इफिसियों 3:20 - चम्बयाली नौआ नियम

^20-21 परमेश्वर असा रे मंगणे या सोचणे का भी बधी करी बड्डे कम्म करी सकदे किजोकी तिन्हेरी ताकत असा बिच कम्म करेया करदी है। कलीसिया ते यीशु मसीह बिच परमेश्वर जो हर पीढ़ी रे जरिये महिमा मिलदी रे।

इफिसियों 3:20 ပူးပေါင်းရင်းမြစ်များ

मत्ती 3:9

अते अपणे-अपणे मनां अन्दर ए मत सोच्चो कि असा रा प्यो अब्राहम है, किजोकी मैं तुसा जो बोलदा, कि परमेश्वर इन्हा बट्टेयां बिच का भी अब्राहम तांइ औलाद पैदा करी सकदा।

यूहन्ना 10:10

चोर कुसकी होर कम्म तांइ नी पर सिर्फ चोरी करणे, ते मारणे, ते तबाह करणे तांइ आदां। मैं इस तांइ आया की ओ जिन्दगी पाण ते रज्जी करी पाण।

रोमियों 16:25

परमेश्वर जो महिमा मिल्ले जे तुसा रे विश्वास जो तिस सुब बसेख रे हिसाब कने मजबूत करी सकदे जिसेरा मैं प्रचार करदा। मसीह यीशु रे इस सुब बसेख ने तुसा गैर यहूदियां तांइ परमेश्वर री तिस योजना जो ज़ाहिर करी दित्तेया, जे सदियां का लुके री थी।

रोमियों 4:21

ते पक्का जाणी लित्ता की जिस गल्ल रा परमेश्वर ने वादा कित्ता, से तिन्हा जो पूरा करणे रे भी काबिल हिन।

1 कुरुन्थियों 2:9

पर जिय्यां की पवित्रशास्त्र बिच लिख्खे रा है, “जिन्हा गल्लां जो कुसकी ने नी दिख्खेया अते कुसकी ने नी सूणेया, अते कुसकी ने तिन्हा ठीक गल्लां जो नी समजेया जे परमेश्वर ने अपणे प्यार करणे वालेयां तांइ तैयार कित्तेया।”

2 कुरुन्थियों 9:8

ते परमेश्वर ने बड़ी उदारता कने तुसा जो हर किस्म री आशीष दे। जिस कने हर गल्ल बिच, हर बेल्ले तुसा का अपणी जरुरत री हर चीज रे, ताकि भले कम्म करणे तांइ तुसा का जरुरत का भी जादा रे।

इफिसियों 1:19

मैं चाह्‍ंदा कि तुसा तिस महान ते बड्डी ताकत रे बारे बिच जाणो जे परमेश्वर ने असा तांइ रख्खे री है जे मसीह यीशु पर विश्वास करदे।

इफिसियों 3:7

मैं परमेश्वर रे अनुग्रह रे मुफ्त दान ते ताकत री वजह कने मेरे जो सुब बसेख सुनाणे री सेवा करणे रा सौभाग्य मिल्ले रा है।

कुलुस्सियों 1:29

इधेरे तांइ मैं मसीह री ताकत पर, जे मेरे अंदर कम्म करदी, निर्भर होई करी कड़ी मैहनत करदा।

1 तीमुथियुस 1:14

परमेश्वर ने लगातार मेरे पर भरपूर अनुग्रह कित्तेया, ते तिन्हा ने मेरे जो मसीह यीशु बिच विश्वास ते प्यार दित्तेया।

इब्रानियों 11:19

किजोकी अब्राहम ने मन्नी लेया थिया, कि परमेश्वर इन्ना ताकतवर हिन कि तिसेरे मुंडे इसहाक जो मरेयां बिच का भी जिन्दा करी देण: ते इक्क तरिक्के कने तिसेरा मुंडा मुर्देयां बिच का फिरी जिन्दा होया ही थिया।

इब्रानियों 7:25

इधेरे तांइ जे मणू मसीह यीशु रे जरिए परमेश्वर का आंदे, से तिन्हा लोक्कां रा पूरा छुटकारा दिंदे, किजोकी मसीह यीशु तिन्हा लोक्कां तांइ बिचौल्ले रे तौर पर हमेसा प्रार्थना करदे रैहन्दे।

याकूब 4:12

मूसा रा कानून दैणे वाले ते तिसेरे हाकिम सिर्फ परमेश्वर ही हिन, जे बचाणे ते खतम करणे री ताकत रखदे, पर तिज्जो कुसकी पर भी इल्जाम लाणे रा कोई हक्क नी है।

2 पतरस 1:11

ते परमेश्वर ने भी तुसा जो बड़ी खुसी कने स्वर्ग लेई आणा जित्ते मसीह यीशु रैह्‍न्दे, जे असा रे प्रभु ते जे असा जो छुटकारा दिंदे, ते जिन्हा ने इक्क राज्जे रे तौर पर हमेसा-हमेसा तिकर राज करणा।

यहूदा 1:24

से ही इकलौत्ते परमेश्वर हिन जिन्हा ने असा जो मसीह यीशु रे सुली पर कुर्बानी दैणे रे जरिये कने बचाए रा है। असा रे प्रभु मसीह यीशु री वजह कने मणू परमेश्वर रा आदरमान ते महिमा करण। मणू ए समजी सकण कि दुनिया रे बणने रे पैल्ले का ही ते अज्ज रे समय तिकर परमेश्वर री ही ताकत ते हक है ते से हमेसा-हमेसा तिकर रैह्णी। आमीन!