इफिसियों 3:12 - चम्बयाली नौआ नियम

¹² मसीह यीशु रे जरिये ते असा रे तिन्हा पर विश्वास करणे री वजह कने अवे असी बड़ी हिम्मत कने परमेश्वर रे नेड़े आई सकदे।

इफिसियों 3:12 ပူးပေါင်းရင်းမြစ်များ

यूहन्ना 14:6

यीशु ने तिसजो बोल्लेया, रस्ता अते सच्चाई ते जिन्दगी मैं ही है, बगैर मेरे कोई पिता-परमेश्वर का नी पूज्जी सकदा।

रोमियों 3:22

मतलब जां असी मसीह यीशु बिच विश्वास करदे, तां परमेश्वर असा जो धार्मिक ठैहरांदे, ते ए मसीह यीशु बिच विश्वास करणे वाले हर इक्क मणू तांइ है। किजोकी परमेश्वर सारे मणूआं कने इक्क-बराबर ही बर्ताव करदे।

रोमियों 5:2

असा रे विश्वास रे जरिये मसीह ने असा जो अनुग्रह दित्ते रा है, जिस बिच असी अज्ज टिके रे हिन, ते असी बड़ी हिम्मत ते खुसी कने परमेश्वर री महिमा जो बंडणे तांइ उत्सुक हिन।

2 कुरुन्थियों 3:4

असी इय्यां इधेरे तांइ बोलदे किजोकी मसीह यीशु रे जरिए, परमेश्वर रे सामणे असा जो इदेइ हिम्मत हुंदी।

इफिसियों 2:18

मसीह यीशु री वजह कने असी सारे जणे इक्क ही पवित्रात्मा रे जरिये पिता रे नेड़े आई सकदे।

इब्रानियों 10:35

इधेरे तांइ अपणी हिम्मत ना छड्डो, किजोकी परमेश्वर ने तिन्हा सब चीजां रे बदले तुसा जो इक्क बड्डा ईनाम दैणा।

इब्रानियों 3:6

पर मसीह यीशु, परमेश्वर रे पुत्र होणे रे तौर पर, तिन्हेरे पूरे टब्बर बिच विश्वासयोग्य हिन, जे अगर असी हिम्मत ते आस कने विश्वास बिच बणी रैह्ण तां असी ही तिन्हेरा टब्बर हिन।

1 पतरस 3:18

मैं ए इधेरे तांइ बोल्लेया करदा है किजोकी मसीह ने असा रे पाप्पां रे बदले जुल्म सैह्‍ण कित्तेया ते मारे गे। से इक्क ही वरी मरे ते तिय्यां दुबारा करणे री जरुरत नी है। से अप्पु धार्मिक थिये जिन्हा असा जो परमेश्वर रे नेड़े अणने तांइ असी पाप्पी लोक्कां तांइ अपणी जान देई दित्ती। लोक्कां ने तिन्हेरे सरीर जो मारी छड्डेया पर तिन्हेरी आत्‍मा हल्ले भी जिया करदी है।

1 यूहन्ना 2:28

अते ओ बच्चेयों, मसीह बिच बणे रेयो कि जां मसीह हटी आये तां असा जो हिम्मत रे, ताकि तिन्हेरे आणे पर असी तिन्हेरे सामणे शर्मसार ना होण।

1 यूहन्ना 3:21

ओ प्यारे विश्वासियों, जे अगर असा रा मन असा जो दोषी नी ठेहरांदा तां असा जो परमेश्वर का प्रार्थना करणे री हिम्मत मिलदी।