यहूदी मणूआं तांइ तिन्हेरे विधान रे खिलाफ है, पर परमेश्वर ने मेरे जो दस्से रा है, कि कुसकी भी मणू जो अपवित्र या असुच्चा नी बोल्ले।

रोमियों 16:25

परमेश्वर जो महिमा मिल्ले जे तुसा रे विश्वास जो तिस सुब बसेख रे हिसाब कने मजबूत करी सकदे जिसेरा मैं प्रचार करदा। मसीह यीशु रे इस सुब बसेख ने तुसा गैर यहूदियां तांइ परमेश्वर री तिस योजना जो ज़ाहिर करी दित्तेया, जे सदियां का लुके री थी।

1 कुरुन्थियों 2:10

पर परमेश्वर ने तिन्हा जो पवित्रात्मा रे जरिए असा पर जाहिर कित्तेया, किजोकी पवित्रात्मा सब गल्लां जो, बल्कि परमेश्वर री गहराई री गल्लां जो भी जांचदा।

इफिसियों 2:20

कन्ने मिली करी असी परमेश्वर रा घर हिन जे प्रेरितां ते भविष्यद्वक्तां री नीं पर बणे रा है ते तिस नीं रा पत्थर अप्पु मसीह यीशु हिन।

इफिसियों 3:9

ते सारे लोक्कां जो परमेश्वर री ए राज़ री योजना समझाणे तांइ, जिस जो परमेश्वर, जे सारी दुनिया रे बणाणे वाले हिन, तिन्हा ने दुनिया री सुरुआत का लुकाई करी रख्खे रा थिया।

2 पतरस 3:2

मैं ए इधेरे तांइ करेया करदा है किजोकी मैं चाह्‍ंदा कि तुसा से गल्लां याद करो जे परमेश्वर रे भविष्यद्वक्ता ते असा जो छुटकारा दैणे वाले असा रे प्रभु मसीह यीशु ने लम्बे समय पैल्ले बोल्ली थी, जे तुसा जो प्रेरितां ने भी सिखाई थी जे तुसा का आए थिये।

यहूदा 1:17

ओ प्यारे दोस्तों, मसीह यीशु री तिन्हा गल्लां जो याद रख्खो जे बड़े पैल्ले तुसा जो तिन्हेरे प्रेरितां रे जरिये पैल्ले दस्सी गे थी।