इफिसियों 2:9 - चम्बयाली नौआ नियम

⁹ ए तुसा रे भले कम्मां रा नतीज्जा नी है, इधेरे तांइ तुसा का इस पर घंमड करणे री कोई वजह नी है।

इफिसियों 2:9 ပူးပေါင်းရင်းမြစ်များ

रोमियों 11:6

जे अगर परमेश्वर ने तिन्हा जो अपणे अनुग्रह कने चुणे रा है, तां फिरी जे अगर ए ठीक कम्मां जो करणे कने होया हुंदा, तां अनुग्रह ने अनुग्रह नी रैह्णा थिया।

रोमियों 3:20

किजोकी मूसा रे कानून जो मनणे कने कुसकी भी मणू ने परमेश्वर रे सामणे धार्मिक नी ठैहरणा, किजोकी मूसा रे कानून री वजह कने ए पता चलदा हुंदा कि असा ने पाप कित्ते रा है।

रोमियों 4:2

किजोकी जे अगर अब्राहम ठीक कम्मां कने धार्मिक ठैहराया जादां, तां तिन्हा का घंमड करणे री वजह होई सकदी थी, पर से परमेश्वर रे सामणे घमंड नी करी सकदे।

रोमियों 9:11

पर तिन्हेरे पैदा होणे रे पैल्ले या तिन्हेरे बिच किच्‍छ भी खरा या बुरा होणे का पैल्ले ही परमेश्वर ने रिबेका जो दस्सेया, “बड्डे मुंडे ने छोटे मुंडे री सेवा करणी।” परमेश्वर ने ए गल्ल ए ज़ाहिर करणे तांइ बोल्ली कि से अपणे मकसद तांइ लोक्कां जो चुणदे, ते ए तिन्हा दोन्नां रे किच्‍छ करणे री वजह कने नी थिया।

रोमियों 9:16

इधेरे तांइ परमेश्वर तिन्हा जो चुणदा, जिन्हा पर से दया करणा चाह्‍ंदे, ते ए सारा किच्‍छ असा री मर्जी या कम्मां पर निर्भर नी करदा, पर सिर्फ परमेश्वर री दया पर निर्भर करदा।

2 तीमुथियुस 1:9

परमेश्वर ने असा जो छुटकारा दित्तेया ते असा जो इक्क पवित्र जिन्दगी जीणे तांइ सद्दे रा है। तिन्हा ने असा जो इधेरे तांइ नी चुणेया कि असी कोई भलाई रे कम्म कित्ते थिये, पर तिन्हा ने असा जो अपणे मकसद ते अनुग्रह री वजह कने चुणेया। परमेश्वर ने मसीह यीशु जो धरती पर भेजणे रे जरिये असा जो अपणा अनुग्रह दिखाणे रा मकसद इस दुनिया जो बणाणे का पैल्ले ही करी लित्तेया थिया।