इफिसियों 3:13 - चम्बयाली नौआ नियम

¹³ इधेरे तांइ मैं तुसा का छंदे करदा कि जे किच्‍छ मैं तुसा तांइ सहन करेया करदा है, तिसेरी वजह कने तुसा हिम्मत मत हारो, किजोकी तुसा जो गर्व महसूस करणा चाएदा कि मैं तुसा तांइ ए सब चीजां सहन करणा चाह्‍ंदा।

इफिसियों 3:13 ပူးပေါင်းရင်းမြစ်များ

प्रेरितां रे कम्म 14:22

ते हर इक्क कस्बे बिच जाई करी चेल्‍ले रे मन जो मजबूत करदे रे ते ए उपदेस दिंदे थिये, कि विश्वास बिच बणे रेयो, ते ए बोलदे थिये कि असा जो बड़े दुख सहन करी के परमेश्वर रे राज बिच पुजणा है।

2 कुरुन्थियों 1:6

असी इस उम्मीद बिच जुल्म सहन करदे कि जिय्यां परमेश्वर ने असा जो तसल्ली दित्ती, तिय्यां ही तिन्हा ने तुसा जो भी तसल्ली दैणी। से तसल्ली मिलणे री वजह कने तुसा भी बड़े सबर कने तिन्हा जुल्म जो सेइ लैणा जिन्हा जो असी भी सहन करेया करदे हिन।

2 कुरुन्थियों 4:1

इधेरे तांइ जां असा रे पर इदेयी दया होई कि असा जो परमेश्वर रा बसेख सुनाणे री सेवा मिल्ली तां असी हिम्मत नी हारदे।

गलातियों 6:9

असा जो नेक कम्म करणे तांइ हिम्मत नी छडणी चाएदी, किजोकी जे अगर असी हिम्मत ना छड्डे तां असा ने परमेश्वर रे ठैहराए रे समय पर ईनाम पाणा।

इफिसियों 3:1

किजोकी परमेश्वर ने ए सारा किच्‍छ तुसा गैर यहूदी लोक्कां तांइ कित्तेया, मैं पौलुस तुसा सारेयां तांइ प्रार्थना करदा। मैं मसीह यीशु री सेवा तुसा रे खातिर कित्ती इधेरे तांइ मैं कैद बिच है।

फिलिप्पियों 2:18

तिय्यां ही तुसा भी खुस हो ते मेरे कने खुसी मनाओ।

कुलुस्सियों 1:24

मेरे जो तुसा तांइ जुल्म झेलणे बिच खुसी हुंदी, मैं इस गल्ल बिच खुस है कि मैं मसीह रे सरीर तांइ, जे तिन्हेरी कलीसिया है, आखरी समय तिकर मसीह रा अपणी कलीसिया तांइ जुल्म झेलणे बिच जे भी कम्म अधुरा रेई गे रा हो, तिसजो पूरा करदे रैह्णा।

2 थिस्सलुनीकियों 3:13

तुसा ओ संगी विश्वासियों, भले कम्म करणे बिच हिम्मत मत हारो।