इफिसियों 3:15 - चम्बयाली नौआ नियम

¹⁵ से ही हिन जिन्हा का स्वर्ग ते धरती रे सारे परिवारां जो पछाण मिलदी।

इफिसियों 3:15 ပူးပေါင်းရင်းမြစ်များ

प्रेरितां रे कम्म 11:26

ते जां तिन्हा कने मिल्लेया तां से तिन्हा जो अन्ताकिया सहर लेई आया, ते इय्यां होया कि पौलुस ते बरनबास इक्क साल तांइ कलीसिया कने मिलदे ते बड़े जणेया जो मसीह यीशु रा उपदेस दिंदे रे, ते चेल्लेया बिच सबका पैल्ले अन्ताकिया बिच मसीही बोल्लेया गेया।

इफिसियों 1:10

परमेश्वर री ए योजना है कि तिन्हेरे ठैहराए रे समय पर आसमान ते जमीन री सब चीजां जो मसीह यीशु रे हक बिच लेई आए।

इफिसियों 1:21

तित्ते मसीह जो हर तरिक्के री प्रधानी, हक, ताकत, प्रभुता ते सारे पद रे उप्पर बिठाया जे ना सिर्फ इस दुनिया रे बिच है पर से पद आणे वाली दुनिया रे बिच भी होणा।

इफिसियों 3:14

इन्हा सारेयां तांइ परमेश्वर पिता रे सामणे गोड्डे भारे पेई करी प्रार्थना करदा।

इफिसियों 3:16

मैं ए प्रार्थना करदा कि से तुसा जो अपणी असीमित महिमा रे जरिये तुसा जो ए दान दैण ताकि तुसा अपणे अंदरूनी मनुष्यत्व बिच ताकत पाई करी मजबूत हुंदे जाओ।

कुलुस्सियों 1:20

ते परमेश्वर ने अपणे पुत्तर जो दुनिया बिच भेज्जेया जिन्हा ने सुली पर कुर्बानी दित्ती। परमेश्वर ने ए सब किच्‍छ इधेरे तांइ कित्ता ताकि से हर इक्क चीज कने सांती बणाई करी मेल जोल करी लैण। इसी तरिक्के कने परमेश्वर ने आसमान ते धरती री हर इक्क चीज कने अपणा मेल जोल करी लित्ता।

प्रकाशित वाक्य 2:17

जे सुनणा चाए, से ध्यान कने सुणे कि पवित्रात्मा कलीसिया रे मणूआं कने कै बोलणा चाह्‍ंदा। मैं तिन्हा लोक्कां जो से लुके रा मन्ना दैणा, जिन्हा लोक्कां ने इन्हा बुराई री ताकत जो हराई दैणा। मैं तिन्हा बिच का हर इक्क जो इक्क चिट्टा बट्टा भी दैणा जिस पर इक्क नौआ नां लिख्खेया जाणा। जिस जो से बट्टा मिलणा, तिसेरे अलावा कुसकी जो भी तिस नां रा पता नी होणा।”

प्रकाशित वाक्य 3:12

जिन्हा लोक्कां ने दुष्ट पर जीत हासिल करणी, तिन्हा लोक्कां ने परमेश्वर रे मन्दिर रे खम्भे सांई होणा जिन्हेरी मैं अराधना करदा, ते तिन्हा जो से जगाह् भी छडणी नी पैणी। ए दिखाणे तांइ कि से मणू मेरे हिन मैं तिन्हा पर परमेश्वर रा नां ते परमेश्वर रे सहर यरुशलेम रा नां री छाप लाणी। तिस सहर ने परमेश्वर रे पास्से स्वर्ग का उतरणा। मैं तिन्हा पर इक्क नौए नां री छाप लाणी।